Hechos 3:19 - TÄ̧DO Ä̧CUÄ̧ I̧HUȨNȨ

^19-20 Ja̧'hua̧ ja̧'a̧ pärocuäcutä amöcuädätucui. Diosrö ppa̧'ä̧chä̧tu̧cui̧, suronä jȩcu̧'i̧nä̧tu̧cu̧ si'epö icua pä'ö, cua̧'cua̧ eseunu kä̧cuä̧huä̧ iyätucuacu pä'ö, Jesucristorö ä'canä ucuturu pätetö hue'inörö huea pä'ö.

Nuevo Testamento Uwotjüja

¹⁹ Ja̧'wa̧nü̧ ja̧'a̧ttü̧, suronä̧ jȩ'kuä̧'i̧jä̧tu̧ku̧ kä'ädi'ü, Dio-ku ppa̧'ä̧chä̧tu̧kui̧, suronä̧ jȩ'kuä̧'i̧jä̧tu̧ku̧ jȩpü̧ ikuätukuaku pä'ümä̧; Dio-ttü unichä̧rü̧ eseu kkä̧kuä̧wä̧ ichäkua'anü̧.

Hechos 3:19 ပူးပေါင်းရင်းမြစ်များ

San Mateo 13:15

Cuami iso'quimä 'quiyönä juoächi'ina'ado. Suronätä ä̧ju̧cuä̧tö̧jä̧. Cu'äre'inä mö̧'ȩpä̧rö̧ ka̧cuä̧tö̧jä̧ tocu'ätucu juiya pä'ö. Cuä̧ja̧nä̧'i̧nä̧ ä̧ju̧cuo̧co̧tö̧jä̧. Cuami iso'quitucunä 'cucuächi'önä ä̧ju̧cuo̧co̧tö̧jä̧. Ttörö'inä ppa̧'ä̧cho̧co̧tö̧jä̧ aditö chicuätucuacu pä'ö, pä'inödo Isaías.

San Mateo 18:3

Ja̧u̧nu̧ o'ca'a jahuätörö pä'inödo: —Iso päi'önä pä'ösä ucuturu, ppo̧'ä̧tö̧ ttamöcuädö'a̧nö̧ pärocuäcutä cuamöcuädätucu juiyöttömä, yoröiso Dios ö̧jo̧mȩ do'ächocotö cuäcuotöjä.

San Lucas 1:16

Ji̧ä̧huä̧cua̧ Israel ttö̧ja̧ recuätö Ttu̧ru̧hua̧ Diosrö ppa̧ttä̧chi̧ya̧rö̧ pä'ö.

San Lucas 22:57

Ja̧'hua̧nö̧ päjäcu Pedro ä̧ppö̧tä̧rö̧ pä'inödo: —Isaju, ja̧u̧mä̧ chieruhuäcu.

Hechos 1:6

Ja̧'hua̧nö̧ ja̧'a̧ Jesús hue'ähuotömä chutä Jesúscu ca̧ca̧cui̧pö̧, jä'epinätödo: —Tu̧ru̧hua̧, ¿jitämä Israel ttö̧ja̧ pä'äji ta'anö jitötä ttamönä ruhuotörö hue'ö ttö̧ja̧cua̧ pä'ö huȩcu̧huä̧cua̧jä̧?

Hechos 11:18

Jesucristorö esetätömä, Jerusalén ötahuiyänä ka̧cuä̧tö̧mä̧, Pedro päa'a ttä̧ju̧cuo̧mȩnä̧, juhua'a yabonö pä'ocotö pi̧nä̧tö̧do. Eseunu ucuocuinätödo Diosrö. Pä'inätödo: —Diosmä judíos huocotörö'inä iyö pärocuäcutä ttamöcuäda pä'ö, kä̧cuä̧huä̧ i'co ttu̧ju̧nä̧ra̧ pä'ö.

Hechos 11:21

Tu̧ru̧hua̧ ujurunä jahuätörö ppä'ädinödo. Recuätö täbocö ttesetinö jaropi'ö, Tu̧ru̧hua̧rö̧ esetinätödo.

Hechos 15:3

Ja̧'hua̧nö̧ ja̧'a̧ttö̧ iglesia ruhuämä Antioquía ötahuiyänä ka̧cuä̧tö̧mä̧ hue'inätödo Pablorö, Bernabérö, ttahuaruhuärö'inä. Fenicia rȩjȩnä̧'i̧nä̧, Samaria rȩjȩnä̧'i̧nä̧ 'cuä'opö 'chä̧nö̧, Jesucristorö esetätörö ji'ähuinätödo judíos huocotö täbocö ttesetinö jaropi'ö, Diosrö esetinätö pä'ö. O'ca toi'önä ttö̧jä̧hua̧tö̧, jittähua'a ä̧ju̧cu̧, juiyo esehuinätödo.

Hechos 17:26

“Ya̧tȩtä̧ ucuojattö aditinö ruhuäcuiyä pa̧ja̧cu̧nä̧ ttö̧ja̧ ttucuoja päi'önä. Jahuätörö hue'inö pi̧jä̧ o'ca juiyönä ttö̧ja̧cua̧ pä'ö. Ja̧'hua̧ta̧nö̧ ttö̧ja̧cuä̧cuo̧mȩ tȩnȩ juäi isome ttö̧ja̧cuä̧cua̧'a̧ ja̧ pä'ö, chutä jahuätörö aditäcua'a ä'canä ja̧'hua̧nö̧ amöcuädinö.

Hechos 2:38

Ja̧'hua̧nö̧ ja̧'a̧ Pedro ädätinödo: —Pärocuäcutä amöcuädätucui. O'ca toi'önä Jesucristo i̧mi̧nä̧ bautizado pä'i'ätucui, Dios suronä jȩcu̧'i̧nä̧tu̧cu̧ jȩpö̧ icuätucuacu. Ja̧'hua̧nö̧ jȩcu̧'ä̧tu̧cuo̧mȩnä̧, ucuturu i̧yä̧cua̧ Espíritu Santorö Diosmä.

Hechos 28:27

Jitöja ttö̧ja̧ ttami iso'quittö ttamöcuädö juiyönä päi'inä̧u̧. Ttä̧ja̧ mö̧ȩcuä̧chi̧nä̧u̧. Ttö'äre'inä mö̧ȩcuä̧chi̧nä̧u̧. Ttö'ärenä ttu̧'ȩpä̧rö̧ totta'acu, ttä̧ja̧nä̧ ttä̧ju̧cua̧'a̧cu̧, tta̧mi̧ iso'quittö ttamöcuäda'acu, jahuätörö aditö chicuatö pä'ö ttörö ppa̧'ä̧cho̧co̧tö̧.

Hechos 3:21

Ja̧u̧ Jesucristo mo̧ro̧jä̧ra̧'a̧ ö̧jä̧cua̧, o'ca juiyönä Dios äcuomenä aditinö ta'anö aditö u̧ju̧na̧'a̧ jubö päi'önä. Ja̧'hua̧nö̧mä̧ Diostä ji'ähuinö mo täbocö i̧huȩnȩ jiäcuähuä isotörö, adihuä ttö̧ja̧rö̧.

Romanos 11:25

Chö̧jä̧hua̧tö̧, Dios yä̧huä̧i̧nä̧ amöcuädinö huȩnȩ cu̧huo̧juä̧tu̧cua̧ pä'ösä, ucutu “huo̧jua̧sä̧” cuamöcuädätucu juiya pä'ö. Israel ttö̧ja̧mä̧ 'cuäopönä jarode'ocotö ttäcuotö. Judíos huocotöttö Dios oipinä̧u̧ ttesetome jubö päi'önä ttöarodäcuotö Israel ttö̧ja̧mä̧.

2 Tesalonicenses 1:10

Ja̧'hua̧nö̧ 'cuäopäcua'a chutä i̧tti̧mö̧, churutä esetätömä, churutä ttucuotarö pä'ö ichö mo̧ro̧ päi'omenä. Ujutu tu̧huo̧juȩti̧nö̧mä̧ cuesetinätucua'attö, ucutu'inä ja̧u̧ru̧ cucuotäcuotöjä.

2 Tesalonicenses 1:7

Ucutu ubara ttu'ätörö'inä, ujuturu'inä 'cuätächi'a pä'ö ppädäcuotöjä Diosmä, Tu̧ru̧hua̧ Jesús ocuräcu, ángeles juruhuätöcu mo̧ro̧jä̧ra̧'a̧ttö̧ ichö mo̧ro̧ päi'omenä.

2 Timoteo 2:25

Jarode'ätörö ami iso'quinä adiu amöcuädö ucuocu. Diosrö pä̧huä̧ rö̧jo̧mȩnä̧, pärocuäcutä amöcuädö, iso päi'önä huȩnȩ tteseta pä'ö tta̧'ä̧rö̧.

Hebreos 4:1

Dioscu 'cuätächi'a päinö huȩnȩ ji̧nä̧ tu̧ju̧nä̧ro̧mȩnä̧, adiu tta̧'ä̧rä̧cuä̧u̧ tö̧ja̧cu̧'a̧nö̧ ja̧'a̧, ya̧tȩ ucututtu ö̧ji̧pö̧ juiyönä o'ca toi'önä docuhuächätucuäcua'a̧nö̧.

1 Pedro 2:25

Pä'äjimä oveja re'tehuächö cueächö'a̧nö̧ cue'ächinätöjä. Jitämä Cristocu ppa̧'ä̧chi̧nä̧tö̧jä̧. Chutämä o̧vȩja̧stö̧rö̧ tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧ tta̧'ä̧rö̧ ucuturu. Ja̧'hua̧ta̧nö̧ cua̧'cua̧ru̧hua̧nä̧'i̧nä̧ tta̧'ä̧rö̧ ucuturu.

2 Pedro 3:8

Ja̧'hua̧ta̧nö̧ adihuä chö̧jä̧hua̧tö̧, pi̧yȩ'i̧nä̧ cunichi'ätucuä'. Tu̧ru̧hua̧ amöcuädomenämä, ya'ute mo̧ro̧tä̧ mil a̧'ȩ ja̧'a̧do. Ja̧'hua̧ta̧nö̧ mil a̧'ȩ Tu̧ru̧hua̧ amöcuädomenä, ya'ute mo̧ro̧tä̧ ja̧'a̧do.

Apocalipsis 21:4

Ttajuähuomenä, Dios ttö'äre 'ca̧huä̧cua̧. Täcö 'corupäi'äcuähuä'inä, ajuäcuähuä'inä, tta̧'cua̧ tta̧huȩcuä̧cuä̧huä̧'i̧nä̧, ubara ttuhuähuä'inä juiyäcua'a. O'ca juiyönä pä'äji ka̧cui̧nö̧mä̧ 'cuäopina'a.