Hechos 21:8 - TÄ̧DO Ä̧CUÄ̧ I̧HUȨNȨ

⁸ Ti̧'chi̧'ä̧ji̧ ya'ute mo̧ro̧ o'ca'a ujutu Pablocu rä'opö 'chi̧nä̧tö̧jä̧ Cesarea ötahuiyära̧'a̧. Juhuorö Felipe ojusodenä do'ächinätöjä. Felipe adihuä huȩnȩ ji'ähuinö. Chutä Jerusalénra̧'a̧ttö̧ ko̧ro̧mö̧ttö̧nö̧ ta̧ju̧nu̧ diácono hua̧ pi̧nö̧. Ja̧u̧cu̧ ka̧cui̧nä̧tö̧jä̧.

Nuevo Testamento Uwotjüja

⁸ Kkoro mo̧ro̧mä̧, Pauru'i̧nä̧, jua̧u̧tä̧ku̧ kue'ächätü'i̧nä̧ rä'opinä̧tü̧jä̧, Cesarea ütawiyära̧'a̧ku̧. Jua'attümä̧ Felipe Jareü Wȩnȩ jiäkuäwä i̧sa̧ ojusodenä̧ rȩbȩä̧kuä̧wä̧jä̧'kotü kka̧kui̧nä̧tü̧jä̧. Jua̧u̧mä̧ Apótore-rü ppä'ädä̧rä̧'i̧jä̧tü̧, sietenü̧ wotü i̧sa̧ ji̧na̧'a̧.

Hechos 21:8 ပူးပေါင်းရင်းမြစ်များ

Hechos 10:1

Cesarea ötahuiyänä ki̧nö̧do ya̧tȩ Cornelio pä'ö mi̧cua̧. Ja̧u̧mä̧ cien jo̧mȩnä̧ su̧ro̧da̧u̧ ttu̧ru̧hua̧ pi̧nö̧do. Jahuätö Italiattö guardia pi̧nä̧tö̧do.

Hechos 16:10

Ttu̧'cuo̧ti̧cua̧'a̧ jä̧'i̧nö̧'a̧nö̧ päi'omenä, Pablo toäji o'ca'a, ujutu jo̧mȩ päi'önä aditinätöjä Macedonia rȩjȩra̧'a̧ ti̧'cha̧ pä'ö. Ujutu amöcuädinätöjä: “Dios ujuturu i̧jȩpä̧ji̧ ja̧huä̧jä̧ ttö̧ja̧rö̧ adihuä huȩnȩ jitähua pä'ö.”

Hechos 16:13

Ttö̧ja̧ 'cuättächi'ö mo̧ro̧ päi'omenä, ötahuiyättö rä'opö, aje jäyoto Diosrö ttucuocuä'ijome pä̧mä̧di̧nä̧tö̧jä̧. Nä̧tö̧ ju̧huȩnȩtä̧ ca̧ca̧cui̧pä̧jä̧tö̧rö̧ adihuä huȩnȩ ucuocuinätöjä.

Hechos 16:16

Koro mo̧ro̧ Diosrö ttucuocuä'ijomecu ti̧'cho̧mȩnä̧, yajute möäyaju espíritu su̧ro̧pa̧rö̧ ku̧nä̧rä̧ju̧ru̧ topinätöjä. Jahuäju möäyaju espíritu su̧ro̧pa̧ hueäcua yodoji 'cuäopä̧cuȩmä̧ ji'ähuinäju. Kuruhuotö pärätä mitö ttȩmi̧nä̧cua̧. Möäyaju kuruhuotö ttöäre pärätä rö̧ȩnä̧ ȩmi̧nä̧ju̧, korotörö 'cuäopä̧cuȩ jijäu micuä.

Hechos 18:22

Cesarea ötahuiyära̧'a̧ 'chä̧hui̧'ö̧, Pablo Jerusalén ötahuiyära̧'a̧ 'chi̧nö̧do iglesia ruhuärö teähua pä'ö. Ja̧'hua̧nö̧ te'ähuäji'ca̧, Antioquía ötahuiyära̧'a̧ 'chi̧nö̧do.

Hechos 20:13

Ujutu ä'canä 'chi̧nä̧tö̧jä̧ huoi'canä Asón ötahuiyära̧'a̧, juhua'attö Pablorö tȩma̧ pä'ö. Pablo ja̧'hua̧nö̧ hue'inö ti̧'cha̧ pä'ö, ja̧u̧ de'anä i̧'cha̧'a̧nä̧.

Hechos 20:6

Fiesta jȩtti̧nö̧ mo̧ro̧, pan ppö̧ä̧mö̧ juiyönä ttucuinö mo̧ro̧ o'ca'a, ujutu Filipos ötahuiyättö huoi'canä rä'opinätöjä. Ji̧mö̧tȩ mo̧ro̧ päi'omenä, Troas ötahuiyära̧'a̧ jahuätö ttö̧jo̧mȩ rȩbȩhui̧nä̧tö̧jä̧. Ju̧huȩnȩ ko̧ro̧mö̧ttö̧nö̧ todäre mo̧ro̧ ka̧cui̧nä̧tö̧jä̧.

Hechos 21:16

Korotö Jesucristorö esetätömä Cesarea ötahuiyänä ka̧cuä̧tö̧mä̧ ujutucu ichinätö. Jahuätöcu ichinö ya̧tȩ Chipre kä'co i̧sä̧sa̧ ttö̧ja̧ i̧sa̧, Mnasón pä'ö mi̧cua̧. Ja̧u̧ täbocötä päi'önä esetinö Jesucristorö. Jerusalén ötahuiyättö chutä ojusodenä tö̧ja̧cua̧ pä'ö o'ipinö.

Hechos 23:23

Su̧ro̧da̧u̧ ttu̧ru̧hua̧ ippeyä ruhuä ta̧ju̧ru̧ huopö, jahuätörö pä'inödo: —Su̧ro̧da̧u̧ru̧ ji'ähuätucui, jo̧mȩ päi'önä cättäda mä̧cuä̧ yodo las nueve päi'omenä Cesarea ötahuiyära̧'a̧ tti̧'cha̧ pä'ö. Doscientos jo̧mȩnä̧ su̧ro̧da̧u̧'i̧nä̧ rȩjȩnä̧ tti̧'cha̧ pä'ö, korotö setenta jo̧mȩnä̧ su̧ro̧da̧u̧'i̧nä̧ ca̧ba̧llo̧stö̧nä̧ huä̧mä̧dö̧ tti̧'cha̧ pä'ö, korotö doscientos jo̧mȩnä̧ su̧ro̧da̧u̧'i̧nä̧ dacuodä ȩpö̧ tti̧'cha̧ pä'ö hue'ätucui.

Hechos 27:1

Italia rȩjȩra̧'a̧ ujuturu huetta pä'ö ttamöcuädomenä, Pablorö'inä, korotö cärenä pȩjä̧tö̧rö̧'i̧nä̧ ya̧tȩ Julio pä'ö mi̧cua̧rö̧ hue'ipinätödo. Ja̧u̧ Julio su̧ro̧da̧u̧ ttu̧ru̧hua̧ pi̧nö̧do. Jahuätö recuätö su̧ro̧da̧u̧mä̧ Augusto umöhuäyotö pi̧nä̧tö̧do.

Hechos 28:11

Huämetucuä kä̧hua̧tö̧ o'ca'a, Malta kä'co i̧sä̧sa̧ttö̧ koro'ca huoi'ca ju̧huȩnȩtä̧ a̧'ȩ 'cuäopäjä'canä pä̧mä̧di̧nä̧tö̧jä̧. Jahuä'ca Alejandría ötahuiyättö ichinä'ca ttä̧do̧ ä̧cua̧ Castorcu, ttä̧do̧ ä̧cua̧ Póluxcu tta̧'u̧cuä̧ adicua'a päjure'canä ri̧na̧'a̧.

Hechos 28:16

Roma ötahuiyära̧'a̧ ti̧rȩbȩhuo̧mȩnä̧, su̧ro̧da̧u̧ ttu̧ru̧hua̧ cärenä pȩjä̧tö̧rö̧ iyinö ka̧ra̧ su̧ro̧da̧u̧ ttu̧ru̧hua̧rö̧. Pablomä ojusodenä katä ki̧nö̧ ya̧tȩ su̧ro̧da̧u̧ i̧sa̧cu̧ Pablorö tta̧'ärö̧.

Hechos 6:5

O'ca toi'önä eseunu ä̧ju̧cui̧nä̧tö̧do Jesús hue'ähuotö pättäjimä. Ȩmi̧nä̧tö̧do adiu esetörö, Espíritu Santo hueäcuru, Esteban pä'ö mi̧cua̧rö̧. Feliperö'inä, Prócororö'inä, Nicanorrö'inä, Timónrö'inä, Parmenasrö'inä, Nicolás Antioquía ötahuiyä ttö̧ja̧ i̧sa̧rö̧'i̧nä̧ ȩmi̧nä̧tö̧do. Ja̧u̧ Nicolás judío huocö ja̧'a̧nä̧, judíos ttö̧ja̧ Diosrö ä'canä esetinödo.

Hechos 9:30

Jesucristorö esetätömä ja̧'hua̧nö̧ ttä̧ju̧cuo̧mȩnä̧, Cesarea ötahuiyära̧'a̧ ttȩpi̧nä̧cu̧do Tarso ötahuiyära̧'a̧ huettarö pä'ö.

Efesios 4:11

Ja̧'hua̧ta̧nö̧ iyinödo o'ca toi'önärö ttaditä̧cuȩ. Korotörö Jesús hue'ähuotörö hue'inödo. Korotörö Dios i̧huȩnȩ, Diosttö ȩmä̧huä̧ huȩnȩ, jittähua pä'ö hue'inödo. Korotörö adihuä i̧huȩnȩ, suronä jȩttö̧ jȩpö̧ icu huȩnȩ, jittähua pä'ö hue'inödo. Korotörö Diosrö esetätörö ppättäda pä'ö hue'inödo. Korotörö Dios i̧huȩnȩ ttu̧huo̧juȩta̧ pä'ö hue'inödo.

2 Timoteo 4:5

Ja̧'hua̧nö̧ ja̧'a̧nä̧ ucutä cua̧'cua̧ pö̧nö̧ kä̧hui̧. Cuami 'qui'ächi'ö ubara ttu'i. 'Cuäopönä ttö̧ja̧ suronä jȩttö̧ jȩpö̧ icu huȩnȩ ji'ähui. Ucu cuaditähuä adiu jȩpi̧.