Hechos 20:35 - TÄ̧DO Ä̧CUÄ̧ I̧HUȨNȨ

³⁵ Ucuturu huo̧juȩti̧nö̧sä̧ rö̧ȩnä̧ taditö'a̧nö̧ ja̧'a̧ usurä isotörö ppätäda pä'ö. Ja̧'hua̧ta̧nö̧ Tu̧ru̧hua̧ Jesús i̧huȩnȩ tamöcuädö'a̧nö̧ ja̧'a̧. Jesús pä'inö: “Ȩmä̧tö̧ttö̧'i̧nä̧ abonänö eseunu ka̧cuä̧tö̧ iyätömä”, —pä'inödo Pablo.

Nuevo Testamento Uwotjüja

³⁵ O'kajuiyünä̧tä̧ chu̧wo̧juȩtä̧'i̧jä̧ujä̧, rekuä rü̧jä̧u̧ru̧ ppätäda pä'ümä̧, tadita pä'ü rekuä rü̧ja̧'a̧ pä'ü. Tu̧ru̧wa̧ Jesú pa̧'a̧nü̧ päinü̧ amükuädü: iyäwänä̧mä̧, Ȩmä̧wä̧ttü̧'i̧nä̧ abonä̧nü̧ eseäkuäwä kka̧'a̧ pä'ü.

Hechos 20:35 ပူးပေါင်းရင်းမြစ်များ

San Mateo 10:8

Lepra ttöttahuiyä märichei na̧'ä̧chä̧tö̧rö̧'i̧nä̧, koro juäi na̧'ä̧chä̧tö̧rö̧'i̧nä̧ aditö icuätucui. 'Corupä'i'ätörö'inä tto'ädätucui. Espíritus suropätörö'inä rä'epö icuätucui. Ucutu ja̧u̧ ujurumä micuä juiyönä cuȩmä̧jä̧tu̧cu̧ ta'anö, korotörö'inä ja̧u̧ ujurunä micuä juiyönä ppä'ädätucui.

Hechos 20:20

Ucuturu adiu ppä'ädö o'ca juiyönä ji'ähuinösä, ku̧ni̧cuä̧ juiyönä. Ucuturu huo̧juȩti̧nö̧sä̧ o'ca toi'önä ttä'ca jo̧mȩttö̧'i̧nä̧, cuojuodehuiyätucunä'inä.

Hechos 20:27

Ttö ucuturu o'ca juiyönä Dios chu̧huo̧juȩta̧ pä'ö hueinömä ji'ähuinösä ku̧ni̧cuä̧ juiyönä.

Hechos 20:34

Ucutu huo̧juä̧tö̧jä̧ ttötä chamönä chu̧mö̧nä̧ aditinösä, ttörö'inä, ttöcu cue'ächätörö'inä recuä rö̧jö̧mä̧ chȩma̧ pä'ö.

Hechos 20:36

Ja̧'hua̧nö̧ ji'ähuäji'ca̧, ihue'quiyunä kä̧mä̧dö̧, o'ca toi'önä jahuätöcu Diosrö ucuocuinö.

Romanos 15:1

Ujutu tesetöttö juruhuätömä, ppätädö'a̧nö̧ ja̧'a̧ tö̧jä̧hua̧tö̧ juiyupätörö, ujutu tamönätä töjö'cönätämäcö̧.

1 Corintios 9:12

Korotö ucuturu jittähuomenä, jahuätö “ppäcuhuädätucuatö” pä'ätö. Ja̧'hua̧ ja̧'a̧ jahuätöttö'inä abonänö ppäcuhuädätucua pä'ö ujuturu ¿adihua'adi̧? Iso päi'önä ujutumä jä'epocotö pi̧nä̧tö̧jä̧ ucuturu. Pärocua'acu o'ca juiyönä tami 'qui'ächi'inätöjä, adiu cuä̧ju̧cuä̧tu̧cua̧ pä'ö Cristo i̧huȩnȩ.

2 Corintios 11:12

Pä'äji jȩchi̧nö̧ ta'anö, jȩchä̧cua̧sä̧ jitä'inä. Ja̧'hua̧nö̧ jȩcho̧mȩnä̧, korotömä “Ujutumä Pablocu yoräteunä aditätöjä” pä'ätömä, adiu esehuocotö ttäcuotö.

2 Corintios 11:9

Ja̧'hua̧ta̧nö̧ ucutucu kä̧nö̧, koronö koro juäi juidomenä, jä'epocö pi̧nö̧sä̧ ucuturu. Korotö tö̧jä̧hua̧tö̧ Macedonia rȩjȩra̧'a̧ttö̧ ichö, ttörö iyinätö juidomenä. Ja̧'hua̧nö̧ jȩpö̧, ucuturu yoröiso jä'epocö pi̧nö̧sä̧. Ja̧'hua̧ta̧nö̧ yodoji'inä jȩchi̧nö̧ ta'anö jȩchä̧cua̧sä̧.

2 Corintios 12:13

Korotö iglesias ruhuättö'inä abonänö usurä isotöjä pä'ö jȩpo̧cö̧ pi̧nö̧sä̧ ucuturu. Ja̧'hua̧nö̧ jȩpö̧ kä̧nö̧, ucuturu jä'epötä jä'epocö pi̧nö̧sä̧. Ja̧u̧tä̧ juäi Diosrö amöcuädö cunichi'ätucuattö pä'ösä.

2 Corintios 8:9

Ucutumä täcö huo̧juä̧tö̧jä̧ Tu̧ru̧hua̧ Jesucristo adihuä juäi iyö ujuturu. Ja̧u̧ o'ca juiyönä ku̧nä̧ri̧nö̧do. Ja̧'hua̧nö̧ ja̧'a̧nä̧ ucuturu repe'ö usurä i̧sa̧ ta'anö pä'i'inödo, ucutu ja̧u̧ru̧ esetö, järe ruhuotö ta'anö cu̧ja̧cuä̧tu̧cua̧ pä'ö.

Efesios 4:28

Nä̧u̧cuä̧ri̧nö̧mä̧, jitämä cu̧nä̧u̧cuä̧rä̧'. Ucutä cu̧mö̧nä̧tä̧ adiu aditi, korotö jui'ätörö cuiyäcua'a̧nö̧.

1 Tesalonicenses 4:11

Cua̧'cua̧ adiunä ka̧cuä̧tu̧cui̧. Ucututä cuamönätucu cuaditähuätucumä cu̧mö̧nä̧ aditö ka̧cuä̧tu̧cui̧, ucuturu jitähuinö ta'anö.

1 Tesalonicenses 5:14

Tö̧jä̧hua̧tö̧, ja̧'hua̧ta̧nö̧ pä'ätöjä ucuturu. Ötähuätörö adiu ucuocu ji'ähuätucui. Ye'ecuätörö ppä'ädätucui. Juiyupätörö'inä ppä'ädätucui. O'ca toi'önärö cuami 'qui'ächi'ö ka̧cuä̧tu̧cui̧.

Hebreos 13:16

Adiu jȩä̧cuä̧huä̧nä̧ cunichi'ätucuä'. Ja̧'hua̧ta̧nö̧ cu̧ju̧nä̧rä̧tu̧cu̧ttu̧'i̧nä̧ iyö, korotörö ppäcuhuädätucua pä'ö cunichi'ätucuä'. Ja̧'hua̧nö̧ jȩpö̧, sacrificio päi'önä jȩpä̧tö̧jä̧ Dios esehua'anä.

Hebreos 13:3

Ja̧'hua̧ta̧nö̧ cärenä pȩjä̧tö̧rö̧ cunichi'ätucuä'. Jahuätöcu cärenä cu̧'ä̧tu̧cua̧'a̧ jä̧'i̧nö̧'a̧nö̧ amöcuädätucui. Korotö suronä jȩttä̧u̧ru̧ amöcuädö, ucutu'inä jahuätöcu ubara ttucuhuätucua'a jä̧'i̧nö̧'a̧nö̧ ppä'ädätucui.

3 Juan 1:7

Jahuätö rä'opö 'chi̧nä̧tö̧ Jesucristo i̧huȩnȩ jittähua pä'ö. Ja̧'hua̧nö̧ tti̧'cho̧mȩnä̧, Jesucristorö esetocotöttö ȩmo̧co̧tö̧ recuä rö̧jö̧mä̧.