Hechos 25:12 - TÄ̧DO Ä̧CUÄ̧ I̧HUȨNȨ

¹² Ja̧'hua̧nö̧ ja̧'a̧ Festo ippeyä ruhuäcu ucuocuäji'ca̧, pä'inödo Pablorö: —Romanos ttö̧ja̧ ttu̧ru̧hua̧tä̧ ucuru ä̧ju̧cua̧ pä'ö jä'epäjijä. Ja̧'hua̧nö̧ ja̧'a̧ttö̧ ja̧u̧ ö̧ja̧'a̧cu̧ cui̧'chä̧cua̧jä̧.

Nuevo Testamento Uwotjüja

¹² Ja̧'wa̧nü̧ ja̧'a̧ Feto-mä̧, aditäwä isotüku ukuokuäkuäwopo'ü, pä'inü̧: —Emperador Césa ü̧ja̧'a̧, i̧'cha̧ pä'attü̧; jua̧u̧nu̧mä̧, jua'atä i̧'chä̧kua̧, pä'inü̧.

Hechos 25:12 ပူးပေါင်းရင်းမြစ်များ

San Mateo 22:17

Ja̧'hua̧nö̧ ja̧'a̧ttö̧ ucutä cuamöcuädö ji'ähuitö. Ujutumä, romanos ttö̧ja̧ ttu̧ru̧hua̧rö̧ pärätä ttimitomenä, ¿adihua'a tä̧ji̧?

Hechos 19:21

Ja̧'hua̧nö̧ 'cuäopäji o'ca'a Pablo Macedonia rȩjȩttö̧'i̧nä̧, Acaya rȩjȩttö̧'i̧nä̧ 'cuä'opö Jerusalén ötahuiyära̧'a̧ i̧'cha̧ pä'ö amöcuädinödo. Pä'inödo: —Ä'canä Jerusalén ötahuiyära̧'a̧ chi̧'chä̧cua̧sä̧. Ju̧huȩnȩ o'comenä, Roma ötahuiyära̧'a̧ chi̧'chä̧cua̧sä̧.

Hechos 23:11

Ja̧u̧tä̧ yodo Tu̧ru̧hua̧mä̧ Pablorö i̧jȩcui̧nö̧do. Ja̧u̧ru̧ pä'inödo: —Cua̧'cua̧ eseunu kä̧hui̧, Pablo. Porö Jerusalén ötahuiyättö ttö chi̧huȩnȩ jicuhuähuäji'a̧nö̧ Roma ötahuiyättö'inä ji̧cu̧huä̧huä̧cua̧jä̧.

Hechos 25:11

Ttö suronä jȩchi̧nö̧ttö̧mä̧, cuä'ö tticuattö pä'ömä, huäinä cuä'ö tti̧cuä̧cua̧sä̧. Ja̧'hua̧nö̧ ja̧'a̧nä̧'i̧nä̧ amönä huȩnȩtö̧ ttucuocuttumä, ya̧tȩ'i̧nä̧ ttörö iyö juiyö'a̧nö̧ ja̧'a̧ jahuätörö. Romanos ttö̧ja̧ ttu̧ru̧hua̧tä̧ ttörö ä̧ju̧cua̧ pä'ö jä'epösä, —ädätinödo Pablo.

Hechos 25:13

Koronö mo̧ro̧ päi'omenä, ru̧hua̧ Agripa, Berenicecu Cesarea ötahuiyära̧'a̧ Festorö do'ächö te'äu 'chi̧nö̧do.

Hechos 25:21

Ja̧'hua̧nö̧ jädepomenä, Pablo “Romanos ttö̧ja̧ ttu̧ru̧hua̧ Augusto ä̧ju̧cua̧ttö̧ pä'ösä”, jä'epinö. Ja̧'hua̧nö̧ ja̧'a̧ttö̧ ttö hue'inösä ji̧nä̧ cärenä ö̧'a̧'a̧ tta̧ttä̧ra̧rö̧ pä'ö ru̧hua̧ Augustorö huedome jubö päi'önä, —pä'inödo Festo.

Hechos 26:32

Ja̧'hua̧nö̧ ja̧'a̧ Agripamä Festorö pä'inödo: —Chutä romanos ttö̧ja̧ ttu̧ru̧hua̧ ä̧ju̧cua̧rö̧ pä'ö jäepoca'a ji̧nö̧ttö̧mä̧, rä'epö ticuajacu.

Hechos 27:1

Italia rȩjȩra̧'a̧ ujuturu huetta pä'ö ttamöcuädomenä, Pablorö'inä, korotö cärenä pȩjä̧tö̧rö̧'i̧nä̧ ya̧tȩ Julio pä'ö mi̧cua̧rö̧ hue'ipinätödo. Ja̧u̧ Julio su̧ro̧da̧u̧ ttu̧ru̧hua̧ pi̧nö̧do. Jahuätö recuätö su̧ro̧da̧u̧mä̧ Augusto umöhuäyotö pi̧nä̧tö̧do.

Hechos 28:16

Roma ötahuiyära̧'a̧ ti̧rȩbȩhuo̧mȩnä̧, su̧ro̧da̧u̧ ttu̧ru̧hua̧ cärenä pȩjä̧tö̧rö̧ iyinö ka̧ra̧ su̧ro̧da̧u̧ ttu̧ru̧hua̧rö̧. Pablomä ojusodenä katä ki̧nö̧ ya̧tȩ su̧ro̧da̧u̧ i̧sa̧cu̧ Pablorö tta̧'ärö̧.

Filipenses 1:20

Ttömä yoröiso dä'ä juiyönä chö̧ja̧ pä'ösä. Jitämä suronä 'cuädopa'anä, 'cuäopönä yecuäcuähuä juiyönä jidähua pä'ösä Cristo i̧huȩnȩ, jidähuinö ta'anö. Ja̧'hua̧ta̧nö̧ chö̧jö̧ttö̧'i̧nä̧, 'corupädi'öttö'inä, korotömä ttörö topö, Cristorö ttesehuäcuähua pä'ösä.