Hechos 20:1 - TÄ̧DO Ä̧CUÄ̧ I̧HUȨNȨ

¹ Suronä huottäcuähuäji cättädomenä, Pablo huopinödo Jesucristorö esetätörö chutä ö̧ja̧'a̧cu̧ tticha pä'ö. Jahuätörö adiu ppä'ädö ucuocuinödo. Te'ähuäji'ca̧, Macedonia rȩjȩra̧'a̧ rä'opö 'chi̧nö̧do.

Nuevo Testamento Uwotjüja

¹ Ja̧'wa̧nü̧ ja̧'a̧, wȩnȩ 'kuäopäji o'ka'a, Pauru-mä̧ Jesucrito-rü esetätürü wopo'ü tä̧bo̧tü̧ ro̧'ȩpi̧nü̧. Ja̧'wa̧nü̧ ukuokuäji̧'ka̧ te'äwi'ipütä, Macedonia rȩjȩra̧'a̧ 'chi̧nü̧.

Hechos 20:1 ပူးပေါင်းရင်းမြစ်များ

Hechos 11:26

Ya'ute a̧'ȩ 'cuäo'i'önä iglesia ruhuäcu ka̧cui̧nä̧tö̧do. Recuätörö huo̧juȩti̧nä̧tö̧do. Ju̧huȩnȩtä̧ Antioquía ötahuiyänä Jesucristorö esetätörö äcuomenä o'inätödo Cristo umöhuäyotö pä'ö.

Hechos 16:12

Juhua'attö Filipos ötahuiyära̧'a̧ 'chi̧nä̧tö̧jä̧. Macedonia rȩjȩmä̧ koro ötahuiyättö'inä abonänö rö̧ȩi̧na̧'a̧do Filipos ötahuiyä. Ttö̧ja̧ Roma ötahuiyättö ichinätömä Filipos ötahuiyä aditinätö. Ju̧huȩnȩtä̧ ka̧cui̧nä̧tö̧jä̧ recuo mo̧ro̧.

Hechos 16:9

Ja̧u̧tä̧ yodo Pablo ttu̧'cuo̧ti̧cua̧'a̧ jä̧'i̧nö̧'a̧nö̧ päi'omenä, ya̧tȩ Macedonia rȩjȩ ttö̧ja̧ i̧sa̧rö̧ topinödo. Churutä Pablorö jä̧'ȩpä̧rö̧ kä̧nö̧ pä'inödo: “Macedonia rȩjȩra̧'a̧ ppä'ädächitö.”

Hechos 19:21

Ja̧'hua̧nö̧ 'cuäopäji o'ca'a Pablo Macedonia rȩjȩttö̧'i̧nä̧, Acaya rȩjȩttö̧'i̧nä̧ 'cuä'opö Jerusalén ötahuiyära̧'a̧ i̧'cha̧ pä'ö amöcuädinödo. Pä'inödo: —Ä'canä Jerusalén ötahuiyära̧'a̧ chi̧'chä̧cua̧sä̧. Ju̧huȩnȩ o'comenä, Roma ötahuiyära̧'a̧ chi̧'chä̧cua̧sä̧.

Hechos 20:10

Ja̧'hua̧nö̧ ja̧'a̧ Pablo ju'toju i̧so̧ca̧ttö̧ mȩyȩhuä̧chö̧ 'chä̧hui̧'ö̧, mö̧ä̧ya̧rö̧ hua'adi'ö huä̧mä̧dö̧ pä'inö: —Yecuhuecuätucuä'. Ji̧nä̧ a̧dȩcua̧.

Hechos 20:2

Juhuorö Jesucristorö esetätörö adiu ppä'ädö ucuocu ji'ähuä̧ya̧ 'cuä'opö 'chi̧nö̧do, Grecia rȩjȩra̧'a̧ i̧rȩbȩhua̧'a̧ jubö päi'önä.

Hechos 20:3

Pablo juhua'a huämetucuä kä̧hua̧tö̧ ki̧nö̧do. Siria rȩjȩra̧'a̧ huoi'canä i̧'cha̧ pä'ö amöcuädomenä, “Judíos ttö̧ja̧ ucuru suronä jȩttä̧cuo̧tö̧do” jittähua'a ä̧ju̧cui̧nö̧do. Ja̧'hua̧nö̧ ja̧'a̧ttö̧ de'anä ppa̧huä̧cha̧ pä'ö Macedonia rȩjȩnä̧ 'cuä'opö i̧'cha̧ pä'ö amöcuädinödo.

Hechos 20:37

O'ca toi'önä ajuähuinätö. Pablorö hua'adi'inätö.

Romanos 15:19

Ja̧'hua̧ta̧nö̧ huo̧juȩtö̧ jȩä̧cuä̧huä̧nä̧'i̧nä̧, ttö̧ja̧ ttieru juäi jȩä̧cuä̧huä̧nä̧'i̧nä̧, Espíritu Santo ujurunä'inä ji'ähuinösä. Ja̧'hua̧nö̧ ja̧'a̧ttö̧ Cristo ttö̧ja̧ suronä jȩttö̧ jȩpö̧ icu huȩnȩ ji'ähuinösä Jerusalén ötahuiyättö kä̧mä̧dö̧, o'ca juiyönä jättäja'a Ilírico rȩjȩra̧'a̧ päi'önä.

Romanos 16:16

Korotö korotönö ttu̧mö̧ 'chu'ädö te'ähuätucui. O'ca toi'önä iglesias ruhuä hue'ätö ucuturu tettähua pä'ö.

1 Corintios 16:20

O'ca toi'önä tö̧jä̧hua̧tö̧ te'ähuätö ucuturu. Ja̧'hua̧ta̧nö̧ korotörö o'ca toi'önärö ttu̧mö̧nä̧ 'chu'ädö eseunu te'ähuätucui.

1 Corintios 16:5

Ttö cuedächomenä, Macedonia rȩjȩra̧'a̧ chi̧'chä̧cua̧sä̧. Juhuorö kä̧nö̧ ucutu cu̧ja̧cuä̧tu̧cuo̧mȩcu̧, Corinto ötahuiyära̧'a̧ chi̧'chä̧cua̧sä̧.

2 Corintios 13:12

O'ca toi'önärö te'ähuätucui ttu̧mö̧nä̧ 'chu'ädö.

2 Corintios 7:5

Macedonia rȩjȩra̧'a̧ rȩbȩhuä̧jä̧tö̧'co̧tö̧ 'cuätächi'ö'a̧nö̧ ja̧'a̧nä̧, ji̧nä̧ isocu aditäjätöjä. Rö̧ȩnä̧ rohuäcuähuä 'cuäopäja'a ujutu tö̧ja̧cuo̧mȩttö̧. Ja̧'hua̧ta̧nö̧ tami iso'quinä'inä ye'ecu ka̧cuä̧jä̧tö̧jä̧.

1 Tesalonicenses 5:26

Ja̧'hua̧ta̧nö̧ o'ca toi'önä tö̧jä̧hua̧tö̧rö̧ juhua'atä ka̧cuä̧tö̧rö̧, cu̧mö̧tu̧cu̧nä̧ 'chu'ädö te'ähuätucui.

1 Timoteo 1:3

Ttömä Macedonia rȩjȩra̧'a̧cu̧ chi̧'cho̧mȩnä̧, ucuru jidähuinö ta'anö, Efeso ötahuiyänä cu̧ja̧ pä'ösä. Ucuru hue'ipinösä korotörö cu̧huo̧juȩta̧ pä'ö yapareu huȩnȩ ttu̧huo̧juȩtö̧ juiyäcua'a̧nö̧.