Hechos 28:11 - TÄ̧DO Ä̧CUÄ̧ I̧HUȨNȨ

¹¹ Huämetucuä kä̧hua̧tö̧ o'ca'a, Malta kä'co i̧sä̧sa̧ttö̧ koro'ca huoi'ca ju̧huȩnȩtä̧ a̧'ȩ 'cuäopäjä'canä pä̧mä̧di̧nä̧tö̧jä̧. Jahuä'ca Alejandría ötahuiyättö ichinä'ca ttä̧do̧ ä̧cua̧ Castorcu, ttä̧do̧ ä̧cua̧ Póluxcu tta̧'u̧cuä̧ adicua'a päjure'canä ri̧na̧'a̧.

Nuevo Testamento Uwotjüja

¹¹ Kkä̧wa̧tü̧mä̧ wä̧mȩtukuä jo̧mȩnä̧ kkä'ko i̧sä̧sa̧nä̧ kka̧kuä̧jä̧'kotü, Alejandría woi'kanä̧, juä'ka'i̧nä̧ juȩnȩtä̧ a̧'ȩ 'kuättopäja'a ja̧'a̧; juä'kanä̧ pȩjä̧mi̧nä̧tü̧jä̧ ttü̧ä̧nä̧wo̧tü̧ Cátorü'i̧nä̧, Pólux-rü'i̧nä̧ tti̧mi̧pi̧yä̧ wȩyu̧kua̧'a̧ pä'ka.

Hechos 28:11 ပူးပေါင်းရင်းမြစ်များ

Hechos 13:6

Kä'co i̧sä̧sa̧nä̧ ka̧cuä̧tö̧rö̧ ji'ähuäyotö 'cuä'opinätödo Pafos ötahuiyä jubö. Juhua'attö ya̧tȩ judíos ttö̧ja̧ i̧sa̧ Barjesús pä'ö mi̧cua̧rö̧ po̧cui̧pi̧nä̧tö̧do. Ja̧u̧mä̧ yuhuähuä märi pi̧nö̧do. Dios i̧huȩnȩ jiäcuähuä i̧sa̧sä̧ päa'anä, yapareu ucuocuinödo.

Hechos 27:6

Juhuorö koro'ca huoi'ca Alejandría ötahuiyättö ichinä'ca Italia rȩjȩra̧'a̧ ihuä'ca po̧cui̧pö̧, jahuä'canä tö̧'ä̧mä̧da̧ pä'ö hue'inö su̧ro̧da̧u̧ ttu̧ru̧hua̧.

Hechos 28:10

Jahuätö ttö̧ja̧ rö̧ȩnä̧ ujuturu ucuotönö iyinätö. Ja̧u̧nu̧ o'ca'a pä'äji ta'anö huoi'canä tö̧'ä̧mä̧do̧mȩnä̧, ujuturu recuä rö̧jö̧mä̧ iyinätö.

Hechos 28:12

Siracusa ötahuiyä huoi'ca huämicuome 'chä̧hui̧'ö̧, ju̧huȩnȩtä̧ ka̧cui̧nä̧tö̧jä̧ huäbodäcuä mo̧ro̧.

Hechos 6:9

Ja̧'hua̧nö̧ ja̧'a̧nä̧ korotö judíos ttu̧huo̧jui̧'i̧nodettö, juhuode i̧mi̧ Libertados pättinodettö ichi'ö, ra̧huä̧rö̧ pä'ähuinätödo Estebanrö. Jahuätö Cirene ötahuiyättö'inä, Alejandría ötahuiyättö'inä, Celicia rȩjȩttö̧'i̧nä̧, Asia rȩjȩttö̧'i̧nä̧ ichinätödo.

1 Corintios 8:4

Ja̧'hua̧ ja̧'a̧ttö̧ cuäcuähuä ttucuäcua'a ä'canä, ttu̧mö̧nä̧ adicuä juäi ttä'ca ttucuocuomenä, yoröiso micuähuoca'a huo̧juä̧tö̧jä̧. Iso päi'önä huo̧juä̧tö̧jä̧ ya̧tȩä̧tä̧ kö̧ Diosmä.