Hechos 20:4 - TÄ̧DO Ä̧CUÄ̧ I̧HUȨNȨ

⁴ Recuätö Pablocu 'chi̧nä̧tö̧do. Ka̧ra̧mä̧ Berea ötahuiyä ttö̧ja̧ i̧sa̧ Sópater, korotömä Tesalónica ötahuiyä ttö̧ja̧ Aristarco'inä, Segundo'inä, ka̧ra̧mä̧ Derbe ötahuiyä ttö̧ja̧ i̧sa̧ Gayo, ka̧ra̧mä̧ Timoteo, korotömä Asia rȩjȩ ttö̧ja̧ Tíquico'inä, Trófimo'inä 'chi̧nä̧tö̧do.

Nuevo Testamento Uwotjüja

⁴ Jua̧u̧ku̧ 'chä̧tü̧mä̧ pitü ji̧na̧'a̧: Berea i̧sa̧, Pirro i̧tti̧, Sópater'i̧nä̧; Tesalónica ütawiyä isotü, Aritarco'i̧nä̧, Segundo'i̧nä̧; Derbe ütawiyä i̧sa̧ Gayo'i̧nä̧; ja̧'wa̧ta̧nü̧ Asia rȩjȩ ttü̧ja̧mä̧, Timoteo'i̧nä̧, Tíquico'i̧nä̧, Trófimo'i̧nä̧ ji̧na̧'a̧.

Hechos 20:4 ပူးပေါင်းရင်းမြစ်များ

Hechos 14:20

Ja̧'hua̧nö̧ ja̧'a̧nä̧ Jesucristorö esetätömä Pablo ö̧'o̧mȩ so̧bö̧cuä̧ päi'önä ttö̧ca̧ca̧cui̧'o̧mȩnä̧, Pablo ä̧rä̧mi̧'ö̧ pä'äji ta'anö ötahuiyära̧'a̧ 'chä̧hui̧'i̧nö̧do. I̧'chi̧'ä̧ji̧ koro mo̧ro̧ päi'omenä, Bernabécu rä'opinödo Derbe ötahuiyära̧'a̧ i̧'cha̧ pä'ö.

Hechos 14:6

Pablocu, Bernabécu ttä̧ju̧cuo̧mȩnä̧, tö'ipächinätödo Listra ötahuiyära̧'a̧, Derbe ötahuiyära̧'a̧'i̧nä̧. Listra ötahuiyä'inä, Derbe ötahuiyä'inä Licaonia rȩjȩnä̧ ji̧na̧'a̧do. Ju̧huä̧jä̧ rȩjȩ ttö̧ja̧rö̧ adihuä huȩnȩ Jesucristo i̧huȩnȩ ji'ähuinätödo.

Hechos 16:1

Pablocu, Silascu Derbe ötahuiyära̧'a̧ 'chä̧hui̧'i̧nä̧tö̧do. Juhuorö kä̧nö̧ Listra ötahuiyära̧'a̧ 'chä̧hui̧'i̧nä̧tö̧do. Ju̧huȩnȩ ki̧nö̧do ya̧tȩ Jesucristorö esetinö, Timoteo pä'ö mi̧cua̧. Judíos ttö̧ja̧ isaju, Jesucristorö esetäju, ki̧tti̧ pi̧nö̧do. Jä'omä griegos ttö̧ja̧ i̧sa̧ pi̧nö̧do.

Hechos 16:6

Espíritu Santo Asia rȩjȩttö̧ hue'ocö pi̧nö̧do adihuä huȩnȩ jittähua pä'ö. Ja̧'hua̧nö̧ ja̧'a̧ Frigia rȩjȩcu̧, Galacia rȩjȩcu̧ 'cuä'opö 'chi̧nä̧tö̧do.

Hechos 17:1

Pablocu, Silascu Anfípolis ötahuiyä'inä, Apolonia ötahuiyä'inä 'cuä'opö, Tesalónica ötahuiyära̧'a̧ 'chä̧hui̧'i̧nä̧tö̧do. Juhua'amä judíos ttu̧huo̧jui̧'i̧node huina'ado.

Hechos 17:13

Ja̧'hua̧nö̧ ja̧'a̧ judíos ttö̧ja̧ Tesalónica ötahuiyänä ka̧cuä̧tö̧mä̧ Pablomä Dios i̧huȩnȩ Berea ötahuiyättö ji'äudo jittähua'a ttä̧ju̧cuo̧mȩnä̧, juhua'atä 'chä̧nö̧ ttö̧ja̧rö̧ ucuocuinätödo suronä jȩtta̧ pä'ö Pablorö.

Hechos 19:29

Juhua'attö o'ca toi'önä Efeso ötahuiyä ttö̧ja̧ ra̧huä̧rö̧ huopinätödo. Macedonia rȩjȩ ttö̧ja̧ Pablocu cue'ächätörö Gayorö'inä, Aristarcorö'inä 'chu'ädinätödo. Jahuätörö jurunä ȩmi̧pi̧nä̧tö̧do ttö̧ja̧ ttö̧ca̧ca̧cui̧'o̧mȩcu̧.

Hechos 2:9

Partia rȩjȩ ttö̧ja̧'i̧nä̧, Media rȩjȩ ttö̧ja̧'i̧nä̧, Elam rȩjȩ ttö̧ja̧'i̧nä̧, Mesopotamia rȩjȩ ttö̧ja̧'i̧nä̧, Judea rȩjȩ ttö̧ja̧'i̧nä̧, Capadocia rȩjȩ ttö̧ja̧'i̧nä̧, Ponto rȩjȩ ttö̧ja̧'i̧nä̧, Asia rȩjȩ ttö̧ja̧'i̧nä̧, Frigia rȩjȩ ttö̧ja̧'i̧nä̧, Panfilia rȩjȩ ttö̧ja̧'i̧nä̧, Egipto rȩjȩ ttö̧ja̧'i̧nä̧, Cirene ötahuiyä abo Africa rȩjȩ ttö̧ja̧'i̧nä̧, Roma ötahuiyättö ichinätö judíos ttö̧ja̧'i̧nä̧, korotö judíos huocotö judíos ttö̧ja̧ hueähuä huȩnȩ jȩpä̧tö̧'i̧nä̧, ja̧'hua̧ta̧nö̧ Creta kä'co i̧sä̧sa̧ ttö̧ja̧'i̧nä̧, Arabia rȩjȩ ttö̧ja̧'i̧nä̧ pȩnȩtä̧ ka̧cuä̧tö̧jä̧. Ujutu ti̧huȩnȩnä̧ ttucuocua'a ä̧ju̧cuä̧tö̧jä̧ Dios adihuä juäi jȩi̧nö̧mä̧, —pä'inätödo.

Hechos 20:16

Pablo Efeso ötahuiyä ttahuaränä ttö̧rä̧mä̧do̧ca̧'a̧ 'cuättopa pä'inö, Asia rȩjȩnä̧ recuo ö̧jö̧ juiya pä'ö. Jurunä i̧'cha̧ pä'inö Jerusalén ötahuiyära̧'a̧, Pentecostés mo̧ro̧ yotä ö̧ja̧ pä'ö.

Hechos 20:18

Jahuätö ttichi'omenä, Pablo pä'inö: —Asia rȩjȩ äcuomenä chi̧rȩbȩhui̧no̧mȩttö̧ päi'önä, chö̧jö̧'i̧nä̧, chaditö'inä ucutu huo̧juä̧tö̧jä̧.

Hechos 21:29

Ja̧'hua̧nö̧ pä'inätödo Jerusalén ötahuiyänä Pablo cueächa'a tottäja'attö Efeso ttö̧ja̧ i̧sa̧ Trófimocu. Pablomä Trófimorö Diosrö ucuocuäcuähuodera̧'a̧ o'ipäji amöcuädinätödo.

Hechos 27:2

Huoi'ca Adramitio ötahuiyä huämicuomera̧'a̧ttö̧ ichinä'ca, Asia rȩjȩttö̧ korome huoi'ca huämicuome rä̧mä̧dö̧, korome huoi'ca huämicuome rä̧mä̧dö̧ ihuä'ca pättä'canä pä̧mä̧dö̧ 'chi̧nä̧tö̧jä̧. Aristarco, Macedonia rȩjȩ ttö̧ja̧ i̧sa̧, Tesalónica ötahuiyättö ichinömä, ujutucu 'chi̧nö̧.

Romanos 16:21

Ttöcu ppä'ädömä Timoteo, ucuturu te'äu. Ja̧'hua̧ta̧nö̧ ttötä chahuaruhuä isotö Lucio'inä, Jasón'inä, Sosípater'inä ucuturu te'ähuätö.

Romanos 16:23

Gayo'inä ucuturu te'äu. Ttö ja̧u̧ ojusodenä kö̧sä̧. Ja̧u̧ ojusodettö o'ca toi'önä iglesia ruhuä ra̧'ä̧tö̧. Erasto'inä, ötahuiyättö pärätä tta̧'ä̧rö̧mä̧ ucuturu te'äu. Tö̧jä̧hua̧ Cuarto'inä te'äu ucuturu.

2 Corintios 1:1

Ttö Pablo, Diosrö pä̧huä̧ rö̧jo̧mȩnä̧, Jesucristo huȩ'ä̧hua̧sä̧. Ji̧nä̧ yo̧mȩtȩnä̧ chö̧jä̧hua̧ Timoteocu, huȩyu̧tu̧sä̧ pojä cuyäru isojänä chö̧jä̧hua̧tö̧rö̧, Dios i̧huȩnȩ esetätörö, Corinto ötahuiyänä ka̧cuä̧tö̧rö̧. Ja̧'hua̧ta̧nö̧ huȩyu̧tu̧sä̧ o'ca toi'önä Dios i̧tti̧mö̧rö̧ Acaya rȩjȩnä̧ ka̧cuä̧tö̧rö̧.

2 Corintios 1:19

Iso päi'önä Silvanocu, Timoteocu, ttöcu ucuturu i̧huȩnȩ jitähuäcu, Cristo Jesús, Dios I̧tti̧mä̧ yoröiso todärenä ji'ähuocö pi̧nö̧. Cristomä 'cuäopönä iso päi'önä huȩnȩtä̧ ji'äu.

Efesios 6:21

Tö̧jä̧hua̧ Tíquico ujuturu adiu ppä'ädö Tu̧ru̧hua̧ i̧huȩnȩ taditomenä. Ja̧u̧tä̧ ji̧ä̧huä̧cua̧ ucuturu ttörö 'cuäopö'inä, o'ca juiyönä jȩchö̧'i̧nä̧.

Filipenses 2:19

Tu̧ru̧hua̧ Jesúsru pä̧huä̧ rö̧jö̧ttö̧mä̧, yodojinänö Timoteorö hueda pä'ösä, ucuturu topö icha pä'ö. Ja̧'hua̧nö̧ ucutu cu̧ja̧cuä̧tu̧cu̧ huȩnȩ ä̧ju̧cu̧ chȩsȩhuä̧cua̧sä̧.

Colosenses 4:10

Pottömä Aristarco, ttöcu cärenä pö̧mä̧, te'äu ucuturu. Ja̧'hua̧ta̧nö̧ Bernabé ö̧jä̧hua̧ Marcos te'äu ucuturu. Ucutu täcö huedinömä ä̧ju̧cui̧nä̧tö̧jä̧ ja̧u̧ru̧. Cuidepiyura̧'a̧ ichöttömä, adiu ppä'ädätucuirö.

Colosenses 4:7

Adihuä ta̧hua̧ru̧hua̧ Tíquico o'ca juiyönä ji̧ä̧huä̧cua̧ ucuturu, ttörö 'cuäopäjimä. Iso päi'önä ja̧u̧ ppä'ädö adiu aditinö ttöcu Tu̧ru̧hua̧ aditähuä.

1 Timoteo 1:1

Ttö Pablo, Jesucristo huȩ'ä̧hua̧sä̧. Tu̧ru̧hua̧ Dios'inä, Tu̧ru̧hua̧ Jesucristo'inä huettömä jȩpö̧sä̧. Ja̧'hua̧ta̧nö̧ Jesucristorö esetö tta̧'ä̧rä̧tö̧jä̧.

2 Timoteo 1:2

Pi̧yȩ cuyäru huȩyu̧tu̧ hue'ösä ucuru Timoteo, Cristonä chi̧tti̧ repedäcuru. Tä'o Dios'inä, Tu̧ru̧hua̧ Jesucristo'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ re rö̧jö̧nä̧ tottäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.

2 Timoteo 4:12

Tíquicorö hue'inösä Efeso ötahuiyära̧'a̧.

2 Timoteo 4:20

Erastomä Corinto ötahuiyänä ki̧'i̧nö̧. Trófimo'inä Mileto ötahuiyänä na̧huä̧chi̧yä̧cu̧ chu̧ju̧ni̧'i̧nä̧cu̧.

Tito 3:12

Artemas pä'ö mi̧cua̧rö̧'i̧nä̧, Tíquico pä'ö mi̧cua̧rö̧'i̧nä̧ ucu cu̧ja̧'a̧ huedomenä, ucutä Nicópolis ötahuiyära̧'a̧ cuichaja, ji̧nä̧ yo̧mȩtȩ päti'a. Ju̧huȩnȩ chö̧ja̧ pä'ösä ya'ute a̧'ȩ.

Filemón 1:24

Ja̧'hua̧ta̧nö̧ Marcos'inä, Aristarco'inä, Demas'inä, Lucas'inä ttöcu aditätömä te'ähuätö ucuru.

3 Juan 1:1

Ttö anciano hua̧ chi̧huȩnȩ hue'ösä ucuru, chö̧jä̧hua̧ Gayo. Iso päi'önä ttötä repedäcujä.