Hechos 26:23 - TÄ̧DO Ä̧CUÄ̧ I̧HUȨNȨ

²³ “Dios huea päinäcu Cristomä cuä'ö tti̧cuä̧cua̧,” päa'a ja̧u̧ huȩnȩmä̧. Ja̧'hua̧ta̧nö̧: “Korotö hua'arettö ttottächäcua'a ä'canä, 'corupä'i'ö'ca̧ tto̧ä̧chä̧cua̧,” päa'a. “Judíos ttö̧ja̧rö̧'i̧nä̧, judíos huocotörö'inä suronä jȩttö̧ jȩpö̧ icuähuä huȩnȩ, tȩa̧u̧ huȩnȩ ji̧ä̧huä̧cua̧,” päa'a ja̧u̧ iso päi'önä huȩnȩmä̧.

Nuevo Testamento Uwotjüja

²³ Pä'inä̧tü̧, Crito-mä̧ 'korujuoächä̧kua̧, 'korujuo'ächi̧'ü̧'ka̧ jua̧u̧ jä̧kua̧'a̧ ä̧kuo̧mȩnä̧ wa'inä̧tü̧ttü̧ tto̧ä̧chä̧kua̧mä̧ tȩya̧u̧ jiäwa pä'ü, judío-rü'i̧nä̧, judío pokotürü'i̧nä̧, jü̧nä̧.»

Hechos 26:23 ပူးပေါင်းရင်းမြစ်များ

San Mateo 26:24

Ubo I̧tti̧ Huȩyu̧cuä̧ Huȩnȩ päö'a̧nö̧ 'co̧ru̧juo̧ä̧chä̧cua̧. Ja̧'hua̧ ja̧'a̧nä̧ ja̧u̧ru̧, suronä jȩpä̧tö̧rö̧ i̧yä̧cua̧rö̧, suronä 'cuäopäcua'a. Ttörö i̧yä̧cua̧mä̧ yoröiso uhuäpächinö juiyöttömä, adihuaja'a.

San Mateo 27:53

Jahuätömä Jesús ttoächäji o'ca'a huattinö idoriyättö rä'opächinätödo. Jahuätö adihuä ötahuiyä Jerusalén ötahuiyänä do'ächinätödo. Recuätö ttö̧ja̧ tottinä̧u̧do.

San Lucas 2:32

Ja̧u̧tä̧ tȩa̧u̧mä̧, Israel huocotörö tȩa̧huä̧cuȩmä̧, cumöhuäyotö Israel ttö̧ja̧rö̧ ttucuota pä'ö, pä'inödo Simeón.

San Lucas 24:26

Chutä Cristo adihuä öadihuänä ö̧jä̧cua̧'a̧ ä'canä, ¿ja̧u̧ juäi ubara ttu'u juiyö'a̧nö̧ ja̧'a̧ tä̧ji̧?

San Lucas 24:46

Juhua'a yabonänö ji'ähuinödo: —Pa̧'a̧nö̧ huȩyu̧cua̧'a̧do, Cristo 'co̧ru̧pä̧i̧'ä̧cua̧. Ja̧'hua̧ta̧nö̧ huäbodäcuä mo̧ro̧ päi'omenä, hua'arettö tto̧ä̧chä̧cua̧.

San Juan 10:18

Yoröiso cha̧'cua̧rö̧ jȩpö̧ icuocotö. Ttörötä pä̧huä̧ rö̧jo̧mȩnä̧ iyösä cha̧'cua̧rö̧. Ttö 'corupädi'a'anä'inä pä'äji ta'anö ttörötä pä̧huä̧ rö̧jo̧mȩnä̧, tto'ächi'ö'ca̧ chö̧jä̧cua̧sä̧. Ja̧'hua̧nö̧ hueinäcusä Chä'omä, —pä'inödo Jesús.

San Juan 11:25

Ja̧'hua̧ ja̧'a̧ Jesús pä'inödo jahuäjuru: —Ttötäsä Ttoädäcuähuä I̧sa̧mä̧. Ttötäsä tta̧'cua̧rö̧mä̧ iyähuä i̧sa̧mä̧. Ttörö esetömä, hua'ö icuipö'inä, pä'äji ta'anö ö̧jä̧cua̧.

Hechos 13:34

Huȩyu̧cuä̧ Huȩnȩ päö ta'anö, Dios hua'arettö tto'ädinö Jesúsru, pä'äji ta'anö 'corupäi'ö juiya pä'ö. Ja̧u̧ pä'inödo: Adiu ppädäcuähuä, Davidrö chiya pädinö ta'anö, ucuturu'inä chi̧yä̧cua̧sä̧.

Hechos 26:18

Jahuätörö ttö'äre bacuhue'a pä'ö huedäcujä, yo̧ö̧cu̧ cuettächö juiya pä'ö, tȩa̧u̧cu̧ cuettächa pä'ö, ja̧'hua̧ta̧nö̧ ähuettä jahuätörö hueomenä, ja̧u̧ru̧ ttesetö juiyönä Diosrö pä̧huä̧ rö̧jö̧tä̧ jȩtta̧ pä'ö. Ja̧'hua̧ta̧nö̧ ttörö ttesetomenä, suronä jȩttö̧ jȩpö̧ icua pä'ö Dios, jahuätö'inä ttörö esetätöcu adiu ttö̧ja̧cua̧ pä'ö, jahuätörö huedäcujä”, pä'inö ttörö, ru̧hua̧ Agripa.

Hechos 26:8

Dios 'corupä'i'ätörö tto̧ä̧dä̧cuȩ huȩnȩ, ¿tta̧'a̧nö̧ pä'ö cuesetätucuoca'ajä̧ttö̧ ucutumä?

Hechos 3:18

Ja̧'hua̧nö̧ jȩcu̧'ä̧tu̧cuo̧mȩnä̧, Dios päinö ta'anö 'cuäopina'a o'ca toi'önä Dios i̧huȩnȩ jiäcuähuä isotö mo täbocö jittähuinömä. Jahuätö ä'canä jï'ähuinätö Cristo ubara ttuhuäcua'amä.

Hechos 3:24

“O'ca toi'önä Dios i̧huȩnȩ jiäcuähuä isotö, Samuel'inä, ja̧u̧nu̧ o'comenä ka̧cui̧nä̧tö̧'i̧nä̧ ä'canä ji'ähuinätödo jitä 'cuäopä̧cuȩtä̧.

1 Corintios 15:3

Äcuomenä ttörö jittähuinö huȩnȩ ji'ähuinösä ucuturu. Cristo 'corupäi'inö huȩnȩ, ujutu suronä jȩtö̧ jȩpö̧ icua pä'ö Huȩyu̧cuä̧ Huȩnȩ päö'a̧nö̧ ji'ähuinösä.

2 Corintios 4:4

Jahuätö ttesetoca'attö, ähuettä, pi̧jä̧nä̧ kö̧, ttä̧to̧cä̧chö̧nä̧ jȩi̧nä̧u̧do, adihuä Cristo i̧huȩnȩ tȩa̧u̧ tottö juiyönä. Ja̧u̧ Cristo, Dios ja̧'a̧nä̧ pi̧jä̧nä̧ uhuäpinödo.

Colosenses 1:18

Ja̧'hua̧ta̧nö̧ ja̧u̧mä̧, Cristomä, o'ca toi'önä ja̧u̧ru̧ esetätörö, ja̧u̧ jä̧ttä̧pä̧ya̧ huotörö, Tu̧ru̧hua̧ päi'önä kö̧. Ja̧u̧ jahuätörö tta̧'cua̧rö̧ iyö. Ja̧u̧ hua'arettö ä'canä tto'ächinö. Ja̧'hua̧nö̧ ja̧'a̧ ja̧u̧ o'ca juiyönä ä'canä ö̧jä̧cua̧.

Hebreos 2:10

O'ca juiyönä ka̧cu̧mä̧, Diosrö pä̧huä̧ rö̧jo̧mȩnä̧tä̧ ka̧cu̧do. Ja̧'hua̧ta̧nö̧ Dios i̧tti̧mö̧'i̧nä̧ eseunu ttö̧ja̧cua̧ chutäcu pä'ödo Dios. Ja̧'hua̧nö̧ ja̧'a̧ttö̧ Jesucristo, Dios i̧tti̧mö̧ suronä jȩttö̧ jȩpö̧ icumä, adiunätä ö̧ja̧ pä'ö ubara ttuhua'attö, jȩpi̧nö̧do Dios.

Apocalipsis 1:5

Ja̧'hua̧ta̧nö̧ Jesucristo'inä ucuturu ppädäcua'a̧nö̧. Chutä iso päi'önä huȩnȩ huo̧juȩtö̧ ujuturu. Ja̧'hua̧ta̧nö̧ chutä 'corupäi'äcuähuättö ä'canä tto'ächinödo. Chutä pi̧jä̧ ttö̧ja̧ tturuhuotöttö'inä abonänö ju̧ru̧hua̧ hueähuänä. Chutä Cristo, ujuturu repe'ö. Chutä ucuojanä suronä jȩti̧nö̧ töcö icuinä̧u̧jä̧.