Hechos 21:33 - TÄ̧DO Ä̧CUÄ̧ I̧HUȨNȨ

³³ Ja̧'hua̧nö̧ ja̧'a̧ su̧ro̧da̧u̧ ttu̧ru̧hua̧ tö'cö 'chä̧hui̧'ö̧ Pablorö 'chu'ädinödo. Cuoräu osa tosarenä ja̧u̧ru̧ ttönö'ca pä'ö hue'äji'ca̧ jä'epinödo: —¿Dijä̧ttö̧ pidemä? ¿Däje jȩä̧jä̧ttö̧?

Nuevo Testamento Uwotjüja

³³ Ja̧'wa̧nü̧ ja̧'a̧, su̧ro̧do̧u̧ ttu̧ru̧wa̧mä̧, Pauru-rü 'chuttäda pä'ü we'ünü̧, kärenä̧sa̧ to̧sa̧rȩnä̧ ttü̧nü̧'karü pä'ü we'inü̧. Ja̧'wa̧nü̧ jȩttü̧nä̧ wȩ'ä̧ji̧'ka̧ jä'epü ä̧ju̧kui̧nü̧, jua̧u̧mä̧ tidejua̧'a̧ ja̧ pä'ü ja̧'wa̧ta̧nü̧ däjé jȩä̧ja̧ ja̧ pä'ü.

Hechos 21:33 ပူးပေါင်းရင်းမြစ်များ

Hechos 12:6

Ja̧u̧tä̧ yodo, mo̧ro̧ juomenä, Herodes cärenä päcuähuodettö Pedrorö rä'epö icua päji ä'canä yodo, Pedro su̧ro̧da̧u̧ ta̧ju̧ ttö̧'quȩtȩnä̧ cuoräusa tosarenä nö'cähua'a ä'inödo. Korotö su̧ro̧da̧u̧ cärenä päcuähuode äpate ä'ca tta̧'ä̧ri̧nä̧tö̧do.

Hechos 20:23

Pi̧yȩtä̧ huo̧jua̧sä̧. Koro ötahuiyänä'inä, koro ötahuiyänä'inä chi̧'cho̧mȩnä̧, Espíritu Santo jiähuäcusä cärenä ttö̧tä̧cua̧jä̧, suronä jȩttä̧cua̧jä̧ pä'ö.

Hechos 21:11

Ujutu tö̧ja̧cuo̧mȩ do'ächi'ö, Pablo äcä isäyanä 'chu'ädö, chutä amönä u̧mö̧'i̧nä̧, ö̧jä̧pi̧yä̧nä̧'i̧nä̧ nö'cäu pä'inö: —Espíritu Santo pä'ö: “Jerusalén ötahuiyättö judíos ttö̧ja̧ ttönö'cäcuotö pide äcä isäya rö̧nä̧rö̧rö̧. Nö'quipö'cotö judíos huocotörö ttiyäcuotö.”

Hechos 22:29

Pablorö cuäcuätta pä'ö amöcuädätömä Pablo ippeyättö yotäcu pporächi'inätödo. O'ca toi'önä, su̧ro̧da̧u̧ ttu̧ru̧hua̧'i̧nä̧, ja̧u̧ romanos ttö̧ja̧ i̧sa̧ ja̧'a̧ ttu̧huo̧juo̧mȩnä̧, ye'ecue'inätödo ja̧u̧ru̧ ttönö'cäja'attö.

Hechos 22:30

Ja̧'hua̧nö̧ ja̧'a̧ ttönö'cäji koro mo̧ro̧, su̧ro̧da̧u̧ ttu̧ru̧hua̧mä̧ Pablorö cuoräusa ejädö tticua pä'ö hue'inödo. Sacerdotes tturuhuotö'inä, judíos ttö̧ja̧ ji̧nä̧ iso ruhuotö'inä ttö̧ca̧ca̧cui̧'a̧ pä'ö hue'inödo. Ttö̧ca̧ca̧cui̧'o̧mȩnä̧, Pablorö i'cächö, jahuätö ttä'ca jo̧mȩ ku̧ni̧nö̧do Pablorö. Su̧ro̧da̧u̧ ttu̧ru̧hua̧mä̧ judíos ttö̧ja̧mä̧ Pablorö tta̧'a̧nö̧ pä'ö huȩnȩtö̧ ttucuocua'ajo pä'ö u̧huo̧jua̧ pä'inödo.

Hechos 25:16

Jahuätörö pä'inösä: “Romanos ttö̧ja̧ tihueye ä'canä hue'ätöjä huȩnȩtö̧ ucuocuätömä suronä jȩpi̧nö̧ ä'ca jo̧mȩ ttö̧ja̧cua̧ pä'ö. Ju̧huȩnȩ kä̧nö̧ ji'ähuätö suronä jȩi̧nö̧mä̧, ja̧u̧tä̧ ädäta pä'ö. Romanos ttö̧ja̧ tihueye hue'ocotöjä ja̧'a̧tä̧ ka̧ra̧rö̧ cuä'ö tticua pä'ö ja̧'hua̧nö̧ jȩtö̧ juiyönä.”

Hechos 26:29

Ja̧'hua̧nö̧ päomenä, Pablo pä'inödo: —Ji̧'qui̧cha̧nö̧'i̧nä̧, rö̧ȩnä̧'i̧nä̧ jitä mo̧ro̧ ucu'inä, o'ca toi'önä ttörö ä̧ju̧cuä̧jä̧tö̧'i̧nä̧ Diosrö esetö chö̧jö̧'a̧nö̧ cu̧ja̧cuä̧tu̧cua̧ pä'ö, Diosrö jä'epösä. Ttö ta'anö cuoräusa nö'cähuotö cu̧ja̧cuä̧tu̧cua̧ pä'ömä jä'epocösä.

Hechos 28:20

Ja̧'hua̧nö̧ ja̧'a̧ttö̧ ucuturu huopäjisä ucuturu topö chucuocua pä'ö. Ujutu Israel ttö̧ja̧ esetö tta̧tä̧rä̧cu̧ru̧ jidähua'attö, pisa cuoräusanä nö̧'cä̧hua̧sä̧, —pä'inödo Pablo.

Efesios 6:20

Diosmä hueinäcusä ja̧u̧ huȩnȩ jidähua pä'ö. Ja̧'hua̧nö̧ ja̧u̧ huȩnȩ jidähua'attö, cärenä pö̧sä̧ jitämä. Ucuocuätucui Diosrö, pi̧yȩ huȩnȩ yeähuä juiyönä, Diosrö pä̧huä̧ rö̧jo̧mȩnä̧ jidähuäcua'a̧nö̧.

Filipenses 1:7

Ucuturu ja̧'hua̧nö̧ pä'ö chamöcuädöttömä, adihua'ado. Ucuturu chami iso'quinä eseunu amöcuädösä. Ujutumä ji̧nä̧ yo̧mȩtȩ adihuä juäi ȩmi̧nä̧tö̧jä̧, iso päi'önä huȩnȩ, ttö̧ja̧ suronä jȩttö̧ jȩpö̧ icu huȩnȩ, ji'äu cärenä chö̧'a̧'a̧nä̧'i̧nä̧, ja̧u̧ huȩnȩ cheseta'attö ttörö jä'epö ttä̧ju̧cua̧'a̧nä̧'i̧nä̧.

2 Timoteo 1:16

Onesíforo pä'ö mi̧cua̧ ahuaruhuärö Tu̧ru̧hua̧ adiu re rö̧jö̧nä̧ toö'a̧nö̧ ja̧'a̧. Ja̧u̧ ttörö rö̧ȩnä̧ ppä'ädinö. Cärenä chö̧'a̧'a̧ topö ichäji'ca̧, ttörö dä'äcuocö pi̧nö̧.

2 Timoteo 2:9

Ja̧u̧ huȩnȩ jidähua'attö, suronä jȩpä̧tö̧ ubara ttutta'a jä̧'i̧nö̧'a̧nö̧, ubara ttu'usä cärenä pä̧nö̧. Ja̧'hua̧nö̧ ja̧'a̧nä̧ Dios i̧huȩnȩ be'epäjipö icuocotö.