Hechos 3:25 - TÄ̧DO Ä̧CUÄ̧ I̧HUȨNȨ

²⁵ Dios iya päinömä, i̧huȩnȩ jiäcuähuä isotörö päinömä, ucuturu'inä pä'inö. Ja̧'hua̧ta̧nö̧ ucutu cuä̧do̧tö̧ mi̧nä̧cu̧ amöcuädäcuähuä ucuocuomenä, Dios ucuturu'inä amöcuädinö. Ja̧'hua̧nö̧ pä'inö Abrahamrö: “Ucuttu isotöttö ppä̧dä̧dä̧cua̧sä̧ o'ca toi'önärö ruhuäcuiyä pa̧ja̧cu̧nä̧ ttö̧ja̧rö̧.”

Nuevo Testamento Uwotjüja

²⁵ Ukutu'i̧nä̧ profeta-tü̧ pinä̧tü̧ tti̧tti̧mü̧jä̧ ja̧'wa̧ta̧nü̧ tü̧tä̧mü̧ mi̧nä̧rü̧ eseku Dio iyinü'i̧nä̧ kuȩmä̧kuo̧tü̧jä̧. Dio-mä̧ pä'inü̧ Abraha̧-rü̧: Uku kui̧tti̧mü̧nä̧, pi̧jä̧ ttü̧ja̧mä̧ o'katoi'ünä̧ adiwä juei ttȩmä̧kuo̧tü̧.

Hechos 3:25 ပူးပေါင်းရင်းမြစ်များ

San Lucas 1:72

“Re rö̧jö̧nä̧ to̧chä̧cuä̧u̧jä̧,” pä'inö tä̧do̧tö̧ mi̧nä̧rö̧. “Adiu chucuocuinömä unichi'ocösä” pä'inö.

Hechos 13:26

Juhua'a yabonö pä'inödo Pablo: —Chahuaruhuä Abraham mi̧nä̧ isotö'inä, ucututtu korotö Diosrö ye'ecuätömä, Dios ucuturu hue'inö pi̧yȩ suronä jȩcu̧'ä̧tu̧cu̧ttu̧ cu̧ja̧cui̧'ä̧tu̧cuä̧cuȩ huȩnȩ.

Hechos 2:39

Ja̧'hua̧nö̧ iya pä'inö ucuturu'inä, cui̧tti̧mö̧rö̧'i̧nä̧, o'ca toi'önä oto ka̧cuä̧tö̧rö̧'i̧nä̧, o'ca toi'önä Tu̧ru̧hua̧ Dios huoä̧u̧ru̧mä̧, —pä'ö ädätinödo Pedro.

Romanos 15:8

Ttö pa̧'a̧nö̧ pä'ösä, Cristo ichinö judíos ttö̧ja̧rö̧ ppäda pä'ö. Ja̧'hua̧nö̧ ichinö Dios ujutu tä̧do̧tö̧ mi̧nä̧rö̧ päinömä 'cuäopa pä'ö. Ja̧'hua̧ta̧nö̧ Dios iso päi'önätä ucuocu i̧jȩpi̧nö̧.

Romanos 4:13

Pi̧jä̧ o'ca juiyönä Dios iya pä'inö Abrahamrö, i̧tti̧mö̧rö̧'i̧nä̧, chutä isotörö. Ja̧'hua̧nö̧ ja̧'a̧nä̧ Abrahammä Moisés hueähuä huȩnȩ hueö ta'anö jȩa̧'a̧ttö̧, iya pä'ocö pi̧nö̧ Dios. Abraham churutä Diosrötä eseta'attö, Dios jȩi̧nä̧cu̧ chutäcu ji̧nä̧ ji̧yȩtȩ ja̧ pä'ö.

Gálatas 3:16

Iso päi'önä Dios Abraham mi̧nä̧rö̧'i̧nä̧, chutä ahuaruhuä isotö i̧sa̧rö̧'i̧nä̧ iya pä'ö ucuocuinö. Huȩyu̧cuä̧ Huȩnȩ päoca'a ja̧u̧ isotö jö̧nä̧mä̧. Recuätönä päoca'a. Huȩyu̧cuä̧ Huȩnȩ ji̧ta̧'a̧nö̧tä̧ päa'a: “Ucu i̧sa̧ttö̧.” Ya̧tȩrö̧tä̧ Cristorötä pä'ö päa'ajä ja̧u̧mä̧.

Gálatas 3:29

Iso päi'önä Cristorö cuesetätucuttumä, Abraham mi̧nä̧ isotö isotöjä. Ja̧'hua̧ta̧nö̧ o'ca juiyönä Dios iya päinömä cuȩmä̧cuo̧tö̧jä̧.

Gálatas 3:8

Judíos huocotöttö Diosrö esetätömä ttesetäcua'a ä'canä amöcuädö Dios jahuätörö ȩma̧ päinö huȩnȩ päina'a Huȩyu̧cuä̧ Huȩnȩ Abrahamrö. Ja̧u̧ adihuä huȩnȩ päina'a: “Ucu adiu cueseta'attö, o'ca toi'önä ttö̧ja̧mä̧ ppädädäcuotö.”

Apocalipsis 14:6

Ja̧'hua̧ ja̧'a̧ttö̧ ka̧ra̧ ángel, mo̧ro̧jä̧ kä'conä co̧ä̧ra̧'a̧ topinösä. Ja̧u̧mä̧ yoröiso beipocö huȩnȩ, ttö̧ja̧rö̧ jȩpö̧ icu huȩnȩ, ko̧ro̧jä̧ tti̧rȩjä̧nä̧ ka̧cuä̧tö̧rö̧'i̧nä̧, pi̧jä̧ pa̧ja̧cu̧nä̧ ttö̧ja̧rö̧'i̧nä̧, tti̧huȩnȩ pö̧nä̧ ucuocuätörö'inä, o'ca juiyönä ötahuiyä ttö̧ja̧rö̧'i̧nä̧ jiähua pä'ö ku̧nä̧ri̧nö̧.

Apocalipsis 5:9

Ja̧'hua̧ta̧nö̧ pi̧yȩ jareö ra̧huä̧huä̧ ra̧'i̧nä̧tö̧: Iso päi'önä ucutä adihuä i̧sa̧jä̧. Ucutä ja̧u̧ cuyäru'tä ȩmö̧, sellos jȩpö̧ cuicu'a̧nö̧ hua̧. Ucurutä sacrificio päi'önä cuä'ö tticuinäcujä. Ucutä cucuojanä Dios i̧tti̧mö̧ päti'a pä'ö ȩmi̧nö̧jä̧ o'ca toi'önä pa̧ja̧cu̧nä̧ ttö̧ja̧ttö̧'i̧nä̧, tti̧huȩnȩ pö̧nä̧ ucuocuätöttö'inä, o'ca juiyönä ötahuiyä ttö̧ja̧ttö̧'i̧nä̧, korotö tti̧rȩjä̧ttö̧'i̧nä̧.

Apocalipsis 7:9

Ja̧u̧ juäi tochinö o'ca'a, pä'äji ta'anö tochomenä, recuätö ttö̧ja̧ pi̧jä̧ pa̧ja̧cu̧nä̧ ttö̧ja̧ttö̧, o'ca toi'önä tti̧huȩnȩ pö̧nä̧ ucuocuätöttö, o'ca juiyönä ötahuiyä ttö̧ja̧ttö̧, ko̧ro̧jä̧ tti̧rȩjä̧ra̧'a̧ttö̧ ichähuotö chutä i̧dȩä̧cä̧'i̧nä̧, Cordero'inä ttä'ca jo̧mȩttö̧ ttö̧ja̧cua̧'a̧ topinösä. Juiyo recuinätö. Yoröiso ppa̧ja̧cuo̧mȩ juiyönä recuinätö. Ttö̧'ca̧tä̧huä̧ti̧yu̧ teönä 'ca̧tä̧hui̧nä̧tö̧. Ttu̧mö̧nä̧ koro juäi isojä, nȩnȩä̧ isojä jä̧'i̧nö̧'a̧nö̧, 'chu̧'ä̧ri̧nä̧tö̧.