Hechos 24:18 - TÄ̧DO Ä̧CUÄ̧ I̧HUȨNȨ

¹⁸ Ja̧u̧tä̧ juäi jȩcha̧'a̧nä̧, korotö judíos ttö̧ja̧ Asia rȩjȩttö̧ ichinätömä ttörö topäjätö Diosrö ucuocuäcuähuodenä. Moisés hueähuä huȩnȩ hueö ta'anö chötöcähuäji o'ca'a ttörö topäjätö. A̧'u̧cu̧nä̧tä̧ ttö̧ja̧ huoäcuähuä juiyönä ttöcu ttö̧ja̧cua̧'a̧ topäjätö.

Nuevo Testamento Uwotjüja

¹⁸ Ja̧'wa̧nü̧ pi̧yȩ jȩpü̧mä̧, weäwä wȩnȩ weü'akuä̧ surojü tükäu ikuäji̧'ka̧ jȩcha̧'a̧ Asia rȩjȩ ttü̧ja̧tä̧ tottinä̧ku̧sä̧, ttü̧ja̧rü̧ suronä̧ jȩpü̧ wocha'a'i̧nä̧ tottokoku pinü̧sä̧.

Hechos 24:18 ပူးပေါင်းရင်းမြစ်များ

San Juan 18:21

Ja̧'hua̧nö̧mä̧, ¿dä̧bö̧ jäcuhue'ätucuättö ttörö? Ttörö ä̧ju̧cui̧nä̧tö̧rö̧ jä'epätucui chu̧huo̧juȩti̧nö̧ jittähua pä'ö. Jahuätö huo̧juä̧tö̧ ttö chu̧huo̧juȩti̧nö̧mä̧.

Hechos 2:9

Partia rȩjȩ ttö̧ja̧'i̧nä̧, Media rȩjȩ ttö̧ja̧'i̧nä̧, Elam rȩjȩ ttö̧ja̧'i̧nä̧, Mesopotamia rȩjȩ ttö̧ja̧'i̧nä̧, Judea rȩjȩ ttö̧ja̧'i̧nä̧, Capadocia rȩjȩ ttö̧ja̧'i̧nä̧, Ponto rȩjȩ ttö̧ja̧'i̧nä̧, Asia rȩjȩ ttö̧ja̧'i̧nä̧, Frigia rȩjȩ ttö̧ja̧'i̧nä̧, Panfilia rȩjȩ ttö̧ja̧'i̧nä̧, Egipto rȩjȩ ttö̧ja̧'i̧nä̧, Cirene ötahuiyä abo Africa rȩjȩ ttö̧ja̧'i̧nä̧, Roma ötahuiyättö ichinätö judíos ttö̧ja̧'i̧nä̧, korotö judíos huocotö judíos ttö̧ja̧ hueähuä huȩnȩ jȩpä̧tö̧'i̧nä̧, ja̧'hua̧ta̧nö̧ Creta kä'co i̧sä̧sa̧ ttö̧ja̧'i̧nä̧, Arabia rȩjȩ ttö̧ja̧'i̧nä̧ pȩnȩtä̧ ka̧cuä̧tö̧jä̧. Ujutu ti̧huȩnȩnä̧ ttucuocua'a ä̧ju̧cuä̧tö̧jä̧ Dios adihuä juäi jȩi̧nö̧mä̧, —pä'inätödo.

Hechos 21:24

Ucutä jahuätörö o'ipi. Moisés hueähuä huȩnȩ hueö ta'anö töcähuäjätucui. Cutöcähuätucu micuä o'ca juiyönä ucutä cuhuäre pärätänä miti, ttuhuo'che juiyönä 'cui'äu tticua pä'ö. Ja̧'hua̧nö̧ jȩcu̧'o̧mȩnä̧, o'ca toi'önä topö ttu̧huo̧juä̧cuo̧tö̧ ttä̧ju̧cui̧nö̧mä̧ amönä huȩnȩ ji̧na̧'a̧. Ucu'inä Moisés hueähuä huȩnȩ jȩpö̧ kö̧jä̧ pä'ö ttu̧huo̧juä̧cua̧jä̧.

Hechos 24:12

Judíos ttö̧ja̧ ttörö tottomenä, korotöcu pä'ä'chocö päjisä. Diosrö ucuocuäcuähuodenä'inä, judíos ttö̧ja̧ ttu̧huo̧jui̧'i̧nodehuiyänä'inä, korome ötahuiyättö'inä, curuhuotörö suronä “Huopätucui” pä'ocö päjisä ttö̧ja̧rö̧mä̧.

Hechos 26:21

Ja̧'hua̧nö̧ jidähuomenä, judíos ttö̧ja̧ Diosrö ucuocuäcuähuodettö ttörö 'chu'ädinätö. Cuä'ö tticua pa'inätö ttörö.

Hechos 6:9

Ja̧'hua̧nö̧ ja̧'a̧nä̧ korotö judíos ttu̧huo̧jui̧'i̧nodettö, juhuode i̧mi̧ Libertados pättinodettö ichi'ö, ra̧huä̧rö̧ pä'ähuinätödo Estebanrö. Jahuätö Cirene ötahuiyättö'inä, Alejandría ötahuiyättö'inä, Celicia rȩjȩttö̧'i̧nä̧, Asia rȩjȩttö̧'i̧nä̧ ichinätödo.