Hechos 22:1 - TÄ̧DO Ä̧CUÄ̧ I̧HUȨNȨ

¹ Pablo pä'inödo: —Chahuaruhuä, ucutu päcuhuätucu ädätö jidäumä ä̧ju̧cuä̧tu̧cui̧.

Nuevo Testamento Uwotjüja

¹ «Chawaruwä chü̧jä̧wa̧tü̧, ttütä chütü'kü chukuokua'a ä̧ju̧kuä̧tu̧kui̧.»

Hechos 22:1 ပူးပေါင်းရင်းမြစ်များ

San Lucas 12:11

“Ja̧'hua̧nö̧ ja̧'a̧ judíos ttu̧huo̧jui̧'i̧nodehuiyära̧'a̧ ucuturu ttȩpö̧ttö̧'i̧nä̧ ruhuotö ttä'ca jo̧mȩ ttȩpö̧ttö̧'i̧nä̧, cuädätätucuä̧cuȩmä̧ cuamöcuädätucuä'.

San Lucas 21:14

Ja̧'hua̧nö̧ ja̧'a̧ttö̧ cuamönä jicuhuähuätucuä̧cuȩmä̧ ä'canä amöcuädö cu̧ja̧cuä̧tu̧cuä̧'.

Hechos 13:26

Juhua'a yabonö pä'inödo Pablo: —Chahuaruhuä Abraham mi̧nä̧ isotö'inä, ucututtu korotö Diosrö ye'ecuätömä, Dios ucuturu hue'inö pi̧yȩ suronä jȩcu̧'ä̧tu̧cu̧ttu̧ cu̧ja̧cui̧'ä̧tu̧cuä̧cuȩ huȩnȩ.

Hechos 19:33

Judíos ttö̧ja̧mä̧ Alejandrorö ttö̧ja̧ ttö̧'quȩtȩttö̧ 'chu'ädö, ttö̧ja̧ ttä'ca jo̧mȩ kä̧mä̧dö̧ kittopinäcudo. Korotö 'cuäopäjimä Alejandrorö ji'ähuinätödo. Jahuätörö jiähuäcua'a ä'canä u̧mö̧ cä'epinödo ttö'coruchi'a pä'ö.

Hechos 23:1

Pablomä judíos ttö̧ja̧ ji̧nä̧ iso ruhuotörö topö pä'inödo: —Chahuaruhuä, Dios ä'ca jo̧mȩttö̧ adiu chö̧jä̧'i̧jö̧mä̧ jitä pi̧yȩ mo̧ro̧ päi'önä adiu kö̧sä̧.

Hechos 23:6

Ja̧'hua̧nö̧ ja̧'a̧ Pablomä u̧huo̧jua̧'a̧ttö̧ judíos ttö̧ja̧ ji̧nä̧ iso ruhuotöttö korotö saduceos huotö pi̧nä̧tö̧, korotö fariseos huotö pi̧nä̧tö̧, jahuätö ttä'ca jo̧mȩ huopinö: —Chahuaruhuä, ttömä fariseo ttö̧jä̧ i̧sa̧sä̧. Chä'o'inä, cha̧ju̧'i̧nä̧ fariseos ttö̧ja̧ pi̧nä̧tö̧. 'Corupä'i'ätö ttoächäcuähuä huȩnȩ esetö tta̧dä̧ra̧'a̧ttö̧, ttörö jä'epö ä̧ju̧cuä̧tö̧jä̧.

Hechos 24:10

Ja̧'hua̧nö̧ ja̧'a̧ Pablo ucuocua pä'ö ru̧hua̧ u̧mö̧nä̧ te'ö hue'inödo. Pablo pä'inödo: —Ucu recuo a̧'ȩ pi̧jä̧ ttö̧ja̧ ttu̧ru̧hua̧ cu̧ja̧'a̧mä̧ chu̧huo̧jua̧'a̧ttö̧, eseunu ädätö ucuocusä ucu cuä'ca jo̧mȩttö̧.

Hechos 25:16

Jahuätörö pä'inösä: “Romanos ttö̧ja̧ tihueye ä'canä hue'ätöjä huȩnȩtö̧ ucuocuätömä suronä jȩpi̧nö̧ ä'ca jo̧mȩ ttö̧ja̧cua̧ pä'ö. Ju̧huȩnȩ kä̧nö̧ ji'ähuätö suronä jȩi̧nö̧mä̧, ja̧u̧tä̧ ädäta pä'ö. Romanos ttö̧ja̧ tihueye hue'ocotöjä ja̧'a̧tä̧ ka̧ra̧rö̧ cuä'ö tticua pä'ö ja̧'hua̧nö̧ jȩtö̧ juiyönä.”

Hechos 25:8

Ja̧'hua̧nö̧ ja̧'a̧ Pablo ädätö pä'inödo: —“Judíos ttö̧ja̧rö̧ hueähuä huȩnȩmä̧ suroja'a” pä'ocö pi̧nö̧sä̧. Diosrö ucuocuäcuähuodenä suronä jȩpo̧cö̧ pi̧nö̧sä̧. “Romanos ttö̧ja̧ ttu̧ru̧hua̧ suronä jȩpö̧” pä'ocö pi̧nö̧sä̧.

Hechos 26:24

Pablo ja̧'hua̧nö̧ ädätö päomenä, Festo huopinödo: —¡Suripächö pä'öjä, Pablo! Ttu̧huo̧juȩti̧nö̧ rö̧ȩnä̧ cu̧huo̧jui̧'i̧na̧'a̧ttö̧ suripächöjä.

Hechos 28:17

Tti̧rȩbȩhuä̧ja̧'a̧ttö̧ huäbodäcuä mo̧ro̧ päi'omenä, Pablo judíos ttö̧ja̧ tturuhuotörö Roma ötahuiyänä ka̧cuä̧tö̧rö̧ huopinödo tticha pä'ö. Pablo ö̧jo̧mȩ ji̧nä̧ yo̧mȩtȩ ttö̧'ca̧ca̧cui̧'o̧mȩnä̧, Pablo pä'inödo jahuätörö: —Chahuaruhuä, judíos ttö̧ja̧rö̧ suronä jȩpo̧cö̧ pi̧nö̧sä̧. “Ujutu tä̧do̧tö̧ mi̧nä̧ ttesetinömä suroja'a” pä'ocö pi̧nö̧sä̧. Ja̧'hua̧nö̧ ja̧'a̧nä̧ Jerusalén ötahuiyättö judíos ttö̧ja̧ iyö tticuinäcusä, romanos ttö̧ja̧ cärenä ttötattö pä'ö.

Hechos 7:2

Ja̧'hua̧nö̧ ja̧'a̧ Esteban pä'inödo: —Chahuaruhuä, adiu ä̧ju̧cuä̧tu̧cui̧. Dios, tȩa̧u̧nä̧ kö̧mä̧, tä̧do̧ mi̧nä̧ Abrahamrö i̧jȩcui̧nö̧do Mesopotamia rȩjȩnä̧ ö̧jo̧mȩnä̧, Harán ötahuiyänä ö̧ji̧nö̧ ä'canä.

Romanos 2:15

Ja̧'hua̧nö̧ jȩtto̧mȩnä̧, hueähuä huȩnȩ ttami iso'quinä ttu̧ju̧nä̧ra̧'a̧ jä̧'i̧nö̧'a̧nö̧ jȩpä̧tö̧. Jitötä ttamönä amöcuädö jȩttö̧mä̧ ji̧yȩtä̧ i̧jȩpa̧'a̧. Ja̧'hua̧ta̧nö̧ ttamönä ttamöcuädö ucuocua'a: “Ucu adiu jȩpö̧jä̧”, “Ucu suronä jȩpö̧jä̧” pä'ö.

1 Corintios 9:3

Ja̧'hua̧nö̧ ja̧'a̧ttö̧ pa̧'a̧nö̧ pä'ösä korotörö, ttörö huȩnȩtö̧ ji'ähuätörö.

2 Corintios 12:19

Ja̧'hua̧nö̧ tucuocuomenä, ucutu amöcuädätöjä a̧'cua̧ra̧'a̧: “Jahuätö ttamönä jȩtti̧nö̧ adiunä ucuocuätö ujutu tä'ca jo̧mȩttö̧.” Ja̧'hua̧nö̧mä̧cö̧. Pärocua'acu Dios ä'ca jo̧mȩttö̧ ucuocuätöjä Cristo i̧mi̧nä̧. Adihuä chö̧jä̧hua̧tö̧, o'ca juiyönä ucuocu jȩpä̧tö̧jä̧, juhua'a yabonö rö̧ä̧chö̧nä̧ cuesetätucua pä'ö.

2 Corintios 7:11

Ucutumä Diosrö pä̧huä̧ rö̧jo̧mȩnä̧, cuami 'qui'ächi'inätöjä ja̧u̧nu̧mä̧. Jitä 'cuäopäjimä topätucui. Jitämä cua̧'cua̧ pö̧nö̧ jö̧ ji'ähuinätöjä 'cuäopinö huȩnȩ. Ja̧'hua̧ta̧nö̧ ja̧'hua̧nö̧ 'cuäopa'anä ra̧huä̧rö̧nä̧nö̧'i̧nä̧, ye'ecunänö'inä amöcuädinätöjä. Ttörö'inä tocu'ätucua pä'inätöjä. Ja̧'hua̧ta̧nö̧ suronä jȩpi̧nö̧rö̧ ro̧cu̧huȩpä̧tu̧cua̧ pä'ö amöcuädinätöjä. Ja̧'hua̧ta̧nö̧ ja̧'hua̧nö̧ 'cuäopa'anä, ucutu suronä jȩcu̧'ä̧tu̧cuo̧ca̧'a̧ ji̧na̧'a̧ topö huo̧juä̧tö̧ ucuturu.

Filipenses 1:17

Korotömä ttörö repe'ö ji'ähuätö. Jahuätö huo̧juä̧tö̧ Dios i̧huȩnȩ rohuäu jidäu o'ca'a, cärenä chö̧'a̧'a̧mä̧.

Filipenses 1:7

Ucuturu ja̧'hua̧nö̧ pä'ö chamöcuädöttömä, adihua'ado. Ucuturu chami iso'quinä eseunu amöcuädösä. Ujutumä ji̧nä̧ yo̧mȩtȩ adihuä juäi ȩmi̧nä̧tö̧jä̧, iso päi'önä huȩnȩ, ttö̧ja̧ suronä jȩttö̧ jȩpö̧ icu huȩnȩ, ji'äu cärenä chö̧'a̧'a̧nä̧'i̧nä̧, ja̧u̧ huȩnȩ cheseta'attö ttörö jä'epö ttä̧ju̧cua̧'a̧nä̧'i̧nä̧.

2 Timoteo 4:16

Ruhuotö ttä'ca jo̧mȩttö̧ äcuomenä chucuocuomenä, ya̧tȩ'i̧nä̧ ppä'ädocö pi̧nö̧ ttörö. O'ca toi'önä jarotti'inäcusä. Dios jahuätörö ö̧tä̧bo̧tö̧ juiya pä'ösä.

1 Pedro 3:15

Cristorötä, cuami iso'quitucunä Cu̧ru̧hua̧tu̧cu̧ päi'önä kö̧rö̧tä̧, ucuotätucui. Korotö ucutu tta̧cu̧huä̧rä̧tu̧cu̧ jättepöttömä, cuädätätucuä̧cuȩ ku̧nä̧rä̧tu̧cui̧. Cuädätätucuomenä, adiunä ucuotönö ädätö ucuocuätucui.