Hechos 26:7 - TÄ̧DO Ä̧CUÄ̧ I̧HUȨNȨ

⁷ Ujutu judíos ttö̧ja̧ o'ca toi'önä Dios päinömä tota pä'ö tta̧'ä̧rä̧tö̧jä̧. Ja̧'hua̧nö̧ ja̧'a̧ttö̧ mo̧ro̧'i̧nä̧, yodo'inä Diosrö ucuocuätöjä. Esetö tta̧dä̧ra̧'a̧ttö̧, judíos ttö̧ja̧ “Pablo suronä jȩpö̧” ucuocuätö, ru̧hua̧ Agripa.

Nuevo Testamento Uwotjüja

⁷ Ujutu tü̧tä̧mü̧mi̧nä̧ttü̧ doce-nü̧ wotü judío-mä̧, juätürü iya päinü̧ tta̧'ä̧rü̧mä̧ Dio ü̧rü̧ä̧ eseäkuäwätü, mo̧ro̧'i̧nä̧, yodo'i̧nä̧, jü̧nä̧. Ja̧'wa̧nü̧ jȩcho̧mȩttü̧ judío-mä̧ kuä'ü ttikuattü pättäkusä, ru̧wa̧ rey Agripa.

Hechos 26:7 ပူးပေါင်းရင်းမြစ်များ

San Mateo 19:28

Jesús ädätinödo: —Iso päi'önä pä'ösä ucuturu, yodoji pä̧nä̧ o'ca juiyönä jareönä ttaditö mo̧ro̧, Ubo I̧tti̧ adihuä i̧dȩä̧cä̧nä̧ o'ca toi'önä Ttu̧ru̧hua̧ päi'önä ö̧ja̧ pä'ö ö̧'ä̧mä̧dä̧cua̧. Ja̧u̧nu̧ mo̧ro̧ ucutu ttöcu cue'ächinätömä cu̧'ä̧mä̧dä̧cuo̧tö̧jä̧ ttö̧jä̧pö̧ttö̧nö̧ tocäre adihuä cui̧dȩä̧cä̧tu̧cu̧nä̧ Israel ttö̧ja̧rö̧ huecuhuätucua pä'ö.

San Lucas 2:25

Ja̧u̧nu̧ pä̧nä̧ ya̧tȩ ki̧'ä̧ji̧nö̧do Jerusalén ötahuiyänä Simeón pä'ö mi̧cua̧. Ja̧u̧ adihuä i̧sa̧, Diosrö ucuotäcuähuä i̧sa̧ pi̧nö̧do. Ja̧u̧ tta̧'ä̧ri̧'ä̧ji̧nö̧do Israel ttö̧ja̧rö̧ suronä jȩttö̧ jȩpö̧ i̧cuä̧cua̧ icha'anä. Simeón ami iso'quinä Espíritu Santorö ku̧nä̧ri̧nö̧do.

Hechos 20:31

Ja̧'hua̧nö̧ ja̧'a̧ttö̧ ttu̧'ȩpä̧rö̧nö̧ amöcuädätucui. Huäbodäcuä a̧'ȩ 'cuäoi'önä mo̧ro̧'i̧nä̧, yodo'inä ucutu o'ca toi'önärö ajuäunu ji'ähuo'ä̧ri̧nö̧sä̧ jarochi'ö juiyönä.

Hechos 24:15

O'ca toi'önä adiu jȩpä̧tö̧'i̧nä̧, suronä jȩpä̧tö̧'i̧nä̧ 'corupätti'ö o'ca'a ttottächäcuotö pä'ö, Diosrö esetö tta̧'ä̧rö̧sä̧, jahuätö esetö tta̧ttä̧rö̧'a̧nö̧.

Hechos 26:2

Pä'inödo: —Judíos ttö̧ja̧ suronä ttucuocuinömä ucu cuä'ca jo̧mȩttö̧ ädätö eseunu ucuocusä, ru̧hua̧ Agripa.

Hechos 26:3

Ucu adiu huo̧jua̧jä̧ ujutu judíos ttö̧ja̧ tö̧jö̧'i̧nä̧, pätäu'inä. Ja̧'hua̧nö̧ ja̧'a̧ttö̧ chucuocua'a cua̧'cua̧ pö̧nö̧ cuä̧ju̧cua̧ pä'ösä.

Hechos 28:20

Ja̧'hua̧nö̧ ja̧'a̧ttö̧ ucuturu huopäjisä ucuturu topö chucuocua pä'ö. Ujutu Israel ttö̧ja̧ esetö tta̧tä̧rä̧cu̧ru̧ jidähua'attö, pisa cuoräusanä nö̧'cä̧hua̧sä̧, —pä'inödo Pablo.

Filipenses 3:11

Ttö'inä hua'arettö ttodächa pä'ö tta̧'ä̧rö̧sä̧.

1 Tesalonicenses 3:10

Mo̧ro̧'i̧nä̧, yodo'inä Diosrö ucuocuätöjä, ucuturu topö ticha pä'ö. Juhua'a yabonö Diosrö cuesetätucua pä'ö, ppätäda pä'ätöjä.

1 Timoteo 5:5

Ja̧'hua̧ta̧nö̧ yajute recua ki̧tti̧mö̧'i̧nä̧, kö̧nä̧mö̧'i̧nä̧ to'ajumä, Diosrötä adiu esetö tta̧'ä̧rä̧ju̧. Jahuäjumä mo̧ro̧'i̧nä̧, yodo'inä ucuocuäju Diosrö.

Santiago 1:1

Ttömä Santiagosä. Dios'inä, Tu̧ru̧hua̧ Jesucristo'inä hueö jȩpö̧sä̧. Israel ttö̧ja̧ttö̧ dö'ecuächinätö'cotö pi̧jä̧ pa̧ja̧cu̧nä̧ ka̧cuä̧tö̧rö̧, te'äusä.