Hechos 28:16 - TÄ̧DO Ä̧CUÄ̧ I̧HUȨNȨ

¹⁶ Roma ötahuiyära̧'a̧ ti̧rȩbȩhuo̧mȩnä̧, su̧ro̧da̧u̧ ttu̧ru̧hua̧ cärenä pȩjä̧tö̧rö̧ iyinö ka̧ra̧ su̧ro̧da̧u̧ ttu̧ru̧hua̧rö̧. Pablomä ojusodenä katä ki̧nö̧ ya̧tȩ su̧ro̧da̧u̧ i̧sa̧cu̧ Pablorö tta̧'ärö̧.

Nuevo Testamento Uwotjüja

¹⁶ Roma ütawiyänä̧ ti̧rȩbȩwi̧'ä̧ja̧'a̧mä̧, su̧ro̧do̧u̧ ttu̧ru̧wa̧mä̧ Pauru-rü we'inü̧, i̧mi̧ku̧nä̧ ü̧jü̧nä̧ ya̧tȩ su̧ro̧do̧u̧ i̧sa̧tä̧ tta̧wä̧ra̧'a̧nä̧.

Hechos 28:16 ပူးပေါင်းရင်းမြစ်များ

Hechos 18:2

Juhua'attö ya̧tȩ judíos ttö̧ja̧ i̧sa̧rö̧, Aquila pä'ö mi̧cua̧rö̧, Ponto rȩjȩttö̧ uhuäpächinörö po̧cui̧pi̧nö̧do. Aquilamä irecua Priscilacu ni̧po̧ ja̧'a̧cu̧ Italia rȩjȩttö̧ ichinö, ru̧hua̧ Claudio hueomenä o'ca toi'önä judíos ttö̧ja̧ Roma ötahuiyättö rä'opächö tti̧hua̧ pä'ö. Pablo jahuätörö do'ächö 'chi̧nö̧do.

Hechos 19:21

Ja̧'hua̧nö̧ 'cuäopäji o'ca'a Pablo Macedonia rȩjȩttö̧'i̧nä̧, Acaya rȩjȩttö̧'i̧nä̧ 'cuä'opö Jerusalén ötahuiyära̧'a̧ i̧'cha̧ pä'ö amöcuädinödo. Pä'inödo: —Ä'canä Jerusalén ötahuiyära̧'a̧ chi̧'chä̧cua̧sä̧. Ju̧huȩnȩ o'comenä, Roma ötahuiyära̧'a̧ chi̧'chä̧cua̧sä̧.

Hechos 23:11

Ja̧u̧tä̧ yodo Tu̧ru̧hua̧mä̧ Pablorö i̧jȩcui̧nö̧do. Ja̧u̧ru̧ pä'inödo: —Cua̧'cua̧ eseunu kä̧hui̧, Pablo. Porö Jerusalén ötahuiyättö ttö chi̧huȩnȩ jicuhuähuäji'a̧nö̧ Roma ötahuiyättö'inä ji̧cu̧huä̧huä̧cua̧jä̧.

Hechos 24:23

Ja̧'hua̧ta̧nö̧ Félix su̧ro̧da̧u̧ ttu̧ru̧hua̧ ippeyä ru̧hua̧rö̧ hue'inödo Pablo cärenä ö̧'a̧'a̧nä̧ tta̧huä̧ra̧ pä'ö. —Ahuaruhuä huäinä ichätö ppättädarö, —pä'inödo Félix.

Hechos 27:3

Rätopäji koro mo̧ro̧ Sidón ötahuiyä huoi'ca huämicuome 'chä̧hui̧'i̧nä̧tö̧jä̧. Julio adiu amöcuädinö Pablorö. Ja̧'a̧tä̧ topinö ahuaruhuärö do'ächö i̧'cha̧'a̧nä̧ ahuaruhuä ppättädarö pä'ö.

Hechos 27:31

Ja̧'hua̧nö̧ ja̧'a̧nä̧ Pablo ji'ähuinö su̧ro̧da̧u̧ ttu̧ru̧hua̧rö̧, su̧ro̧da̧u̧ru̧'i̧nä̧. Pä'inö: —Jahuätö huoi'ca jacuä ttö̧'ö̧ juiyöttömä, ucutu o'ca toi'önä 'corujuocuhuächäcuotöjä, —pä'inödo Pablomä.

Hechos 27:43

Su̧ro̧da̧u̧ ttu̧ru̧hua̧ Pablorö cuä'ö tticu juiya pä'inö. Ja̧'hua̧nö̧ ja̧'a̧ttö̧ cuä'ö tticu juiya hue'inö cärenä pȩjä̧tö̧rö̧. Ja̧u̧ hue'inö: —O'ca toi'önä cuoähuänä huo̧juä̧tö̧mä̧ ä'coji tö'ächätucui, rȩba̧ra̧'a̧ cu̧huä̧mi̧'ä̧tu̧cua̧.

Apocalipsis 17:18

Jahuäju isajumä, tocu'äcuamä, ja̧u̧ ötahuiyä rö̧ome, o'ca toi'önä pi̧jä̧nä̧ ka̧cuä̧tö̧ ruhuotörö huea'a jä̧'i̧nö̧'a̧nö̧ ja̧'a̧.

Apocalipsis 17:9

“Ja̧'hua̧ta̧nö̧ korotö ttä̧ju̧cu̧nä̧nö̧ huotömä, pi̧yȩ ttä̧ju̧cu̧'a̧nö̧ ja̧'a̧. Ja̧u̧ pä̧i̧cua̧ i̧sa̧ ko̧ro̧mö̧ttö̧nö̧ toyure uhuiyä, ko̧ro̧mö̧ttö̧nö̧ to'care möä'quiyu jä̧'i̧nö̧'a̧nö̧ ja̧'a̧, jahuäju isaju kö̧'ä̧mä̧do̧mȩ.