Hechos 28:30 - TÄ̧DO Ä̧CUÄ̧ I̧HUȨNȨ

^30-31 Pablo todäre a̧'ȩ 'cuäoi'önä ojusode päroutä öäre pärätä mitö ki̧nö̧do. O'ca toi'önä churutä do'ächö ichätörö eseunu ji'ähuinödo Dios Ttu̧ru̧hua̧ päi'önä kö̧ pä'ö. Ja̧'hua̧ta̧nö̧ Tu̧ru̧hua̧ Jesucristo jȩi̧nö̧ huȩnȩ yecuoca'a huo̧juȩti̧nö̧do. O'ca toi'önä ja̧'a̧tä̧ topinätödo Pablo jiähuomenä.

Nuevo Testamento Uwotjüja

³⁰ Pauru-mä̧ todäre años jo̧mȩnä̧ kki̧nü̧ juȩnȩmä̧, yodete isode ü̧jü̧ mikuä mitäu kkä̧nü̧. Ja̧'wa̧nü̧ ü̧ja̧'a̧ttü̧ o'katoi'ünä̧ topü ichätürümä̧, dopepü tottünä̧ jȩpi̧nü̧.

Hechos 28:30 ပူးပေါင်းရင်းမြစ်များ

San Juan 1:39

Jesús päinä̧u̧do: —Chö̧jo̧mȩ topächätucui. Ja̧'hua̧nö̧ päomenä, 'chi̧nä̧tö̧do ö̧jo̧mȩ totta pä'ö. Täcö kä̧hua̧ dauhuiyä huämenä ö̧ja̧'a̧ 'chi̧nä̧tö̧do Jesúscu. Ja̧'hua̧nö̧ ja̧'a̧ttö̧ ja̧u̧nu̧ mo̧ro̧ ni̧pä̧cho̧mȩ jubö päi'önä ka̧cui̧nä̧tö̧do Jesúscu.

Hechos 19:21

Ja̧'hua̧nö̧ 'cuäopäji o'ca'a Pablo Macedonia rȩjȩttö̧'i̧nä̧, Acaya rȩjȩttö̧'i̧nä̧ 'cuä'opö Jerusalén ötahuiyära̧'a̧ i̧'cha̧ pä'ö amöcuädinödo. Pä'inödo: —Ä'canä Jerusalén ötahuiyära̧'a̧ chi̧'chä̧cua̧sä̧. Ju̧huȩnȩ o'comenä, Roma ötahuiyära̧'a̧ chi̧'chä̧cua̧sä̧.

Hechos 24:27

Todäre a̧'ȩ ja̧'hua̧nö̧ 'cuäopina'ado. Ja̧'hua̧nö̧ ja̧'a̧ Félix ru̧hua̧ ö̧jä̧'i̧jo̧mȩ ka̧ra̧rö̧ hue'inätödo, Porcio Festo pä'ö mi̧cua̧rö̧. Félix judíos ttö̧ja̧ ja̧u̧ru̧ adiu ttamöcuäda päa'attö, ji̧nä̧ cärenä ö̧'a̧'a̧nä̧ Pablorö tta̧ttä̧ra̧ pä'ö hue'ipinödo.

Hechos 28:16

Roma ötahuiyära̧'a̧ ti̧rȩbȩhuo̧mȩnä̧, su̧ro̧da̧u̧ ttu̧ru̧hua̧ cärenä pȩjä̧tö̧rö̧ iyinö ka̧ra̧ su̧ro̧da̧u̧ ttu̧ru̧hua̧rö̧. Pablomä ojusodenä katä ki̧nö̧ ya̧tȩ su̧ro̧da̧u̧ i̧sa̧cu̧ Pablorö tta̧'ärö̧.

Hechos 28:29

Pablo ja̧'hua̧nö̧ päomenä, judíos ttö̧ja̧ jitötä ucuocuäyotö rä'opächinätödo.

Romanos 15:32

Ja̧'hua̧ta̧nö̧ eseunu chichäcua'a̧nö̧ ucuturu Diosrö pä̧huä̧ rö̧jo̧mȩnä̧ ucuturu chesehuäcua'a̧nö̧ ucuocuätucuittö.

2 Corintios 11:23

Jahuätömä, ¿Cristo umöhuäyotö tä̧ji̧? Ttö'inä jahuätöttö'inä abonänö Cristo u̧mö̧huä̧ya̧sä̧. Juhuorö'inä ja̧'hua̧nö̧ ucuocu, suripächätö ttucuocu'a̧nö̧ ucuocusä. Jahuätöttö'inä abonänö rö̧ȩnä̧ aditinösä. Ja̧'hua̧ta̧nö̧ jahuätöttö'inä abonänö rö̧ȩnä̧ cuäcuättinäcusä. Ja̧'hua̧ta̧nö̧ jahuätöttö'inä abonänö rö̧ȩnä̧ cärenä pi̧nö̧sä̧. Ja̧'hua̧ta̧nö̧ cuedächomenä, rö̧o̧ mo̧ro̧ cuä'ö tticua pä'inätö ttörö.

2 Corintios 6:5

Ja̧'hua̧ta̧nö̧ ujutu ä̧nu̧chu̧nä̧ cuäcuäpö, cärenä ttötinä̧u̧jä̧. Ja̧'hua̧ta̧nö̧ koronö ttö̧ja̧ rö̧ȩnä̧ ttö̧ra̧huä̧ra̧'a̧nä̧, ki̧'i̧nä̧tö̧jä̧. Koronö'inä rö̧ȩnä̧ aditinätöjä. Ja̧'hua̧ta̧nö̧ koronö'inä tä'oca'a ka̧cui̧nä̧tö̧jä̧. Ja̧'hua̧ta̧nö̧ koronö'inä ppäi ttu'inätöjä.

Filipenses 1:13

Cristorö esetö cärenä chö̧'a̧'a̧mä̧ huo̧juä̧tö̧ o'ca toi'önä su̧ro̧da̧u̧, ru̧hua̧ ojusode tta̧'ä̧rä̧tö̧'i̧nä̧, pȩnȩ ka̧cuä̧tö̧'i̧nä̧.

2 Timoteo 1:17

Ja̧'hua̧ta̧nö̧ Roma ötahuiyära̧'a̧ ichomenä, ttörö usinö ttörö ö̧'o̧cui̧'o̧mȩ jubö päi'önä.

2 Timoteo 4:2

'Cuäopönä ji'ähui pi̧yȩ huȩnȩ. Ttä̧ju̧cuo̧mȩnä̧'i̧nä̧, ttä̧ju̧cuo̧co̧mȩnä̧'i̧nä̧ ji'ähui. Korotörö tä̧bo̧tö̧ ji'ähui. Cuami 'qui'ächi'ö kä̧nö̧, adiu huo̧juȩti̧.