Hechos 2:9 - TÄ̧DO Ä̧CUÄ̧ I̧HUȨNȨ

^9-11 Partia rȩjȩ ttö̧ja̧'i̧nä̧, Media rȩjȩ ttö̧ja̧'i̧nä̧, Elam rȩjȩ ttö̧ja̧'i̧nä̧, Mesopotamia rȩjȩ ttö̧ja̧'i̧nä̧, Judea rȩjȩ ttö̧ja̧'i̧nä̧, Capadocia rȩjȩ ttö̧ja̧'i̧nä̧, Ponto rȩjȩ ttö̧ja̧'i̧nä̧, Asia rȩjȩ ttö̧ja̧'i̧nä̧, Frigia rȩjȩ ttö̧ja̧'i̧nä̧, Panfilia rȩjȩ ttö̧ja̧'i̧nä̧, Egipto rȩjȩ ttö̧ja̧'i̧nä̧, Cirene ötahuiyä abo Africa rȩjȩ ttö̧ja̧'i̧nä̧, Roma ötahuiyättö ichinätö judíos ttö̧ja̧'i̧nä̧, korotö judíos huocotö judíos ttö̧ja̧ hueähuä huȩnȩ jȩpä̧tö̧'i̧nä̧, ja̧'hua̧ta̧nö̧ Creta kä'co i̧sä̧sa̧ ttö̧ja̧'i̧nä̧, Arabia rȩjȩ ttö̧ja̧'i̧nä̧ pȩnȩtä̧ ka̧cuä̧tö̧jä̧. Ujutu ti̧huȩnȩnä̧ ttucuocua'a ä̧ju̧cuä̧tö̧jä̧ Dios adihuä juäi jȩi̧nö̧mä̧, —pä'inätödo.

Nuevo Testamento Uwotjüja

⁹ Partos tti̧wȩnȩnä̧'i̧nä̧, medos tti̧wȩnȩnä̧'i̧nä̧, Elam ttü̧ja̧ tti̧wȩnȩnä̧'i̧nä̧; Mesopotamia ttü̧ja̧ tti̧wȩnȩnä̧'i̧nä̧, Judea ttü̧ja̧ tti̧wȩnȩnä̧'i̧nä̧, Capadocia ttü̧ja̧ tti̧wȩnȩnä̧'i̧nä̧, Ponto ttü̧ja̧ tti̧wȩnȩnä̧'i̧nä̧, Asia ttü̧ja̧ tti̧wȩnȩnä̧'i̧nä̧,

Hechos 2:9 ပူးပေါင်းရင်းမြစ်များ

Hechos 16:6

Espíritu Santo Asia rȩjȩttö̧ hue'ocö pi̧nö̧do adihuä huȩnȩ jittähua pä'ö. Ja̧'hua̧nö̧ ja̧'a̧ Frigia rȩjȩcu̧, Galacia rȩjȩcu̧ 'cuä'opö 'chi̧nä̧tö̧do.

Hechos 18:2

Juhua'attö ya̧tȩ judíos ttö̧ja̧ i̧sa̧rö̧, Aquila pä'ö mi̧cua̧rö̧, Ponto rȩjȩttö̧ uhuäpächinörö po̧cui̧pi̧nö̧do. Aquilamä irecua Priscilacu ni̧po̧ ja̧'a̧cu̧ Italia rȩjȩttö̧ ichinö, ru̧hua̧ Claudio hueomenä o'ca toi'önä judíos ttö̧ja̧ Roma ötahuiyättö rä'opächö tti̧hua̧ pä'ö. Pablo jahuätörö do'ächö 'chi̧nö̧do.

Hechos 19:10

Ja̧'hua̧nö̧ jȩpi̧nö̧do todäre a̧'ȩ 'cuäoi'önä. Ja̧'hua̧nö̧ ja̧'a̧ttö̧ o'ca toi'önä Asia rȩjȩnä̧ ka̧cuä̧tö̧mä̧, judíos ttö̧ja̧'i̧nä̧, judíos huocotö'inä Tu̧ru̧hua̧ Jesús jȩi̧nö̧ huȩnȩ ä̧ju̧cui̧nä̧tö̧do.

Hechos 19:27

Ja̧u̧ huȩnȩ ra̧huȩpi̧jö̧ huȩnȩ ja̧'a̧. Ujutu taditähuä suronä jȩä̧cuä̧huä̧ pättäcuotö. Ja̧'hua̧ta̧nö̧ diosa Dianarö ucuocuäcuähuode'inä jeruseu jȩä̧cuä̧huä̧ juoächäcua'a. Dianarö'inä ucuotocotö ttäcuotö. O'ca toi'önä Asia rȩjȩ ttö̧ja̧'i̧nä̧, o'ca toi'önä pi̧jä̧nä̧ ka̧cuä̧tö̧'i̧nä̧ Dianarö ucuotätö, —pä'inödo Demetrio.

Hechos 19:31

Korotö Asia rȩjȩ ruhuotö'inä Pablo ahuaruhuä pi̧nä̧tö̧do. Jahuätö hue'inätödo Pablo doächi'ö juiyönä jittähuarö pä'ö.

Hechos 2:8

Ujutu ti̧huȩnȩ tuhuäpächinötä päi'önä tucuocuä'ijömä, ¿tta̧'a̧nö̧ pä'ö ttucuocua'a tä̧ju̧cua̧'a̧jä̧ttö̧?

Hechos 20:16

Pablo Efeso ötahuiyä ttahuaränä ttö̧rä̧mä̧do̧ca̧'a̧ 'cuättopa pä'inö, Asia rȩjȩnä̧ recuo ö̧jö̧ juiya pä'ö. Jurunä i̧'cha̧ pä'inö Jerusalén ötahuiyära̧'a̧, Pentecostés mo̧ro̧ yotä ö̧ja̧ pä'ö.

Hechos 20:18

Jahuätö ttichi'omenä, Pablo pä'inö: —Asia rȩjȩ äcuomenä chi̧rȩbȩhui̧no̧mȩttö̧ päi'önä, chö̧jö̧'i̧nä̧, chaditö'inä ucutu huo̧juä̧tö̧jä̧.

Hechos 20:4

Recuätö Pablocu 'chi̧nä̧tö̧do. Ka̧ra̧mä̧ Berea ötahuiyä ttö̧ja̧ i̧sa̧ Sópater, korotömä Tesalónica ötahuiyä ttö̧ja̧ Aristarco'inä, Segundo'inä, ka̧ra̧mä̧ Derbe ötahuiyä ttö̧ja̧ i̧sa̧ Gayo, ka̧ra̧mä̧ Timoteo, korotömä Asia rȩjȩ ttö̧ja̧ Tíquico'inä, Trófimo'inä 'chi̧nä̧tö̧do.

Hechos 21:27

Ko̧ro̧mö̧ttö̧nö̧ todäre mo̧ro̧ beipächäcuome tö'cöhuächi'omenä, korotö judíos ttö̧ja̧ Asia rȩjȩttö̧ ichinätömä Pablorö topinätödo Diosrö ucuocuäcuähuodenä. O'ca toi'önä ttö̧ja̧rö̧ huopinätödo ttö̧ra̧huä̧ra̧ pä'ö. Ja̧'hua̧nö̧ ja̧'a̧ Pablorö 'chu'ädinätödo.

Hechos 24:18

Ja̧u̧tä̧ juäi jȩcha̧'a̧nä̧, korotö judíos ttö̧ja̧ Asia rȩjȩttö̧ ichinätömä ttörö topäjätö Diosrö ucuocuäcuähuodenä. Moisés hueähuä huȩnȩ hueö ta'anö chötöcähuäji o'ca'a ttörö topäjätö. A̧'u̧cu̧nä̧tä̧ ttö̧ja̧ huoäcuähuä juiyönä ttöcu ttö̧ja̧cua̧'a̧ topäjätö.

Hechos 27:2

Huoi'ca Adramitio ötahuiyä huämicuomera̧'a̧ttö̧ ichinä'ca, Asia rȩjȩttö̧ korome huoi'ca huämicuome rä̧mä̧dö̧, korome huoi'ca huämicuome rä̧mä̧dö̧ ihuä'ca pättä'canä pä̧mä̧dö̧ 'chi̧nä̧tö̧jä̧. Aristarco, Macedonia rȩjȩ ttö̧ja̧ i̧sa̧, Tesalónica ötahuiyättö ichinömä, ujutucu 'chi̧nö̧.

Hechos 6:9

Ja̧'hua̧nö̧ ja̧'a̧nä̧ korotö judíos ttu̧huo̧jui̧'i̧nodettö, juhuode i̧mi̧ Libertados pättinodettö ichi'ö, ra̧huä̧rö̧ pä'ähuinätödo Estebanrö. Jahuätö Cirene ötahuiyättö'inä, Alejandría ötahuiyättö'inä, Celicia rȩjȩttö̧'i̧nä̧, Asia rȩjȩttö̧'i̧nä̧ ichinätödo.

Hechos 7:2

Ja̧'hua̧nö̧ ja̧'a̧ Esteban pä'inödo: —Chahuaruhuä, adiu ä̧ju̧cuä̧tu̧cui̧. Dios, tȩa̧u̧nä̧ kö̧mä̧, tä̧do̧ mi̧nä̧ Abrahamrö i̧jȩcui̧nö̧do Mesopotamia rȩjȩnä̧ ö̧jo̧mȩnä̧, Harán ötahuiyänä ö̧ji̧nö̧ ä'canä.

Romanos 16:5

Te'ähuätucui ji̧nä̧ yo̧mȩtȩ Diosrö ttucuocua pä'ö ca̧ca̧cui̧pä̧tö̧rö̧ Priscilacu, Aquilacu ttojusodenä. Ja̧'hua̧ta̧nö̧ te'ähuätucui adihuä cha̧hua̧ru̧hua̧ Epenetorö, äcuomenä Cristorö esetinörö Acaya rȩjȩttö̧.

1 Corintios 16:19

Korotö iglesia ruhuä Asia rȩjȩttö̧ te'ähuätö ucuturu. Aquilacu, Priscilacu ttojusodenä esetö ucuocuätö'inä, Tu̧ru̧hua̧ i̧mi̧nä̧ te'ähuätö ucuturu.

2 Corintios 1:8

Chö̧jä̧hua̧tö̧, cu̧huo̧juä̧tu̧cua̧ pä'ätöjä ujuturu suronä 'cuäopinömä Asia rȩjȩnä̧ tö̧ja̧cuo̧mȩnä̧. Ja̧'hua̧nö̧ rö̧ȩnä̧ suronä 'cuäopa'anä, tujuru'inä jui'inätöjä. Tami 'quitächi'ö juiyönä päi'inä̧u̧jä̧. Täcö 'corupäti'äcuotöjäcö̧ pä'ö amöcuädinätöjä.

2 Timoteo 1:15

Ucu huo̧jua̧jä̧, o'ca toi'önä Asia rȩjȩ ttö̧ja̧'i̧nä̧, Figelo'inä, Hermógenes'inä, juhua'atä ttö̧ja̧, ttörö jaropi'inätö.

1 Pedro 1:1

Ttötäsä Pedro, Jesucristo huȩ'ä̧hua̧sä̧. Ponto rȩjȩnä̧'i̧nä̧, Galacia rȩjȩnä̧'i̧nä̧, Capadocia rȩjȩnä̧'i̧nä̧, Asia rȩjȩnä̧'i̧nä̧, Bitinia rȩjȩnä̧'i̧nä̧ ka̧cuä̧tö̧rö̧, jitötä tti̧rȩjä̧ttö̧ dö'ecuächinätörö, huȩyu̧tu̧ hue'ösä pi̧yȩ cuyäru.

Apocalipsis 1:11

Ttörö päina'a: —Ttömä ä'canä'inä, röjinä'inä ru̧hua̧sä̧. O'ca juiyönä juiyäi'inä. beipächomenä'inä ru̧hua̧sä̧. O'ca juiyönä tocu'umä huȩyu̧ti̧ cuyäru'tänä. Cui̧huȩyu̧tä̧ji̧ o'ca'a Asia rȩjȩnä̧ ka̧cuä̧tö̧rö̧ ko̧ro̧mö̧ttö̧nö̧ todäre iglesias ruhuärö huȩyu̧tu̧ hue'i. Efeso ötahuiyära̧'a̧'i̧nä̧, Esmirna ötahuiyära̧'a̧'i̧nä̧, Pérgamo ötahuiyära̧'a̧'i̧nä̧, Tiatira ötahuiyära̧'a̧'i̧nä̧, Sardis ötahuiyära̧'a̧'i̧nä̧, Filadelfia ötahuiyära̧'a̧'i̧nä̧, Laodicea ötahuiyära̧'a̧'i̧nä̧, huȩyu̧tu̧ hue'i.

Apocalipsis 1:4

Ttö, Juan, ko̧ro̧mö̧ttö̧nö̧ todäre iglesias ruhuärö, Asia rȩjȩnä̧ ka̧cuä̧tö̧rö̧ huȩyu̧tu̧sä̧. Dios ucuturu ppädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ iyäcua'a̧nö̧. Chutä jitä'inä kö̧. Täbocö'inä ki̧nö̧. Yodoji'inä ö̧jä̧cua̧. Ja̧'hua̧ta̧nö̧ ko̧ro̧mö̧ttö̧nö̧ ta̧ju̧nu̧ espíritus chutä ö̧'o̧mȩ ä'ca ka̧cuä̧tö̧'i̧nä̧, ucuturu ppättädäcua'a̧nö̧.