Hechos 2:27 - TÄ̧DO Ä̧CUÄ̧ I̧HUȨNȨ

²⁷ Ucu, Dios, cha̧'cua̧ru̧hua̧rö̧ jaropi'ocö cuä̧cua̧jä̧ hua'are ttötomettö. Chidepä'inä 'cuäipächoca'a jä̧cua̧'a̧, ttömä ucutä adiunä cu̧mö̧huä̧ya̧ cha'attö.

Nuevo Testamento Uwotjüja

²⁷ Isopäi'ünä̧ ukumä̧ wa'arenä̧mä̧ kuikuipokoku chä̧kua̧sä̧ ja̧'wa̧ta̧nü̧ kuemi̧nä̧ku̧ cha'attü surojü tochünä̧mä̧ jȩ'kuo̧ko̧ku̧ chä̧kua̧sä̧.

Hechos 2:27 ပူးပေါင်းရင်းမြစ်များ

San Mateo 11:23

Ucutu'inä, Capernaum ötahuiyä ttö̧ja̧, ¿mo̧ro̧jä̧ra̧'a̧ cätecuächäcua'a pä'ö amöcuädätöjä tä̧ji̧? Isocö̧. 'Corupä'i'ätö ttö̧ja̧cuo̧mȩcu̧ cui̧mȩyȩhuä̧cuo̧tö̧jä̧. Sodoma ötahuiyä ttö̧ja̧ ucutu ta'anö, rö̧ȩnä̧ ttö̧ja̧ ttieru juäi tottinöttömä, jitä mo̧ro̧ päi'önä ka̧cua̧ja̧tö̧.

San Marcos 1:24

—Jesús, Nazaret i̧sa̧, ¿däje jȩpö̧ cuichäjättö ujuturu? ¿Ujuturu be'epäjipö icu ichäjijä tä̧ji̧? Ttö chu̧huo̧juä̧cu̧jä̧. Ucumä Diosttö adihuä i̧sa̧jä̧, huo̧jua̧sä̧.

San Lucas 1:35

Angel ädätinödo: —Espíritu Santotä i̧chä̧cua̧ ucurumä. Dios Ju'toju Ru̧hua̧ ajiya isoppa jä̧'i̧nö̧'a̧nö̧ ujurunä ö̧jä̧mä̧dä̧cua̧ju̧jä̧. Ja̧'hua̧nö̧ ja̧'a̧ttö̧ ji̧'qui̧cha̧hua̧ uhuäpächä̧cua̧mä̧ adihuä i̧sa̧ jä̧cua̧. Ja̧'hua̧ta̧nö̧ pä̧ttä̧cua̧ Dios I̧tti̧ pä'ö.

San Lucas 16:23

Ja̧u̧nu̧ järe ru̧hua̧ 'corujuo'ächätö rȩbȩä̧cuä̧huo̧mȩ i̧rȩbȩhuo̧mȩnä̧, ubara ttu'inödo. Otonätä topinödo Abrahamrö Lázarocu ö̧ja̧'a̧.

San Lucas 24:44

Ja̧u̧nu̧ o'ca'a jahuätörö pä'inödo: —Ttörö 'cuäopäjimä, ucutucu ji̧nä̧ kä̧nö̧, ji'ähuinösä. O'ca juiyönä Moisés hueähuä huȩnȩ ttörö päö'a̧nö̧'i̧nä̧, Dios i̧huȩnȩ jiäcuähuä isotö ttörö tti̧huȩyu̧ti̧nö̧'a̧nö̧'i̧nä̧, Salmos cuyäru ttörö päö'a̧nö̧'i̧nä̧ 'cuäopäcua'a ji'ähuinösä.

San Lucas 4:34

—Jȩcu̧'ä̧tö̧ Jesús Nazaret i̧sa̧, ¿däje jȩpö̧ cuichäjättö ujuturu? ¿Ujuturu be'epäjipö icu ichäjijä tä̧ji̧? Ttö chu̧huo̧juä̧cu̧jä̧. Ucumä Diosttö adihuä i̧sa̧jä̧ huo̧jua̧sä̧.

San Juan 11:39

Jesús pä'inödo: —Ido'qui mö̧ȩcuo'qui pporädö icuätucui. Marta, 'corupä'i'inö uböa, pä'inäjudo: —Tu̧ru̧hua̧, täcö huahua'a a̧'cua̧ra̧'a̧, ttötäja'a pa̧ja̧cuä̧nö̧ mo̧ro̧ päi'äja'attö.

Hechos 2:26

Ja̧'hua̧nö̧ ja̧'a̧ttö̧ cha̧'cua̧ esehuinösä rö̧ȩnä̧. Chucuocu'inä eseunu ucuocuinösä. Hua'ä ttö̧ja̧ i̧sa̧ cha'anä, eseunu tta̧dä̧rä̧cua̧sä̧.

Hechos 2:28

Adiu chö̧ja̧ pä'ö cu̧huo̧juȩti̧nä̧cu̧sä̧. Ttöcu cu̧ja̧'a̧ttö̧ juiyo eseusä, huȩyu̧ti̧nö̧do David.

Hechos 2:31

Ja̧'hua̧ta̧nö̧ Cristo ttoächäcua'a ä'canä ji'ähuinödo Davidmä. “Dios jaropi'ocö jä̧cua̧ Cristo a̧'cua̧ru̧hua̧rö̧ hua'are ttötomettö. Ja̧'hua̧ta̧nö̧ Cristo idepä 'cuäipächoca'a jä̧cua̧'a̧”, ji'ähuinödo Davidmä.

Hechos 3:14

Dios hueinö ta'anö jȩpi̧nö̧rö̧, adihuä i̧sa̧rö̧, kö'cocotö pi̧nä̧tö̧jä̧. Pilatorö jä'epinätöjä ya̧tȩ ttö̧ja̧rö̧ cuä'ö icuinörö rä'epö icua pä'ö.

Hechos 4:27

“Iso päi'önä pi̧yȩ ötahuiyänä Herodes'inä, Poncio Pilato'inä ca̧ca̧cui̧pi̧nä̧tö̧ judíos huocotöcu, judíos ttö̧ja̧cu̧'i̧nä̧, suronä jȩtta̧ pä'ö ucu adihuänä Cui̧tti̧ Jesúsru, pätetö huecuhuinäcuru.

1 Corintios 15:52

Röji trompeta rä̧mi̧po̧mȩnä̧, yotäcu ttö'äre yȩbi̧ päi'omenä tö'ärohuächäcuotöjä. Trompeta rä̧mi̧po̧mȩnä̧, 'corupä'i'inätömä ttottächipäcuotö. Ja̧u̧nu̧ o'ca'a yoröiso 'corupä'i'ocotö ttäcuotö. Ujutu'inä tö'ärohuächäcuotöjä.

1 Corintios 15:55

'Corupäi'äcuähuä jitämä ¿tta̧'a̧nö̧ jȩcu̧'ä̧cua̧'a̧jä̧ttö̧ ujuturu? Ja̧'hua̧ta̧nö̧ ¿tta̧'a̧nö̧ cujuruhuäcua'ajä̧ttö̧ kä̧cuä̧huä̧nä̧mä̧?”

1 Juan 2:20

Jesucristo iyinö Espíritu Santorö ucutucu ö̧ja̧ pä'ö. Ja̧'hua̧nö̧ ja̧'a̧ttö̧ ucutu o'ca toi'önä iso päi'önä huȩnȩ huo̧juä̧tö̧jä̧.

Apocalipsis 1:18

Ttömä ihueye kö̧sä̧. 'Corupä'i'inösä. Ja̧'hua̧nö̧ ja̧'a̧nä̧ jitämä kö̧sä̧ 'cuäopönä. Ttömä 'corupä'i'inätöttö'inä abonänö ju̧ru̧hua̧sä̧. Ja̧'hua̧ta̧nö̧ hua'are huattomettö'inä abonänö ju̧ru̧hua̧sä̧.

Apocalipsis 20:13

Dubora rö̧orattö 'corupä'i'inätö'inä duborattö rä'opinätö. 'Corupäi'äcuähuättö'inä, 'corupätti'omettö'inä 'corupä'i'inätömä rä'opinätö. O'ca toi'önärö, pä'äji jȩtti̧nö̧ topö, ro̧ȩpi̧nä̧u̧.

Apocalipsis 3:7

“Ja̧'hua̧ta̧nö̧ Filadelfia ötahuiyättö iglesia ruhuärö tta̧huä̧rä̧cuä̧huä̧ i̧sa̧rö̧ huȩyu̧tu̧ hue'i: “Yoröiso adihuä i̧sa̧'i̧nä̧, iso päi'önä pä'ö'inä, Ru̧hua̧ David öäre llave ku̧nä̧rö̧mä̧ äpate bahuepomenä, ka̧ra̧mä̧ yoröiso mö̧'ȩpo̧cö̧. Ja̧'hua̧ta̧nö̧ äpate mö̧ȩpo̧mȩnä̧, ka̧ra̧mä̧ yoröiso ba'epocö.