Hechos 26:18 - TÄ̧DO Ä̧CUÄ̧ I̧HUȨNȨ

¹⁸ Jahuätörö ttö'äre bacuhue'a pä'ö huedäcujä, yo̧ö̧cu̧ cuettächö juiya pä'ö, tȩa̧u̧cu̧ cuettächa pä'ö, ja̧'hua̧ta̧nö̧ ähuettä jahuätörö hueomenä, ja̧u̧ru̧ ttesetö juiyönä Diosrö pä̧huä̧ rö̧jö̧tä̧ jȩtta̧ pä'ö. Ja̧'hua̧ta̧nö̧ ttörö ttesetomenä, suronä jȩttö̧ jȩpö̧ icua pä'ö Dios, jahuätö'inä ttörö esetätöcu adiu ttö̧ja̧cua̧ pä'ö, jahuätörö huedäcujä”, pä'inö ttörö, ru̧hua̧ Agripa.

Nuevo Testamento Uwotjüja

¹⁸ tti'äre bakuepa pä'ü, yo̧ü̧ttü̧ tȩya̧u̧ku̧ tti'ärowächa pä'ü; Satanás ujuruttü Dio-ku tti'ärowächa pä'ü; suronä̧ jȩttä̧'i̧ja̧'a̧, jua̧u̧ jȩpü̧ chi̧kuä̧u̧, tta̧'kua̧ wȩnä̧kuä̧wä̧ ttüttü tȩmä̧kua̧'a̧nü̧, surojü jui'ätü jü̧nä̧tä̧.

Hechos 26:18 ပူးပေါင်းရင်းမြစ်များ

San Mateo 4:10

Ja̧'hua̧nö̧ ja̧'a̧ttö̧ Jesús ädätinäcudo: —Satanás, täi. Huȩyu̧cuä̧ Huȩnȩ päa'a: “Chu̧ru̧hua̧ Diosrötä cua̧'cua̧ huȩnä̧ri̧. Ja̧'hua̧ta̧nö̧ ja̧u̧tä̧ päömä jȩpi̧,” —ädätinäcudo.

San Mateo 4:16

juhua'a ttö̧ja̧ yo̧ö̧nä̧ ka̧cui̧nä̧tö̧mä̧, adihuä tȩa̧u̧mä̧ topinätödo. Ja̧'hua̧ta̧nö̧ ttö̧ja̧ 'corupäi'äcuähuä juruhuome ka̧cui̧nä̧tö̧mä̧, adihuä tȩa̧u̧mä̧ tȩa̧hui̧nä̧u̧do, pä'ö huȩyu̧ti̧nö̧do Isaíasmä.

San Lucas 1:77

Ji̧cu̧huä̧huä̧cua̧jä̧ umöhuäyotörö, suronä jȩttö̧ jȩpö̧ icuäcua pä'ö.

San Lucas 1:79

Tȩa̧u̧ i'cächä̧u̧ yo̧ö̧nä̧ ka̧cuä̧tö̧rö̧, hua'are tö'cö ka̧cuä̧tö̧rö̧, u̧huo̧juȩta̧ pä'ö Diosrö eseunu tö̧ja̧cua̧ pä'ö, ucuocuinödo Zacarías.

San Lucas 2:32

Ja̧u̧tä̧ tȩa̧u̧mä̧, Israel huocotörö tȩa̧huä̧cuȩmä̧, cumöhuäyotö Israel ttö̧ja̧rö̧ ttucuota pä'ö, pä'inödo Simeón.

San Lucas 24:45

Ja̧'hua̧nö̧ päomenä, ttamöcuädö bahuecuächina'ado Huȩyu̧cuä̧ Huȩnȩ ttu̧huo̧juä̧chi̧'a̧ pä'ö.

San Lucas 24:47

Ja̧'hua̧ta̧nö̧ chutä i̧mi̧nä̧ o'ca toi'önä ttö̧ja̧rö̧ Jerusalén ötahuiyära̧'a̧ kä̧mä̧dö̧ jittähuäcua'a̧nö̧ pärocuäcutä ttamöcuädarö pä'ö, suronä jȩttö̧ jȩpö̧ icuatö pä'ö.

San Lucas 4:18

Espíritu Santo ttöcu kö̧. Täcö 'quȩ'ȩcua̧sä̧ adihuä juäi huȩnȩ jidähua pä'ö usurä isotörö. Hueinäcusä aditö chicua pä'ö pi̧jä̧ jähuä usurä isotö juo'ächätörö, jidähua pä'ö rä'epö icuähuä huȩnȩ cärenä pȩjä̧tö̧rö̧'i̧nä̧, ä̧to̧cä̧tö̧rö̧ tottönä jȩcha̧ pä'ö'inä, suronä jȩttä̧u̧ru̧ ppädäda pä'ö'inä hueinäcusä.

San Juan 17:17

Iso päi'önä huȩnȩ jȩpö̧, ucurutä pä̧huä̧ rö̧jo̧mȩnä̧ aditö icuitö. Ucutä cui̧huȩnȩ iso päi'önä huȩnȩ ja̧'a̧.

San Juan 3:19

Pi̧jä̧ ttö̧ja̧rö̧ adihuä tȩa̧u̧ ichomenä, pi̧jä̧ttö̧ yo̧ö̧ adihuä tȩa̧u̧ttu̧'i̧nä̧ abonänö kö'quinätödo. Jahuätö suronätä jȩpö̧ kä̧nö̧ esetocotö pi̧nä̧tö̧do ja̧u̧ adihuä tȩa̧u̧. Ja̧'hua̧nö̧ ja̧'a̧ttö̧ tä̧bo̧cuä̧ 'cuäopäcua'a jahuätörö.

San Juan 4:10

Ja̧'hua̧ ja̧'a̧ Jesús pä'inödo jahuäjuru: —Iso päi'önä Dios iyö'inä, ucuru ajiya jä'epörö'inä cu̧huo̧ju̧ttu̧mä̧, ttörötä jä'epajajujä. Ja̧'hua̧nö̧ jäcuhue'öttömä ucurutä kä̧cuä̧huä̧ ajiya iyajisä.

San Juan 4:14

Ja̧'hua̧nö̧ ja̧'a̧nä̧ ajiya ttötä chiyomettö ahuätömä, yoröiso a̧di̧ rö̧jo̧co̧u̧ ttäcuotö. Ttötä ajiya chiyömä, aje i̧sä̧rä̧ ta'anö juoächäcua'a ami iso'quinä. Ttö chiyömä aumä, kä̧cuä̧huä̧ i'co u̧ju̧nä̧rä̧cua̧.

San Juan 8:12

Jesús pä'äji ta'anö ttö̧ja̧rö̧ ucuocu huo̧juȩti̧nö̧do: —Ttötäsä pi̧jä̧ tȩa̧u̧mä̧. Ttöcu cue'ächömä kä̧cuä̧huä̧ i'co tȩa̧u̧ u̧ju̧nä̧rä̧cua̧. Ja̧u̧mä̧ yo̧ö̧nä̧ cue'ächocö jä̧cua̧.

San Juan 9:39

Ja̧u̧nu̧ o'ca'a Jesús pä'inödo: —Ttömä pi̧jä̧ra̧'a̧, adihuä juäi jȩcha̧ pä'ö ichinösä. Ä̧to̧cä̧tö̧ totta pä'ö ichinösä. Ja̧'hua̧ta̧nö̧ topätömä, ttä̧to̧cä̧cha̧ pä'ö ichinösä.

San Juan 9:5

Pi̧jä̧nä̧ chö̧jo̧mȩnä̧, pi̧jä̧ tȩa̧u̧ päi'önä kö̧sä̧.

Hechos 10:43

O'ca toi'önä Dios i̧huȩnȩ jiäcuähuä isotö ä'canä ji'ähuinätödo Jesucristorö 'cuäopä̧cuȩmä̧. Ttö̧ja̧ suronä jȩtti̧nö̧ jȩpö̧ i̧cuä̧cua̧ Diosmä, Jesucristorö ttesetomenä, pä'ö ji'ähuinätödo, —ucuocuinödo Pedro.

Hechos 13:47

Pa̧'a̧nö̧ Tu̧ru̧hua̧ ujuturu hue'inö. Pä'inödo: Ucuru ku̧ni̧nö̧sä̧ judíos huocotörö tȩa̧u̧ jä̧'i̧nö̧'a̧nö̧ cu̧ja̧ pä'ö, ttö̧ja̧ suronä jȩttö̧ jȩpö̧ icuähuä huȩnȩ jicuhuähua pä'ö o'ca juiyönä jättäjiya'a.

Hechos 15:9

Dios judíos huocotö ttami iso'quittö suronä jȩtti̧nö̧ jȩpö̧ icuinö, ujutu judíos ttö̧ja̧rö̧ jȩpö̧ icuinö ta'anö, Jesucristorö tesetomenä. Ja̧'hua̧nö̧ jahuätö'inä, ujutu'inä yoräteunä tö̧ja̧ pä'ö i̧jȩpi̧nö̧.

Hechos 2:38

Ja̧'hua̧nö̧ ja̧'a̧ Pedro ädätinödo: —Pärocuäcutä amöcuädätucui. O'ca toi'önä Jesucristo i̧mi̧nä̧ bautizado pä'i'ätucui, Dios suronä jȩcu̧'i̧nä̧tu̧cu̧ jȩpö̧ icuätucuacu. Ja̧'hua̧nö̧ jȩcu̧'ä̧tu̧cuo̧mȩnä̧, ucuturu i̧yä̧cua̧ Espíritu Santorö Diosmä.

Hechos 20:21

Judíos ttö̧ja̧rö̧'i̧nä̧, judíos huocotörö'inä ji'ähuinösä pärocuäcutä amöcuädö Diosrö, Tu̧ru̧hua̧ Jesucristorö cuesetätucua pä'ö.

Hechos 20:32

“Jitä chö̧jä̧hua̧tö̧, Diosrö jä'epösä ucuturu tta̧huä̧ra̧ pä'ö. Chutä i̧huȩnȩ ucuturu ppädäcua'a cujuruhuätucua pä'ö. Ja̧'hua̧ta̧nö̧ ucuturu eseu pä̧cua̧ chi̧tti̧mö̧jä̧ pä'ö, o'ca toi'önä Jesucristorö esetätörö päö'a̧nö̧.

Hechos 26:19

“Ja̧'hua̧nö̧ ja̧'a̧ttö̧ ttu̧'cuo̧ti̧cua̧'a̧ jä̧'i̧nö̧'a̧nö̧ päi'omenä, mo̧ro̧jä̧ttö̧ ucuocuina'a jarode'ocö pi̧nö̧sä̧, ru̧hua̧ Agripa.

Hechos 26:23

“Dios huea päinäcu Cristomä cuä'ö tti̧cuä̧cua̧,” päa'a ja̧u̧ huȩnȩmä̧. Ja̧'hua̧ta̧nö̧: “Korotö hua'arettö ttottächäcua'a ä'canä, 'corupä'i'ö'ca̧ tto̧ä̧chä̧cua̧,” päa'a. “Judíos ttö̧ja̧rö̧'i̧nä̧, judíos huocotörö'inä suronä jȩttö̧ jȩpö̧ icuähuä huȩnȩ, tȩa̧u̧ huȩnȩ ji̧ä̧huä̧cua̧,” päa'a ja̧u̧ iso päi'önä huȩnȩmä̧.

Hechos 3:19

Ja̧'hua̧ ja̧'a̧ pärocuäcutä amöcuädätucui. Diosrö ppa̧'ä̧chä̧tu̧cui̧, suronä jȩcu̧'i̧nä̧tu̧cu̧ si'epö icua pä'ö, cua̧'cua̧ eseunu kä̧cuä̧huä̧ iyätucuacu pä'ö, Jesucristorö ä'canä ucuturu pätetö hue'inörö huea pä'ö.

Hechos 5:31

Ja̧u̧ru̧ tto'ädö, Dios u̧huo̧jua̧'a̧nä̧ hueinäcu ru̧hua̧ ö̧ja̧ pä'ö, suronä jȩttö̧ jȩpö̧ icu ö̧ja̧ pä'ö, Israel ttö̧ja̧ pärocuäcutä ttamöcuädomenä, suronä jȩtti̧nö̧ jȩpö̧ icua pä'ö.

Romanos 8:17

Dios i̧tti̧mö̧ päti'a'attö, Dios iya päinömä tȩmä̧cuo̧tö̧jä̧. Ja̧'hua̧ta̧nö̧ Cristorö iyö'inä, yoräteunä tȩmä̧cuo̧tö̧jä̧. Cristo ubara ttuhuinö ta'anö, ubara ttututtumä, Cristocu eseäcuähuä tȩmä̧cuo̧tö̧jä̧.

1 Corintios 1:30

Ja̧'hua̧nö̧ ja̧'a̧nä̧ chutä Dios, Cristo Jesúscu ji̧nä̧ yo̧mȩtȩ cu̧ja̧cuä̧tu̧cua̧ pä'ö hue'inödo. Ja̧'hua̧ta̧nö̧ chutä Cristo iyinödo ujutu tu̧huo̧ju̧nä̧. Ja̧'hua̧ta̧nö̧ Cristorö teseta'attö, Dios jȩi̧nä̧u̧jä̧ ja̧u̧cu̧ ji̧nä̧ ji̧yȩtȩ huotö ta pä'ö. Ja̧'hua̧ta̧nö̧ ujuturu ȩmö̧ suronä jȩtö̧ jȩpö̧ icuinödo.

2 Corintios 4:4

Jahuätö ttesetoca'attö, ähuettä, pi̧jä̧nä̧ kö̧, ttä̧to̧cä̧chö̧nä̧ jȩi̧nä̧u̧do, adihuä Cristo i̧huȩnȩ tȩa̧u̧ tottö juiyönä. Ja̧u̧ Cristo, Dios ja̧'a̧nä̧ pi̧jä̧nä̧ uhuäpinödo.

2 Corintios 4:6

Iso päi'önä ja̧u̧tä̧ Dios i̧tȩa̧u̧mä̧ yo̧ö̧ kä'conä tȩa̧huä̧chi̧'ö̧nä̧ hue'inömä, ujutu tami iso'quinä'inä i̧tȩa̧u̧ iyö, Jesucristo ö'änä Dios öadihuä topö tu̧huo̧juä̧cua̧'a̧nö̧.

2 Corintios 6:14

Korotö Diosrö esetocotöcu cuahuaruhuä päi'önä, aditö cu̧jä̧tu̧cuä̧'. Ja̧'hua̧nö̧ jahuätöcu yoröiso yoräteunä jȩä̧cuä̧huo̧cö̧. Iso päi'önä, adiu jȩä̧cuä̧huä̧cu̧, suronä jȩä̧cuä̧huä̧cu̧ ¿yorätehua'a tä̧ji̧? Ja̧'hua̧ta̧nö̧ adiu tȩa̧u̧mä̧, ¿yo̧ö̧cu̧ huihuacu tä̧ji̧?

Gálatas 2:20

Ttömä Cristocu 'corupä'i'inösä. Ja̧'hua̧nö̧ ja̧'a̧ttö̧ ttömäcö̧sä̧ jitä kö̧mä̧. Cristo ttörö kö̧mä̧. Jitä chö̧jö̧mä̧ Dios I̧tti̧rö̧ esetö kö̧sä̧. Ja̧u̧tä̧ hua'are iyähuinö ttörö rettö pä'ö.

Gálatas 3:14

Ja̧u̧ 'cuäopina'a Dios Abraham mi̧nä̧rö̧ ppädäcuähuä ucuocuinö huȩnȩ judíos huocotörö ppäda pä'ö Cristo Jesúsnä. Ja̧'hua̧ta̧nö̧ ujutu o'ca toi'önä esetö tȩma̧ pä'ö Espíritu Santo, Dios iya päinäcuru.

Gálatas 3:2

Chu̧huo̧jua̧ ji'ähuätucuittö: ¿Ucutumä Espíritu Santorö ku̧nä̧rä̧tö̧jä̧ tä̧ji̧, Moisés hueähuä huȩnȩ jȩcu̧'i̧nä̧tu̧cua̧'a̧ttö̧mä̧? Isocö̧. Ucutumä Espíritu Santorö ku̧nä̧rä̧tö̧jä̧, ujutu jitähuinö esetö cuä̧ju̧cui̧nä̧tu̧cua̧'a̧ttö̧.

Efesios 1:11

Ja̧'hua̧ta̧nö̧ ujutu Cristorö tesetomenä, Dios ȩmi̧nä̧u̧jä̧ pi̧jä̧ juiyäi'inä, ujutu'inä iyä̧cuȩ tȩma̧ pä'ö. Ja̧u̧ o'ca juiyönä 'cuäopa'a chutä amöcuädö pä̧huä̧ rö̧jo̧mȩnä̧.

Efesios 1:14

Espíritu Santorö iyinödo ujuturu, iso päi'önä yodoji iyä̧cuȩ'i̧nä̧, i̧yä̧cua̧ ujuturu tu̧huo̧jua̧ pä'ö. Ja̧u̧ iya pä'inö Dios, chutä i̧tti̧mö̧rö̧ surojöttö ejädö icu cädö o'ca'a. Ja̧'hua̧ta̧nö̧ Dios adihuä i̧sa̧ ja̧'a̧ttö̧ ja̧u̧ru̧ tesehuäcua'a̧nö̧.

Efesios 1:18

Ja̧'hua̧ta̧nö̧ cuamöcuädätucunä ppäda pä'ö jä'epösä Diosrö, chutä ucuturu huoinömä tta̧cu̧huä̧rä̧tu̧cu̧ adiu cu̧huo̧juä̧tu̧cua̧ pä'ö. Ja̧'hua̧ta̧nö̧ Dios i̧tti̧mö̧rö̧ iyäcua'a, iso päi'önä adihuä juäi ja̧'a̧ cu̧huo̧juä̧tu̧cua̧ pä'ö.

Efesios 1:7

Dios ujuturu rö̧ȩnä̧ repea'attö, I̧tti̧ 'corupäi'omenä, ujutu suronä jȩtö̧ jȩpö̧ icuinö.

Efesios 2:8

Iso päi'önä Dios ucuturu repea'attö, suronä jȩcu̧'ä̧tu̧cu̧ jȩpö̧ icuinö, Cristorö cuesetätucuomenä. Ucutu cuamönätucunä esetocotö pi̧nä̧tö̧jä̧. Diostä ja̧'hua̧nö̧ mippoönä iyinä̧u̧jä̧ cuesetätucua pä'ö.

Efesios 4:18

Jahuätömä yo̧ö̧nä̧ amöcuädätö. Ja̧'hua̧ta̧nö̧ jerupätö ttami iso'qui 'quitta'attö. Ja̧'hua̧nö̧ ja̧'a̧ttö̧ yoröiso Dios iyähuä kä̧cuä̧huä̧ jui'ätö.

Efesios 5:11

Yo̧ö̧cu̧ cue'ächätö micuähuocö juäi jȩttö̧mä̧, jȩcu̧'ä̧tu̧cuä̧'. Pärocua'acu ji'ähuätucuitö tȩa̧u̧nä̧ esetö cuettächäcua'a̧nö̧.

Efesios 5:14

Ja̧'hua̧nö̧ ja̧'a̧ttö̧ päa'a: Ucu ä̧'ä̧rö̧mä̧, porächi'i. 'Corupätti'inomettö tto'ächi'i. Cristo i̧tȩjä̧dä̧cua̧jä̧.

Efesios 5:8

Pä'äji yo̧ö̧cu̧ ka̧cui̧nä̧tö̧jä̧ ucutumä. Jitätä Tu̧ru̧hua̧rö̧ esetö, tȩa̧u̧nä̧ ka̧cuä̧tö̧jä̧. Adiunä ka̧cuä̧tu̧cui̧, tȩa̧u̧nä̧ ttö̧ja̧cu̧ ta'anö.

Efesios 6:12

Ujutumä ttö̧ja̧cu̧, ttidepä'inä, ttihue'quiyu'inä ku̧nä̧rä̧tö̧cu̧ rohuähuocotöjä. Pi̧jä̧ isoppanä suronä huȩ'ä̧rä̧tö̧cu̧ rohuähuätöjä. Ja̧'hua̧nö̧ pädomenä, pi̧jä̧ yo̧ö̧cu̧ cue'ächätörö ttujurunä huȩ'ä̧rä̧tö̧cu̧ rohuähuätöjä pä'ösä.

2 Timoteo 2:26

Ja̧'hua̧ta̧nö̧ ähuettärö jaropi'ö ttö̧ji̧pa̧ pä'ö tta̧'ä̧rö̧. Jahuätömä ähuettäcu cuettächa'attö, ähuettä hueö jȩpä̧tö̧.

Hebreos 10:10

Jesucristo, Diosrö pä̧huä̧ rö̧jo̧mȩnä̧, chutä jä̧ttä̧pä̧ya̧ o'ca toi'önärö sacrificio päi'önä ya'utenätä iyähua'attö, Dios ujuturu aditö icuinödo.

Hebreos 10:14

Iso päi'önä chutä ya'utenä ofrenda jȩpö̧ o'ca toi'önärö aditö icuä̧u̧ru̧ adihuä isotö pätti'önä jȩi̧nä̧u̧do.

Hebreos 11:6

Ja̧'hua̧nö̧ ja̧'a̧nä̧ ya̧tȩ Diosrö esetoca'anä, Dios esehuarö pä'ö yoröiso jȩpo̧cö̧do. Ya̧tȩ Diosrö ötö'cöhuächa pä'ömä, Diosmä kö̧ pä'ö ȩsȩtä̧cua̧. Ja̧'hua̧ta̧nö̧ Diosrö usätörö, Diosmä adihuä juäi iyö pä'ö ȩsȩtä̧cua̧.

Hebreos 9:15

Ja̧'hua̧nö̧ ja̧'a̧ttö̧ chutä Jesucristo ja̧u̧ jareö huȩnȩ tta̧huä̧rä̧cuä̧huä̧ i̧sa̧do. Cristo 'corupä'i'inödo, pä'äji huȩnȩ jȩtti̧nö̧ ka̧cui̧nä̧tö̧'i̧nä̧ suronä jȩtti̧nö̧ jȩpö̧ icua pä'ö. Ja̧'hua̧ta̧nö̧ Dios huoinä̧u̧'i̧nä̧ adihuä juäi kä̧cuä̧huä̧ iya päinö ttȩmä̧ pä'ö, 'corupä'i'inödo.

Santiago 2:5

Chö̧jä̧hua̧tö̧, ä̧ju̧cuä̧tu̧cui̧. Dios ȩmi̧nö̧ pi̧jä̧ttö̧ usurä isotörö'inä, adiu amöcuädö ttesetarö pä'ö, Dios ppädäcuähuä ttȩma̧ pä'ö. Ja̧u̧ ppädäcuähuä iya pä'inö churutä, Diosrötä repe'ätörö.

1 Pedro 1:4

Ja̧'hua̧ta̧nö̧ Dios ucuturu iya pä'ö hua'adö u̧ju̧ni̧nö̧mä̧, mo̧ro̧jä̧ra̧'a̧ttö̧ cuȩmä̧cuo̧tö̧jä̧. Ja̧u̧ cuȩmä̧tu̧cuä̧cuȩmä̧ yoröiso be'epäjipö tticuocö. Ja̧'hua̧ta̧nö̧ idicu'inä, yoröiso idicuächocö. Ja̧'hua̧ta̧nö̧ isojä pparuhuächojä jä̧'i̧nö̧'a̧nö̧mä̧ jo̧cö̧.

1 Pedro 2:25

Pä'äjimä oveja re'tehuächö cueächö'a̧nö̧ cue'ächinätöjä. Jitämä Cristocu ppa̧'ä̧chi̧nä̧tö̧jä̧. Chutämä o̧vȩja̧stö̧rö̧ tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧ tta̧'ä̧rö̧ ucuturu. Ja̧'hua̧ta̧nö̧ cua̧'cua̧ru̧hua̧nä̧'i̧nä̧ tta̧'ä̧rö̧ ucuturu.

1 Pedro 2:9

Ucutu Dios ȩmi̧nä̧u̧jä̧. Tu̧ru̧hua̧ hue'ähuotöjä, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ ucutumä Dios umöhuäyotöjä, chutä ä'ca jo̧mȩttö̧ adiunätä cu̧ja̧cuä̧tu̧cua̧ pä'ö. Ucutumä ja̧'hua̧nö̧ ka̧cuä̧tö̧jä̧, Dios adihuä juäi jȩö̧ huȩnȩ jicuhuähuätucua pä'ö. Ja̧u̧ yo̧ö̧ttö̧ rä'opö, adihuä juäi tȩa̧u̧nä̧ cuecuhuächätucua pä'ö huoinä̧u̧jä̧.

1 Juan 1:9

Suronä jȩtö̧ jitäuttumä, Dios päinö ta'anö adiu jȩpö̧, suronä jȩtö̧ jȩpö̧ i̧cuä̧cua̧. O'ca juiyönä jarode'ö jȩtö̧ töcö i̧cuä̧cua̧ ujuturu.

1 Juan 2:12

Ucuturu huȩyu̧tu̧sä̧ chi̧tti̧mö̧ huotö, suronä jȩcu̧'i̧nä̧tu̧cu̧ Dios täcö unichi'inö, Jesucristo i̧tti̧mö̧ cu'ätucua'attö.

1 Juan 3:8

Suronä jȩpö̧ kö̧mä̧, ähuettä i̧tti̧. Ähuettä äcuomenä kä̧mä̧dö̧ suronä jȩi̧na̧'a̧ ja̧'a̧'i̧nä̧, ji̧nä̧ suronä jȩpö̧. Dios I̧tti̧ ichinö ähuettä jȩi̧nö̧mä̧ o'ca juiyönä be'epäjipö icua pä'ö.

1 Juan 5:19

Ujutu huo̧juä̧tö̧jä̧ Dios i̧tti̧mö̧jä̧. Korotö pi̧jä̧ jähuänä ka̧cuä̧tö̧rö̧ hue'ö ähuettämä.

Judas 1:1

Ttömä Judassä. Jesucristo hueö jȩpö̧sä̧, Jacobo ö̧jä̧hua̧sä̧. Chi̧huȩnȩ hue'ösä ucuturu, Dios huoinä̧u̧ru̧, Tä'o Dios repeä̧u̧ru̧, Jesucristo tta̧huä̧rä̧u̧ru̧.

Apocalipsis 21:27

Ja̧'hua̧nö̧ ja̧'a̧nä̧ idicuätö'inä, suronä ttöjö'cocö juäi jȩpä̧tö̧'i̧nä̧, yapareu ji'äu jȩpä̧tö̧'i̧nä̧ ju̧huȩnȩmä̧ yoröiso do'ächocotö ttäcuotö. Jitämä tti̧mi̧mä̧ kä̧cuä̧huä̧ i'co cuyäru'tänä, Cordero 'chu̧huä̧rä̧'tänä huȩyu̧cuä̧tö̧tä̧ ju̧huȩnȩmä̧ dottächäcuotö.