Hechos 26:22 - TÄ̧DO Ä̧CUÄ̧ I̧HUȨNȨ

²² Ji̧nä̧ Dios ttörö ppäda'attö pȩnȩtä̧ adiu esetö kö̧sä̧, usurä isotörö'inä, ruhuotörö'inä yoräteunä ji'äu. Moisés'inä, Dios i̧huȩnȩ jiäcuähuä isotö'inä jittähuinötä 'cuäopäcua'a pä'ö, ja̧u̧tä̧ iso päi'önä huȩnȩ ji'äusä.

Nuevo Testamento Uwotjüja

²² Ja̧'wa̧nü̧ ja̧'a̧nä̧, Dio ppädinä̧ku̧sä̧, jitäbü päi'ünä̧ yabonü̧ chi̧'cha̧'a̧mä̧, ppo̧'ä̧tü̧rü̧'i̧nä̧, tä̧mü̧rü̧'i̧nä̧ o'katoi'ünä̧ jidäwa'amä̧. Profeta-tü̧'i̧nä̧, Moisé'i̧nä̧ jä̧kua̧'a̧ pä'ü jittäwinü̧ttü̧mä̧ i̧mi̧ku̧nä̧mä̧ ji'äwoküsä:

Hechos 26:22 ပူးပေါင်းရင်းမြစ်များ

San Mateo 26:24

Ubo I̧tti̧ Huȩyu̧cuä̧ Huȩnȩ päö'a̧nö̧ 'co̧ru̧juo̧ä̧chä̧cua̧. Ja̧'hua̧ ja̧'a̧nä̧ ja̧u̧ru̧, suronä jȩpä̧tö̧rö̧ i̧yä̧cua̧rö̧, suronä 'cuäopäcua'a. Ttörö i̧yä̧cua̧mä̧ yoröiso uhuäpächinö juiyöttömä, adihuaja'a.

San Lucas 24:27

Ja̧u̧nu̧ o'ca'a o'ca juiyönä Huȩyu̧cuä̧ Huȩnȩ churutä huȩyu̧cua̧'a̧ ji'ähuinödo jahuätörö. Moisés i̧huȩyu̧ti̧nö̧ kä̧mä̧dö̧, o'ca juiyönä Dios i̧huȩnȩ jiäcuähuä isotö tti̧huȩyu̧ti̧nö̧ ji'ähuinödo.

San Lucas 24:44

Ja̧u̧nu̧ o'ca'a jahuätörö pä'inödo: —Ttörö 'cuäopäjimä, ucutucu ji̧nä̧ kä̧nö̧, ji'ähuinösä. O'ca juiyönä Moisés hueähuä huȩnȩ ttörö päö'a̧nö̧'i̧nä̧, Dios i̧huȩnȩ jiäcuähuä isotö ttörö tti̧huȩyu̧ti̧nö̧'a̧nö̧'i̧nä̧, Salmos cuyäru ttörö päö'a̧nö̧'i̧nä̧ 'cuäopäcua'a ji'ähuinösä.

San Lucas 24:46

Juhua'a yabonänö ji'ähuinödo: —Pa̧'a̧nö̧ huȩyu̧cua̧'a̧do, Cristo 'co̧ru̧pä̧i̧'ä̧cua̧. Ja̧'hua̧ta̧nö̧ huäbodäcuä mo̧ro̧ päi'omenä, hua'arettö tto̧ä̧chä̧cua̧.

San Juan 1:17

Moisésmä hueähuä huȩnȩ iyinödo ujuturu. Ja̧'hua̧nö̧ ja̧'a̧nä̧ Jesucristotä iso päi'önä huȩnȩ'i̧nä̧, tahuaruhuärö repeäcuähuä'inä iyinödo ujuturu.

San Juan 1:45

Jesús Feliperö oipäji o'ca'a, Felipemä Natanaelrö o'ipö 'chi̧nö̧do. Ja̧u̧ru̧ pä'inödo: —Moisés hueähuä huȩnȩnä̧ huȩyu̧tu̧ päinäcuru topäjätöjä̧. Ja̧'hua̧ta̧nö̧ Dios i̧huȩnȩ jiäcuähuä isotö pättinäcuru topäjätöjä̧. Ja̧u̧mä̧ Jesús, José i̧tti̧do, Nazaret ötahuiyänä ki̧nö̧do.

San Juan 5:39

Ucutumä ttu̧ȩcuä̧nä̧ ucuocuätöjä Huȩyu̧cuä̧ Huȩnȩ. Ja̧'hua̧nö̧ ucuocu, kä̧cuä̧huä̧ i'co cu̧'o̧cui̧'ä̧tu̧cua̧ pä'ätöjä. Ja̧'hua̧nö̧ ja̧'a̧nä̧ Huȩyu̧cuä̧ Huȩnȩ ttörötä päa'a.

San Juan 5:46

Ucutumä, Moisés päinö cuesetätucuttumä, ttörö'inä esetajatöjä. Chutä Moisés ttörötä huȩyu̧ti̧nö̧do.

Hechos 10:43

O'ca toi'önä Dios i̧huȩnȩ jiäcuähuä isotö ä'canä ji'ähuinätödo Jesucristorö 'cuäopä̧cuȩmä̧. Ttö̧ja̧ suronä jȩtti̧nö̧ jȩpö̧ i̧cuä̧cua̧ Diosmä, Jesucristorö ttesetomenä, pä'ö ji'ähuinätödo, —ucuocuinödo Pedro.

Hechos 13:29

Huȩyu̧cuä̧ Huȩnȩ ja̧u̧ru̧ päö'a̧nö̧ o'ca juiyönä jȩpä̧jo̧'co̧tö̧, dauttu mȩyȩdö̧ idoränä ttöttinäcudo.

Hechos 24:14

Ja̧'hua̧nö̧ ja̧'a̧nä̧'i̧nä̧ ucuru ji'äusä tä̧do̧tö̧ mi̧nä̧ Diosrö ucuocusä jareu kä̧cuä̧huä̧ huȩnȩ esetö. Judíos ttö̧ja̧ pä'ätö pi̧yȩ adiu kä̧cuä̧huä̧ huȩnȩ esetätömä jäyänä esetätö. Ja̧'hua̧nö̧ ja̧'a̧nä̧ o'ca juiyönä huȩyu̧cuä̧ hueähuä huȩnȩ'i̧nä̧, Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧ esetösä.

Hechos 26:17

Judíos ttö̧ja̧'i̧nä̧, judíos huocotö'inä ucuru suronä jȩtto̧mȩnä̧ ppä̧dä̧dä̧cua̧jä̧. Jitämä jahuätö judíos huocotörö ji'äu cui̧'cha̧ pä'ö huedäcujä.

Hechos 26:6

Tä̧do̧tö̧ mi̧nä̧rö̧ Dios päinö ta'anö chutä 'corupä'i'ätörö tto̧ä̧dä̧cua̧do. Ja̧'hua̧nö̧ ja̧'a̧ttö̧ ttö'inä ttodächa pä'ö esetö tta̧'ä̧rö̧sä̧. Jitämä ja̧'hua̧nö̧ cheseta'attö, ucu cuä'ca jo̧mȩ kö̧sä̧ jä'epö cuä̧ju̧cua̧ttö̧ pä'ö.

Hechos 28:23

Koro mo̧ro̧ judíos ttö̧ja̧ ttichä̧cuȩ mo̧ro̧ amöcuädinätödo Pablocu. Ttamöcuädäji mo̧ro̧ päi'omenä, recuätö ttö̧ja̧ ichinätödo Pablo ö̧jodera̧'a̧. Dios Ttu̧ru̧hua̧ päi'önä kö̧ pä'ö ji'ähuinödo Pablo. Moisés hueähuä huȩnȩ'i̧nä̧, Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧ ucuocu ji'ähuinödo, Jesúsru tteseta pä'ö yo̧ȩi̧ kä̧mä̧dö̧, ni̧pä̧ro̧mȩ cä'ädö.

Romanos 3:21

Jitä koro i̧jȩpö̧ huo̧juȩti̧nö̧ Dios, ja̧u̧cu̧ ji̧nä̧ ji̧yȩtȩ huotö tta pä'ö jȩä̧cuä̧huä̧, hueähuä huȩnȩttö̧'i̧nä̧ i̧mi̧cu̧nä̧. Dios i̧huȩnȩ jiäcuähuä isotö'inä, hueähuä huȩnȩ cuyäru'inä ja̧'hua̧nö̧ jiähua'a.

1 Corintios 15:3

Äcuomenä ttörö jittähuinö huȩnȩ ji'ähuinösä ucuturu. Cristo 'corupäi'inö huȩnȩ, ujutu suronä jȩtö̧ jȩpö̧ icua pä'ö Huȩyu̧cuä̧ Huȩnȩ päö'a̧nö̧ ji'ähuinösä.

1 Corintios 15:4

Ja̧'hua̧ta̧nö̧ idoränä ttötinö o'ca'a, huäbodäcuä mo̧ro̧ päi'omenä, ttoächinö huȩnȩ ji'ähuinösä, Huȩyu̧cuä̧ Huȩnȩ päö'a̧nö̧.

Apocalipsis 11:18

Korotö ttö̧ja̧ ra̧huä̧rä̧tö̧. Ja̧'hua̧nö̧ ja̧'a̧nä̧ ucu cu̧tä̧bo̧tö̧ mo̧ro̧ päi'a'a. Ja̧'hua̧ta̧nö̧ hua'ö icuinätörö: “Ucu adiu jȩpö̧jä̧”, “Ucu suronä jȩpö̧jä̧” päcu mo̧ro̧ päi'a'a. Ucutä cumöhuäyotö, ucu huecumä ucuocuätörö, adihuä juäi cui̧yä̧cua̧jä̧. Ucuru adiunä esehuätö'inä, cui̧mi̧ ucuotätö'inä, usurä isotö'inä, järe ruhuotö'inä ucuru esetätörö adihuä juäi cui̧yä̧cua̧jä̧. Korotö pi̧jä̧ be'epäjipö tticua pä'ö jȩpä̧tö̧rö̧, bettipächönä to'ädö cuicuometä päi'a'a.

Apocalipsis 15:3

Moisés, Dios u̧mö̧huä̧ya̧, ra̧hui̧nö̧'i̧nä̧, Cordero ra̧hui̧nö̧'i̧nä̧ ra̧'i̧nä̧tö̧. Pa̧'a̧nö̧ ra̧'i̧nä̧tö̧: Tu̧ru̧hua̧, Dios o'ca juiyönä ju̧ru̧hua̧mä̧, o'ca juiyönä jȩcu̧'u̧mä̧ yoröiso adihua'a. O'ca toi'önä Ttu̧ru̧hua̧, ucu cu̧mä̧nä̧ jueönätä 'chä̧mä̧mä̧. Iso päi'önä 'chä̧mä̧mä̧.

Apocalipsis 20:12

Ja̧'hua̧ta̧nö̧ 'corupä'i'inätörö, tä̧mö̧'i̧nä̧, ppo̧'ä̧tö̧'i̧nä̧ Dios ä'ca jo̧mȩ ttö̧ja̧'a̧ topinösä. Cuyäru bahuecuächina'a. Koro cuyäru'inä kä̧cuä̧huä̧ i'co cuyäru'tä bahuecuächina'a. 'Corupä'i'inätörö pä'äji jȩtti̧nö̧ cuyäru'tänä huȩyu̧cua̧'a̧ topö ro̧ȩpi̧nä̧u̧.