Hechos 3:7 - TÄ̧DO Ä̧CUÄ̧ I̧HUȨNȨ

⁷ Pedro u̧mö̧ u̧huo̧jua̧'a̧nä̧ 'chu'ädö, cäepinäcudo. Yotäcu ö̧jä̧pi̧yä̧'i̧nä̧, ö̧jä̧dä̧'chu̧'i̧nä̧ adiu päi'inäcudo.

Nuevo Testamento Uwotjüja

⁷ Ja̧'wa̧nü̧ pä'ü kkä̧nü̧, u̧wo̧jua̧'a̧ku̧ u̧mü̧nä̧ 'chu'ädü äräbe'omȩnä̧ utturuwä'kiyu'i̧nä̧, ü̧jä̧pi̧yä̧'i̧nä̧ 'kiyünä̧ juekuächinä̧ku̧.

Hechos 3:7 ပူးပေါင်းရင်းမြစ်များ

San Marcos 1:31

Ja̧'hua̧ ja̧'a̧ttö̧ tö'cönänö 'chä̧nö̧, ku̧mö̧nä̧ 'chu'ädö 'ca'epinödo jahuäjuru. Yotäcu märichei na̧jä̧cha̧'a̧ aditö icuinäcuado. Ja̧'hua̧nö̧ ja̧'a̧ ja̧u̧nu̧tä̧ ttu̧cuȩ iyinäjudo.

San Marcos 5:41

Ku̧mö̧nä̧ 'chu'ädö, jahuäjuru pä'inödo: —Talita, cumi. —Ujutu ti̧huȩnȩnä̧ päa'a: Möäyaju, ucuru pä'ösä, ä̧rä̧mi̧'i̧.

San Marcos 9:27

Ja̧'hua̧nö̧ ja̧'a̧nä̧ Jesús u̧mö̧nä̧ 'chu'ädö cä'epinödo ja̧u̧ mö̧ä̧ya̧rö̧. Ja̧u̧ mö̧ä̧ya̧ jueönä ä̧rä̧mi̧'i̧nö̧do.

San Lucas 13:13

Ja̧'hua̧nö̧ ja̧'a̧ jahuäjuru u̧mö̧nä̧ mȩ'i̧nö̧do. Yotäcu jahuäju jueönä pä'i'inäjudo. Ja̧'hua̧nö̧ ja̧'a̧ Diosrö eseunu ucuocuinäjudo.

Hechos 3:6

Ja̧'hua̧ ja̧'a̧ Pedro pä'inödo: —Pärätä'inä, oro'inä jui̧'a̧sä̧. Chu̧ju̧nä̧rö̧mä̧ chiyäcujä. Ä̧rä̧mi̧'ö̧ cue'ächi Jesucristo Nazaret i̧sa̧ i̧mi̧nä̧.

Hechos 3:8

Tö'önänö ä̧rä̧mi̧'ö̧ cue'ächinödo. Jahuätöcu Diosrö ucuocuäcuähuodenä do'ächi'inödo. Ja̧'hua̧nö̧ tö'önänö cue'ächö, Diosrö eseunu ucuocuinödo.

Hechos 4:16

Pä'inätödo: —¿Tta̧'a̧nö̧ jȩtä̧cua̧'a̧jä̧ttö̧ pitörö? O'ca toi'önä Jerusalén ötahuiyänä ka̧cuä̧tö̧mä̧ huo̧juä̧tö̧ yoröiso ttö̧ja̧ ttieru jȩpä̧jä̧tö̧ pä'ö. Chahuaruhuä, ujutumä tä̧ppö̧tä̧rö̧ juiyö'a̧nö̧ ja̧'a̧.

Hechos 9:41

Pedro Tabita ku̧mö̧nä̧ 'chu'ädö cä'epinödo kä̧rä̧mi̧'a̧ pä'ö. Ja̧'hua̧ ja̧'a̧ Jesucristorö esetätörö'inä, rȩcua̧mö̧rö̧'i̧nä̧ huopö, jahuätörö a̧dȩcua̧ju̧ru̧tä̧ iyinödo.