Hechos 21:16 - TÄ̧DO Ä̧CUÄ̧ I̧HUȨNȨ

¹⁶ Korotö Jesucristorö esetätömä Cesarea ötahuiyänä ka̧cuä̧tö̧mä̧ ujutucu ichinätö. Jahuätöcu ichinö ya̧tȩ Chipre kä'co i̧sä̧sa̧ ttö̧ja̧ i̧sa̧, Mnasón pä'ö mi̧cua̧. Ja̧u̧ täbocötä päi'önä esetinö Jesucristorö. Jerusalén ötahuiyättö chutä ojusodenä tö̧ja̧cua̧ pä'ö o'ipinö.

Nuevo Testamento Uwotjüja

¹⁶ Ti̧'cho̧mȩnä̧ Cesarea ütawiyättü yotukunä̧ Jesucrito-rü esetätü'i̧nä̧ ichinä̧tü̧, Mnasón-rü̧'i̧nä̧ o'ipü, ojusodenä̧ ti̧rȩbȩwi̧yä̧kua̧rü̧, Chipre ttü̧ja̧sa̧, täkü rekuo Jesucrito-rü esetinü̧rü̧.

Hechos 21:16 ပူးပေါင်းရင်းမြစ်များ

Hechos 10:24

Ttichäji koro mo̧ro̧ päi'omenä, Cesarea ötahuiyära̧'a̧ 'chä̧hui̧'i̧nä̧tö̧do. Cornelio, ahuaruhuäcu ji̧nä̧ yo̧mȩtȩ ca̧ca̧cui̧pö̧, tta̧'ä̧ri̧nö̧do jahuätörö.

Hechos 10:48

Pedro ja̧'hua̧nö̧ päji o'ca'a, hue'inödo jahuätörö bautizando jȩtta̧ pä'ö Jesucristo i̧mi̧nä̧. Ja̧u̧nu̧ o'ca'a Pedrorö jä'epinätödo a̧'u̧cua̧'a̧tä̧ jahuätöcu ö̧ja̧ pä'ö.

Hechos 11:19

Estebanrö cuä'ö tticuinö o'ca'a, ja̧'hua̧ta̧nö̧ korotö Jesucristorö esetätörö'inä suronä jȩpi̧nä̧tö̧do. Jerusalén ötahuiyättö tö'ipächinätöttö yotöcunä Fenicia rȩjȩra̧'a̧ i̧hui̧nä̧tö̧do. Korotö Chipre kä'co i̧sä̧sa̧ra̧'a̧ i̧hui̧nä̧tö̧do. Korotö Antioquía ötahuiyära̧'a̧ i̧hui̧nä̧tö̧do. Ju̧huȩnȩ kä̧nö̧ Jesucristo i̧huȩnȩ ji'ähuinätödo judíos ttö̧ja̧rö̧tä̧. Korotörömä ji'ähuocotö pi̧nä̧tö̧do.

Hechos 15:39

Rö̧ȩnä̧ pä'ä'chäcuähuäjä'cotö, 'quȩ'i̧pä̧chi̧nä̧tö̧do. Bernabémä Marcosrö o'ipö, Chipre kä'co i̧sä̧sa̧ra̧'a̧ huoi'canä 'chi̧nö̧do.

Hechos 15:7

Rö̧ȩnä̧ ucuocu pättä'chäcuähuäji o'ca'a, Pedro ä̧rä̧mi̧'ö̧ päinä̧u̧do: —Chahuaruhuä chö̧jä̧hua̧tö̧, ucutu huo̧juä̧tö̧jä̧ Dios motä ttörö ucututtu ȩmi̧nö̧, judíos huocotörö adihuä huȩnȩ jidähua'a ttä̧ju̧cuo̧mȩnä̧, Jesucristorö tteseta pä'ö.

Hechos 21:8

Ti̧'chi̧'ä̧ji̧ ya'ute mo̧ro̧ o'ca'a ujutu Pablocu rä'opö 'chi̧nä̧tö̧jä̧ Cesarea ötahuiyära̧'a̧. Juhuorö Felipe ojusodenä do'ächinätöjä. Felipe adihuä huȩnȩ ji'ähuinö. Chutä Jerusalénra̧'a̧ttö̧ ko̧ro̧mö̧ttö̧nö̧ ta̧ju̧nu̧ diácono hua̧ pi̧nö̧. Ja̧u̧cu̧ ka̧cui̧nä̧tö̧jä̧.

Hechos 4:36

Ja̧'hua̧nö̧ ja̧'a̧ ya̧tȩ levita i̧sa̧ pi̧nö̧do, José pä'ö mi̧cua̧. Ja̧u̧ Chipre kä'co i̧sa̧sa̧ttö̧ uhuäpächinödo. Jesús hue'ähuotö i̧mi̧ päjure Bernabé ottinäcudo. Jahuätö tti̧huȩnȩnä̧ päa'a Bernabé, ujutu ti̧huȩnȩnä̧ päa'a ahuaruhuärö adiu ucuocu ppädäcuähuä i̧sa̧.

Hechos 8:40

Ja̧'hua̧nö̧ ja̧'a̧ Felipe Azoto ötahuiyänä 'chä̧hui̧'i̧nö̧do. Juhua'a yabo 'chä̧nö̧, koro ötahuiyänä o'ca juiyönä ji'ähuinödo Jesucristo i̧huȩnȩ Cesarea ötahuiyära̧'a̧ i̧rȩbȩhua̧'a̧ päi'önä.

Romanos 16:7

Te'ähuätucui ttötä chahuaruhuä isotö Andrónicorö'inä, Juniasrö'inä. Jahuätö ttöcu cärenä pi̧nä̧tö̧. Jahuätömä Jesús hue'ähuotö'inä ttu̧huo̧juä̧u̧. Jahuätömä ttöttö'inä ä'coji esetinätö Cristorö.

Filemón 1:9

Ucuru repe'ö huedoca'anä, jä'epötä jä'epösä. Ttö Pablo, bö̧o̧ i̧sa̧ cha'anä Cristo Jesúsru cheseta'attö cärenä pö̧sä̧.