Hechos 24:22 - TÄ̧DO Ä̧CUÄ̧ I̧HUȨNȨ

²² Félix Jesucristorö esetätö jȩttö̧mä̧ huo̧jui̧nö̧do. Juhua'a yabo ä̧ju̧cua̧ pä'ocö pi̧nö̧do. —Su̧ro̧da̧u̧ ttu̧ru̧hua̧ Lisias ichomenä, ucuru jȩchä̧cuȩmä̧ cha̧mö̧cuä̧dä̧cua̧sä̧, —pä'inödo Félix.

Nuevo Testamento Uwotjüja

²² Pi̧yȩ ä̧ju̧ku̧ kä'ädü, ttü̧ja̧rü̧ we'ü iku Felíx-mä̧, jo̧mȩnü̧ u̧wo̧jua̧'a̧ttü̧ pä'inü̧: —Su̧ro̧do̧u̧ ttu̧ru̧wa̧ Lisias ichomȩnä̧tä̧, pi̧yȩ tü'kü adiumä̧ tu̧wo̧juä̧tu̧kua̧jä̧.

Hechos 24:22 ပူးပေါင်းရင်းမြစ်များ

San Mateo 2:7

Ja̧'hua̧nö̧ ja̧'a̧ttö̧ ru̧hua̧ Herodes yä̧huä̧i̧nä̧ huopinödo jahuätö mo̧ro̧jä̧ jähuä huo̧juä̧tö̧rö̧. Jahuätörö jä'epinödo: —¿Ti̧yȩnö̧ ja̧'a̧ i̧jȩcui̧nä̧ttö̧ ja̧u̧ siri'comä? —jä'epinödo.

Hechos 18:20

Jahuätömä Pablorö jä'epinätödo recuonänö ö̧ja̧ pä'ö. Ja̧'hua̧nö̧ ja̧'a̧nä̧ jahuätöcu recuo ö̧ja̧ pä'ocö pi̧nö̧do.

Hechos 19:40

Jȩtä̧ji̧mä̧ ra̧huȩpi̧ja̧'a̧. “Huocu'äcuähuäjätucumä suroja'a” ruhuotö pättöttömä, ¿tta̧'a̧nö̧ tädätäcua'ajä̧ttö̧? —pä'inödo ru̧hua̧ ippeyä ru̧hua̧.

Hechos 24:10

Ja̧'hua̧nö̧ ja̧'a̧ Pablo ucuocua pä'ö ru̧hua̧ u̧mö̧nä̧ te'ö hue'inödo. Pablo pä'inödo: —Ucu recuo a̧'ȩ pi̧jä̧ ttö̧ja̧ ttu̧ru̧hua̧ cu̧ja̧'a̧mä̧ chu̧huo̧jua̧'a̧ttö̧, eseunu ädätö ucuocusä ucu cuä'ca jo̧mȩttö̧.

Hechos 24:14

Ja̧'hua̧nö̧ ja̧'a̧nä̧'i̧nä̧ ucuru ji'äusä tä̧do̧tö̧ mi̧nä̧ Diosrö ucuocusä jareu kä̧cuä̧huä̧ huȩnȩ esetö. Judíos ttö̧ja̧ pä'ätö pi̧yȩ adiu kä̧cuä̧huä̧ huȩnȩ esetätömä jäyänä esetätö. Ja̧'hua̧nö̧ ja̧'a̧nä̧ o'ca juiyönä huȩyu̧cuä̧ hueähuä huȩnȩ'i̧nä̧, Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧ esetösä.

Hechos 24:24

A̧'u̧cu̧nä̧tä̧ mo̧ro̧ o'ca'a Félix pä'äji ta'anö ichinödo irecua Drusilacu. Drusila judíos ttö̧ja̧ isaju pi̧nä̧ju̧do. Félix hue'inödo chutä ä'ca jo̧mȩ tti'cächa pä'ö Pablorö. Jesucristorö esetäcuähuä Pablo ucuocua'a ä̧ju̧cua̧ pä'inödo Félix.

Hechos 24:6

Diosrö ucuocuäcuähuode jacuä'inä suronä jȩa̧ päomenä, ujutu 'chutädäjäcu, ujutu tamönä hueähuä huȩnȩ hueö'a̧nö̧ ja̧u̧ru̧ tö̧tä̧bo̧ta̧ pä'ö.

Hechos 25:26

Ja̧'hua̧nö̧ ja̧'a̧nä̧'i̧nä̧ pide suronä jȩi̧nö̧ chu̧ru̧hua̧rö̧ chi̧huȩyu̧ta̧ pä'ömä juiya'a. Ja̧'hua̧nö̧ ja̧'a̧ttö̧ chi'cächäjäcu ucutu cuä'catucu jo̧mȩ, ucu ru̧hua̧ Agripa cuä'ca jo̧mȩ jä'epö cuä̧ju̧cuä̧cu̧, ädätö o'ca'a chi̧huȩyu̧tä̧cuȩmä̧ chu̧ju̧nä̧rä̧cua̧sä̧.

Hechos 26:3

Ucu adiu huo̧jua̧jä̧ ujutu judíos ttö̧ja̧ tö̧jö̧'i̧nä̧, pätäu'inä. Ja̧'hua̧nö̧ ja̧'a̧ttö̧ chucuocua'a cua̧'cua̧ pö̧nö̧ cuä̧ju̧cua̧ pä'ösä.