Hechos 26:13 - TÄ̧DO Ä̧CUÄ̧ I̧HUȨNȨ

¹³ Ja̧'hua̧nö̧ ja̧'a̧ ru̧hua̧ Agripa, kä̧hua̧ jueö kö̧rö̧ chi̧'cho̧mȩnä̧, mo̧ro̧jä̧ra̧'a̧ttö̧ kä̧dȩpa̧'a̧ topinösä, kä̧hua̧ttö̧'i̧nä̧ abonänö tȩa̧hua̧'a̧. Ttö'inä, ttöcu 'chä̧tö̧'i̧nä̧ tö̧ja̧cuo̧mȩ kä̧dȩpi̧na̧'a̧.

Nuevo Testamento Uwotjüja

¹³ Ja̧'wa̧nü̧ chi̧'cha̧'a̧ jakuänä̧, ¡ru̧wa̧ rey!, mä̧nä̧ kkä'kottü, kkä̧wa̧ jueü kkü̧rü̧ päia'a, mo̧ro̧jä̧ra̧'a̧ttü̧ tȩya̧u̧ kkȩdȩ'i̧na̧'a̧, kkä̧wa̧ttü̧'i̧nä̧ abonä̧nü̧ tȩya̧u̧ topinü̧sä̧, ujutumä̧ jakuätä päti'ünä̧.

Hechos 26:13 ပူးပေါင်းရင်းမြစ်များ

San Mateo 17:2

Juhua'attö Jesús pärohuächinödo jahuätö ttä'ca jo̧mȩttö̧. Ö'ämä mo̧ro̧ kä̧hua̧ ta'anö tȩa̧hui̧na̧'a̧do. Ö̧'ca̧tä̧huä̧ta̧ korottö'inä abonänö teina'ado.

Hechos 22:6

“Ja̧'hua̧nö̧ ja̧'a̧ chi̧'cho̧mȩnä̧ Damasco ötahuiyä chötö'cöhuächi'a'a kä̧hua̧ jueö kö̧rö̧ mo̧ro̧jä̧ra̧'a̧ttö̧ ttö chö̧jo̧mȩ rö̧ȩnä̧ tȩa̧u̧ kä̧dȩ'i̧nä̧cu̧sä̧.

Hechos 22:9

Ttöcu 'chä̧tö̧mä̧ tȩa̧u̧ topö ye'inätö. Ja̧'hua̧nö̧ ja̧'a̧nä̧ ttörö ucuocua'amä ä̧ju̧cuo̧co̧tö̧ pi̧nä̧tö̧.

Hechos 26:12

“Ja̧'hua̧nö̧ ja̧'a̧ sacerdotes tturuhuotö ttörö pätetö huettomenä, Damasco ötahuiyära̧'a̧ Jesucristorö esetätörö ȩmö̧ 'chi̧nö̧sä̧.

Hechos 26:14

Ja̧u̧ tȩa̧u̧ totomenä, o'ca toi'önä rȩjȩ ma̧'i̧nä̧tö̧jä̧. Hebreos ttö̧ja̧ tti̧huȩnȩnä̧ ya̧tȩ ucuocua'a ä̧ju̧cui̧nö̧sä̧. Pä'inö: “Saulo, Saulo, ¿dä̧bö̧ ttörö suronä jȩcu̧'ä̧ttö̧? Ucutä cuamönätä suronä jȩpä̧cuä̧u̧jä̧, buey chutä amönä so̧a̧ri̧nä̧ teächäcuähua'a jä̧'i̧nö̧'a̧nö̧.”

Hechos 9:3

Ja̧'hua̧ ja̧'a̧ Saulo i̧'cho̧mȩnä̧ Damasco ötahuiyä ötö'cöhuächi'a'a, yotäcu mo̧ro̧jä̧ra̧'a̧ttö̧ tȩa̧u̧ kä̧dȩ'i̧nä̧cu̧do chutä ö̧jo̧mȩ.

Apocalipsis 1:16

U̧mö̧ uhuo̧jua̧'a̧nä̧ ko̧ro̧mö̧ttö̧nö̧ ta̧ju̧ si̧ri̧'cö̧rö̧ 'chu̧'ä̧ri̧nö̧. Ättö curodä, pätecu sa̧huȩcuodä, räopina'a. Ö'ämä, mo̧ro̧ kä̧hua̧ o'ca juiyönä ujurunä tȩa̧u̧'a̧nö̧ tȩa̧hui̧na̧'a̧.

Apocalipsis 21:23

Mo̧ro̧ kä̧hua̧'i̧nä̧, yodo kä̧hua̧'i̧nä̧ tti̧tȩa̧u̧ juiya'a ja̧u̧ ötahuiyänä. Chutä Dios'inä, Cordero'inä tti̧tȩa̧u̧ttu̧ tȩa̧hua̧'a̧.