Hechos 22:14 - TÄ̧DO Ä̧CUÄ̧ I̧HUȨNȨ

¹⁴ Ja̧u̧ ttörö pä'inö: “Ujutu tä̧do̧tö̧ mi̧nä̧ Ttä̧do̧ ä̧cua̧ Dios motä ucuru ȩmi̧nö̧ churutä pä̧huä̧ rö̧jö̧mä̧ cu̧huo̧jua̧ pä'ö, Adihuä I̧sa̧rö̧ tocu'a pä'ö, ja̧u̧tä̧ ucuru ucuocua'a cuä̧ju̧cua̧rö̧ pä'ö.

Nuevo Testamento Uwotjüja

¹⁴ Ja̧'wa̧ta̧nü̧ pä'inü̧: Tü̧tä̧mü̧ mi̧nä̧ Ttü̧ä̧nä̧wa̧ Dio-mä̧ ȩmä̧jä̧ku̧jä̧, Churutä pä̧wä̧rü̧jü̧ ku̧wo̧jua̧ pä'ü'i̧nä̧, adiwä i̧sa̧rü̧ to'kua pä'ü'i̧nä̧ ja̧'wa̧ta̧nü̧ chutä i̧wȩnȩ kuä̧ju̧kua̧ pä'ü'i̧nä̧, jü̧nä̧.

Hechos 22:14 ပူးပေါင်းရင်းမြစ်များ

San Juan 15:16

Ucutumä ttörö o'ipocotö pi̧nä̧tö̧jä̧. Ttömä ucuturutä o'ipinösä. Ja̧'hua̧ta̧nö̧ ucuturu hue'inösä rö̧ȩnä̧ u̧huä̧ju̧, beipächocö juäittö cu̧ju̧nä̧rä̧tu̧cua̧ pä'ö. Ja̧'hua̧nö̧ cu̧ju̧nä̧rä̧tu̧cu̧ttu̧mä̧, o'ca juiyönä chi̧mi̧nä̧ jäcuhue'ätucumä, Chä'o i̧yä̧cua̧ ucuturu.

Hechos 13:17

Diosmä, Israel ttö̧ja̧ ttesetinäcumä, ujutu tä̧do̧tö̧ mi̧nä̧rö̧ ȩmi̧nö̧. Chutä ppädomenä recuächinätödo, ji̧nä̧ korotö tti̧rȩjä̧nä̧ Egipto rȩjȩttö̧ ttö̧ja̧cuo̧mȩnä̧. Chutä ujurunä Egipto rȩjȩttö̧ rä'epö icuinä̧u̧.

Hechos 22:15

Dios jȩi̧nö̧mä̧ cuä̧ju̧cuä̧ji̧'i̧nä̧, tocu'äji'inä ji̧cu̧huä̧huä̧cua̧jä̧ o'ca toi'önä ttä'ca jo̧mȩttö̧.

Hechos 24:14

Ja̧'hua̧nö̧ ja̧'a̧nä̧'i̧nä̧ ucuru ji'äusä tä̧do̧tö̧ mi̧nä̧ Diosrö ucuocusä jareu kä̧cuä̧huä̧ huȩnȩ esetö. Judíos ttö̧ja̧ pä'ätö pi̧yȩ adiu kä̧cuä̧huä̧ huȩnȩ esetätömä jäyänä esetätö. Ja̧'hua̧nö̧ ja̧'a̧nä̧ o'ca juiyönä huȩyu̧cuä̧ hueähuä huȩnȩ'i̧nä̧, Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧ esetösä.

Hechos 26:16

Ä̧rä̧mi̧'ö̧ kä̧mä̧di̧. Ucuru i̧jȩcu̧sä̧ ttö chu̧mö̧huä̧ya̧ päi'önä ttö huedö jȩcu̧'a̧ pä'ö. Ttörö jitä tocu'u'inä, yodoji ttörö tocu'ä̧cuȩ'i̧nä̧ ji̧cu̧huä̧huä̧cua̧jä̧.

Hechos 5:30

Ucutu Jesúsru daunä pȩ'o̧pö̧ ku̧nu̧ cuä'ö icuinätöjä. Ja̧'hua̧nö̧ ja̧'a̧nä̧ ujutu tä̧do̧tö̧ mi̧nä̧ Ttä̧do̧ ä̧cua̧ Dios tto'ädinö Jesúsru.

Hechos 7:52

Dios i̧huȩnȩ jiäcuähuä isotörö o'ca toi'önä ucutu cuä̧do̧tö̧ mi̧nä̧ suronä jȩpi̧nä̧tö̧. Dios hueinö ta'anö jȩpi̧nö̧mä̧ Jesús ichäcua'a ä'canä ji'ähuinätörö cuä'ö icuinätö ucutu cuä̧do̧tö̧ mi̧nä̧. Jitä Jesús ichäji o'ca'a ucutu churutä iyö icuinätöjä. Ja̧u̧ru̧'i̧nä̧ cuä'ö icuinätöjä.

Hechos 9:15

Ja̧'hua̧nö̧ ja̧'a̧ Tu̧ru̧hua̧ pä'inödo Ananíasrö: —Täi. Ja̧u̧ru̧ ȩmä̧ji̧sä̧ adicuä i̧sa̧ päi'önä judíos huocotörö'inä, tturuhuotörö'inä, Israel ttö̧ja̧rö̧'i̧nä̧ chi̧huȩnȩ jiähua pä'ö.

Hechos 9:17

Ja̧'hua̧ ja̧'a̧ Ananías Saulo ö̧jodera̧'a̧ 'chi̧nö̧do. Do'ächi'ö u̧mö̧nä̧ mȩ'i̧nö̧do Saulorö. Ja̧u̧ru̧ pä'inödo: —Chö̧jä̧hua̧ Saulo, Tu̧ru̧hua̧ Jesús ucuru i̧jȩcuä̧ji̧mä̧ mä̧nä̧nä̧ cuichomenä, ttörö hue'äji pä'äji ta'anö tocu'a pä'ö, ja̧'hua̧ta̧nö̧ Espíritu Santo ucuru ö̧jä̧mä̧da̧ pä'ö.

Romanos 1:1

Ttö Pablo, Dios huoina'attö, Jesucristo huȩ'ä̧hua̧sä̧. Ttörö pätetö hue'inö Dios, adihuä i̧huȩnȩ jidähua pä'ö.

1 Corintios 11:23

Pi̧yȩ huo̧juȩcuä̧ huȩnȩ ucuturu chu̧huo̧juȩti̧nö̧mä̧, Tu̧ru̧hua̧ huo̧juȩti̧nö̧ ttörö. Ja̧u̧nu̧ yodo, Tu̧ru̧hua̧ Jesúsru ttiyä̧cuȩ yodo, chutä i̧ri̧si̧ ȩmo̧po̧'ö̧ 'chu̧'ä̧ri̧nö̧do u̧mö̧nä̧.

1 Corintios 15:3

Äcuomenä ttörö jittähuinö huȩnȩ ji'ähuinösä ucuturu. Cristo 'corupäi'inö huȩnȩ, ujutu suronä jȩtö̧ jȩpö̧ icua pä'ö Huȩyu̧cuä̧ Huȩnȩ päö'a̧nö̧ ji'ähuinösä.

1 Corintios 15:8

Röjinä, o'ca toi'önärö i̧jȩcui̧nö̧ o'ca'a, ttörö'inä ji̧nä̧ kä'copa uhuäpächätö jä̧'i̧nö̧'a̧nö̧ uhuäpächörö i̧jȩcui̧nö̧do.

1 Corintios 9:1

Ttömä Jesús huȩ'ä̧hua̧sä̧. Ja̧'hua̧nö̧ ja̧'a̧ttö̧ pi̧jä̧ ttöja̧rö̧ ädätocösä. Ttömä Tu̧ru̧hua̧ Jesúsru topinösä. Ja̧'hua̧ta̧nö̧ ucutumä Tu̧ru̧hua̧ hueö jȩcho̧mȩnä̧ esetinätöjä.

2 Corintios 5:21

Cristomä yoröiso suronä jȩpo̧cö̧ pi̧nö̧. Juhuorö'inä ujuturu repe'ö, ya̧tȩ suronä jȩpö̧rö̧ jȩtta̧'a̧ jä̧'i̧nö̧'a̧nö̧ jȩpi̧nö̧do Dios Cristorö, ujutu tesetiyarö pä'ö. Ja̧'hua̧ta̧nö̧ ja̧u̧ru̧ esetö, Diosrö pä̧huä̧ rö̧jo̧mȩnä̧ adiunä tö̧ja̧cua̧ pä'ö jȩpi̧nö̧do.

Gálatas 1:12

Pi̧jä̧ ttö̧ja̧ttö̧ ȩmo̧cö̧ pi̧nö̧sä̧. Ja̧'hua̧ta̧nö̧ yoröiso huo̧juȩcuo̧cö̧sä̧ pi̧jä̧ ttö̧ja̧ttö̧mä̧. Ja̧'hua̧nö̧ ttu̧huo̧juȩtä̧'i̧nö̧ juäimä, chutä Jesucristotä u̧huo̧juȩti̧nä̧cu̧sä̧.

Gálatas 1:15

Ja̧'hua̧nö̧ ja̧'a̧nä̧ chuhuäpächö juiyäi Dios ȩmi̧nä̧cu̧sä̧. Ja̧'hua̧ta̧nö̧ ttörö rö̧ȩnä̧ pä̧huä̧ rö̧jä̧cu̧ huoinäcusä. Juhuorö'inä churutä pä̧huä̧ rö̧jo̧mȩnä̧, I̧tti̧rö̧ chu̧huo̧jua̧ pä'ö hueinäcusä, judíos huocotö ttö̧'quȩtȩ suronä jȩttö̧ jȩpö̧ icu huȩnȩ jidähuiyatö pä'ö. Dios ttörö ja̧'hua̧nö̧ hueomenä, korotöcu ucuocuäcuähuocö pi̧nö̧sä̧.

2 Timoteo 1:1

Ttö Pablo, Diosrö pä̧huä̧ rö̧jo̧mȩnä̧ Jesucristo huȩ'ä̧hua̧sä̧ Cristo Jesúsru ttesetomenä, kä̧cuä̧huä̧ i'co iya päinö huȩnȩ jidähua pä'ö.

Tito 1:1

Ttö Pablo, Dioscu, Tu̧ru̧hua̧ Jesucristocu huȩ'ä̧hua̧sä̧, Dios i̧huȩnȩ jidähua pä'ö Dios huoinä̧u̧ru̧. Ja̧'hua̧ta̧nö̧ jahuätörö adihuä huȩnȩ chu̧huo̧juȩta̧ pä'ö huȩ'ä̧hua̧sä̧.

1 Pedro 2:22

Ja̧u̧mä̧ yoröiso suronä jȩpo̧cö̧ pi̧nö̧. Yapareu'inä ji'ähuocö pi̧nö̧ yoröiso.

1 Juan 2:1

Ucutu chi̧tti̧mö̧ huotörö, pi̧yȩ huȩnȩ huȩyu̧tu̧ hue'ösä suronä jȩcu̧'ä̧tu̧cu̧ juiya pä'ö. Ja̧'hua̧nö̧ ja̧'a̧ ya̧tȩ suronä jȩö̧ttö̧mä̧, Tä'o Dios ä'ca jo̧mȩ kä̧nö̧ ucuocu ujuturu ppädäcuähuä i̧sa̧. Ja̧u̧mä̧ Jesucristo adiu jȩpö̧mä̧.