Hechos 21:28 - TÄ̧DO Ä̧CUÄ̧ I̧HUȨNȨ

²⁸ Huopinätödo: —¡Israel ttö̧ja̧, ppä'ädächätucui! Pide pi̧jä̧ o'ca juiyönä ka̧cuä̧tö̧rö̧ huo̧juȩtö̧ cue'ächö Israel ttö̧ja̧rö̧'i̧nä̧, Moisés hueähuä huȩnȩ'i̧nä̧, pode Diosrö ucuocuäcuähuode'inä ttucuotö juiyönä. Jitämä judíos huocotörö i'cächäji Diosrö ucuocuäcuähuode jacuä. Ja̧'hua̧nö̧ jȩpö̧, suronä jȩpä̧ji̧ podettö.

Nuevo Testamento Uwotjüja

²⁸ wopinä̧tü̧: «¡Irae ttü̧ja̧, ppä'ädätukuitü! ¡pide ja̧'a̧ ujutu jäwä'i̧nä̧, weäwä wȩnȩ'i̧nä̧, ja̧'wa̧ta̧nü̧ tü̧jo̧mȩ'i̧nä̧ to'ija̧'a̧ku̧ ji'äu wo̧juȩtä̧'i̧jü̧mä̧. Ja̧'wa̧ta̧nü̧ jitämä̧ yotüte Griego-rü'i̧nä̧ do'ädäji Dio-rü ukuokuäkuäwode surojuoächünä̧!»

Hechos 21:28 ပူးပေါင်းရင်းမြစ်များ

San Mateo 24:15

“Pi̧yȩ huȩnȩ ucuocumä, ä̧ju̧cua̧ja̧. Dios i̧huȩnȩ jiäcuähuä i̧sa̧ Daniel päinö ta'anö suronä jȩpö̧ huȩ'ä̧rö̧rö̧, suronä toei'önä jȩpö̧rö̧, ji̧nä̧ isocu adihuomecu ö̧ja̧'a̧ tocu'ätucuomenä, ja̧u̧nu̧ Judea rȩjȩnä̧ ka̧cuä̧tö̧mä̧ möä'cara̧'a̧cu̧ jotte'ö'a̧nö̧ ja̧'a̧.

Hechos 21:21

Korotö jahuätörö ja̧'hua̧nö̧ ji'ähuinätödo: “Pablo judíos ttö̧ja̧rö̧, judíos huocotö ttö̧'quȩtȩnä̧ ka̧cuä̧tö̧rö̧, ji'äu: Moisés hueinö ta'anö jȩcu̧'ä̧tu̧cuä̧'. Cui̧tti̧mö̧rö̧ circuncisión jȩcu̧'ä̧tu̧cuä̧'. Judíos ttö̧ja̧ jȩti̧nö̧mä̧ jȩcu̧'ä̧tu̧cuä̧'”, —pä'inätödo ancianos huotö Pablorö.

Hechos 24:18

Ja̧u̧tä̧ juäi jȩcha̧'a̧nä̧, korotö judíos ttö̧ja̧ Asia rȩjȩttö̧ ichinätömä ttörö topäjätö Diosrö ucuocuäcuähuodenä. Moisés hueähuä huȩnȩ hueö ta'anö chötöcähuäji o'ca'a ttörö topäjätö. A̧'u̧cu̧nä̧tä̧ ttö̧ja̧ huoäcuähuä juiyönä ttöcu ttö̧ja̧cua̧'a̧ topäjätö.