Hechos 27:12 - TÄ̧DO Ä̧CUÄ̧ I̧HUȨNȨ

¹² Huoi'ca huämicuome adihuome pättome a̧'ȩ 'cuäopa'anä tta̧huä̧rä̧cuä̧huo̧mȩ adihuoca'a ji̧na̧'a̧. Ja̧'hua̧nö̧ ja̧'a̧ recuätö rättopa pä'inätö Fenice ötahuiyära̧'a̧ tti̧'cha̧ pä'ö, juhuorö a̧'ȩ 'cuäopa'anä tta̧ttä̧ra̧ pä'ö. Fenice ötahuiyä huoi'ca huämicuomemä Creta kä'co i̧sä̧sa̧nä̧ ji̧na̧'a̧. Ju̧huȩnȩtä̧ kä̧nö̧ kä̧hua̧ räopa'acunä uhuäunä ji̧na̧'a̧.

Nuevo Testamento Uwotjüja

¹² Ja̧'wa̧ta̧nü̧, juȩnȩ ttawaränä̧, a̧'ȩ 'kuättopü juiyünä̧ suroji̧yä̧u̧, o'katoi'ünä̧ amükuädinä̧tü̧, juorü rä'opächü tti̧'cha̧ pä'ü Fenice ütawiyä ttawaränä̧ 'kuättopäkua'anü̧, a̧'ȩmä̧. Fenice-mä̧ juȩnȩtä̧ Creta kkä'ko i̧sä̧sa̧nä̧ kki̧'i̧na̧'a̧, juorütä kkä̧wa̧ räopa'aku'i̧nä̧, ma̧ä̧cha̧'a̧ku̧'i̧nä̧ rättopa pä'ü adiwomȩ ja̧'a̧ttü̧.

Hechos 27:12 ပူးပေါင်းရင်းမြစ်များ

Hechos 27:13

Ja̧'hua̧nö̧ ja̧'a̧ kä̧ru̧'coppa kä̧hua̧ ö'ohuenä ja̧'a̧nä̧ a̧'cuo̧po̧nä̧ kä̧ru̧'co̧huo̧mȩnä̧, juhua'a yabo tti̧'cha̧ pä'ö amöcuädinätö. Huoi'ca huämicuome adihuome pättomettö rä'opö, Creta kä'co i̧sä̧sa̧ tö'cönänö 'chi̧nä̧tö̧jä̧.

Hechos 27:21

Recuo tu̧cuȩ tucuoca'a tö̧ja̧cuo̧mȩnä̧, Pablo ttö̧ja̧ ttä'ca jo̧mȩ kä̧mä̧dö̧ pä'inö: —Chahuaruhuä, ttö pädinö esetö cuä̧ju̧cui̧nä̧tu̧cu̧ttu̧mä̧, Creta kä'co i̧sä̧sa̧ttö̧ rätopoca'a ji̧nö̧ttö̧mä̧, adihuaja'a. Juhuorö rätopäja'attö cui'cächinätucu huoi'ca jähuä'inä toei'a'a.

Hechos 27:7

Recuo mo̧ro̧ a̧'cuo̧po̧nä̧ 'chi̧nä̧tö̧jä̧. Rö̧ȩnä̧ ttadita'attö, Gnido ötahuiyä pätecuänö rȩbȩhui̧nä̧tö̧jä̧. Kä̧ru̧'coppa ji̧nä̧ döa'attö, Creta kä'co i̧sä̧sa̧ ä̧'chu̧ päi'omenä Salmón ötahuiyä 'cuä'opö, kä'co i̧sä̧sa̧ tö'cönänö 'chi̧nä̧tö̧jä̧ kä̧ru̧'coppa huirodomenä.

Hechos 27:8

Kä̧ru̧'coppa döa'acu rö̧ȩnä̧ juȩ'ȩpä̧rö̧ ttadita'attö, huoi'ca huämicuome adihuome pättome Lasea ötahuiyä tö'cö rȩbȩhui̧nä̧tö̧jä̧.

Tito 1:12

Jahuätöttö ya̧tȩ Dios i̧huȩnȩ jiäcuähuä i̧sa̧ pättinäcumä, jahuätörötä pä'inödo: “Creta kä'co i̧sä̧sa̧ ttö̧ja̧ yaparehuätö. Ja̧'hua̧ta̧nö̧ suropätö. Ja̧'hua̧ta̧nö̧ jahuätö ttu̧cuȩ cuä̧nö̧tä̧ ka̧cuä̧tö̧, yoröiso ttaditoca'a,” pä'inödo.

Tito 1:5

Ttö huedipinäcujä Creta kä'co i̧sä̧sa̧nä̧, juhua'a yabonö cu̧huo̧juȩta̧ pä'ö. Ttö huedinäcujä ancianos huotörö cu̧ju̧na̧ pä'ö, koro ötahuiyänä koro ötahuiyänä'inä.