Hechos 20:38 - TÄ̧DO Ä̧CUÄ̧ I̧HUȨNȨ

³⁸ —Jitämä yabocumä tocu'ätucuococusä —pä̧u̧, juiyo tta̧'cua̧ ta̧'ȩcui̧nä̧tö̧. Ja̧'hua̧nö̧ ja̧'a̧ huoi'cara̧'a̧ ja̧u̧cu̧ 'chi̧nä̧tö̧.

Nuevo Testamento Uwotjüja

³⁸ Rü̧ȩnä̧ tta̧'kua̧ tta̧'ȩkui̧nä̧tü̧, jua'amä̧ täkü to'kuätukuokokusä päjiyä̧u̧. Woi'kabü päi'ünä̧ jui'ädü tti̧wi̧nä̧ku̧.

Hechos 20:38 ပူးပေါင်းရင်းမြစ်များ

Hechos 15:3

Ja̧'hua̧nö̧ ja̧'a̧ttö̧ iglesia ruhuämä Antioquía ötahuiyänä ka̧cuä̧tö̧mä̧ hue'inätödo Pablorö, Bernabérö, ttahuaruhuärö'inä. Fenicia rȩjȩnä̧'i̧nä̧, Samaria rȩjȩnä̧'i̧nä̧ 'cuä'opö 'chä̧nö̧, Jesucristorö esetätörö ji'ähuinätödo judíos huocotö täbocö ttesetinö jaropi'ö, Diosrö esetinätö pä'ö. O'ca toi'önä ttö̧jä̧hua̧tö̧, jittähua'a ä̧ju̧cu̧, juiyo esehuinätödo.

Hechos 20:25

“Diosmä Tu̧ru̧hua̧ päi'önä kö̧ pä'ö, ucutu cu̧'quȩtȩtu̧cu̧nä̧ kä̧nö̧ o'ca toi'önärö ji'ähuinösä. Ja̧'hua̧nö̧ ja̧'a̧nä̧ jitämä huo̧jua̧sä̧ juhua'a yabocumä tocu'ätucuococusä.

Hechos 21:16

Korotö Jesucristorö esetätömä Cesarea ötahuiyänä ka̧cuä̧tö̧mä̧ ujutucu ichinätö. Jahuätöcu ichinö ya̧tȩ Chipre kä'co i̧sä̧sa̧ ttö̧ja̧ i̧sa̧, Mnasón pä'ö mi̧cua̧. Ja̧u̧ täbocötä päi'önä esetinö Jesucristorö. Jerusalén ötahuiyättö chutä ojusodenä tö̧ja̧cua̧ pä'ö o'ipinö.

Hechos 21:5

Ko̧ro̧mö̧ttö̧nö̧ todäre mo̧ro̧ o'ca'a rä'opinätöjä. O'ca toi'önä Jesucristorö esetätömä tti̧rȩcua̧mö̧cu̧, tti̧tti̧mö̧cu̧, ujutucu 'chi̧nä̧tö̧ ötahuiyä yabocu. Juhuorö jäyotottö tihue'quiyunä kä̧mä̧dö̧, Diosrö ucuocuinätöjä.

Hechos 25:26

Ja̧'hua̧nö̧ ja̧'a̧nä̧'i̧nä̧ pide suronä jȩi̧nö̧ chu̧ru̧hua̧rö̧ chi̧huȩyu̧ta̧ pä'ömä juiya'a. Ja̧'hua̧nö̧ ja̧'a̧ttö̧ chi'cächäjäcu ucutu cuä'catucu jo̧mȩ, ucu ru̧hua̧ Agripa cuä'ca jo̧mȩ jä'epö cuä̧ju̧cuä̧cu̧, ädätö o'ca'a chi̧huȩyu̧tä̧cuȩmä̧ chu̧ju̧nä̧rä̧cua̧sä̧.

1 Corintios 16:11

Ja̧'hua̧nö̧ ja̧'a̧ttö̧ ucututtu korotö suronä ttamöcuädö juiya pä'ätucuirö. Pärocua'attö ppä'ädätucuirö adiunä eseunu ichäcua'a̧nö̧ ttörö topö. Ttöcu korotö tö̧jä̧hua̧tö̧cu̧ ja̧u̧ru̧ tta̧'ä̧rä̧tö̧jä̧.

Gálatas 6:10

Ja̧'hua̧nö̧ ja̧'a̧ttö̧ koronö'inä o'ca toi'önärö adiu jȩtö̧'a̧nö̧ ja̧'a̧. Iso päi'önä tö̧jä̧hua̧tö̧rö̧ Diosrö esetätörö adiu jȩtö̧'a̧nö̧ ja̧'a̧.