Hechos 19:23 - TÄ̧DO Ä̧CUÄ̧ I̧HUȨNȨ

²³ Ja̧u̧nu̧ pä̧nä̧ Efeso ötahuiyä ttö̧ja̧ Dioscu adiu kä̧cuä̧huä̧ huȩnȩ ttä̧ju̧cuo̧mȩnä̧, rö̧ȩnä̧ ucuocu suronä jȩpi̧nä̧tö̧do.

Nuevo Testamento Uwotjüja

²³ Ji̧yȩnü̧ pä̧nä̧ Éfeso ütawiyättü rü̧ȩnä̧ wȩnȩ kki̧na̧'a̧, kkä̧kuä̧wä̧ wȩnȩ tü'kü,

Hechos 19:23 ပူးပေါင်းရင်းမြစ်များ

Hechos 18:26

Apolos ttö̧ja̧rö̧ yecuoca'a kä̧mä̧dö̧ ji'ähuinödo judíos ttu̧huo̧jui̧'i̧nodenä. Ja̧'hua̧nö̧ jiähua'a ttä̧ju̧cuo̧mȩnä̧, Priscilacu, Aquilacu ja̧u̧ru̧ ttojusodera̧'a̧ o'ipinätödo. Ja̧u̧ jiähuäjittö'inä abonänö huäjunä ucuocu jittähuinäcudo Dioscu adiu kä̧cuä̧huä̧.

Hechos 19:9

Ja̧'hua̧nö̧ ja̧'a̧ yotöcunä jarode'ö esetocotö pi̧nä̧tö̧do. O'ca toi'önä ttä'ca jo̧mȩttö̧ Dioscu adiu kä̧cuä̧huä̧ huȩnȩ jarode'ö “Surojö” pä'inätödo. Ja̧'hua̧nö̧ jȩtto̧mȩnä̧, Pablo jahuätöttö 'quȩ'i̧pä̧chi̧nö̧do. Jesucristorö esetätömä chutäcu tti̧'cha̧ pä'ö o'ipinödo. Tiranno ojusodettö jahuätörö Dios i̧huȩnȩ rä'epö ucuocuinödo mo̧ro̧ji̧nö̧ a̧'u̧cuä̧.

Hechos 22:4

Adiu kä̧cuä̧huä̧ huȩnȩ esetätörö suronä jȩpi̧nö̧sä̧ bettipächönä cuä'ö chicua pä'ö. U̧mä̧tö̧rö̧'i̧nä̧, nä̧tö̧rö̧'i̧nä̧ cuoräusanä nö̧'cä̧rö̧ ȩpi̧'ä̧ji̧nö̧sä̧ cärenä chöta pä'ö.

Hechos 24:14

Ja̧'hua̧nö̧ ja̧'a̧nä̧'i̧nä̧ ucuru ji'äusä tä̧do̧tö̧ mi̧nä̧ Diosrö ucuocusä jareu kä̧cuä̧huä̧ huȩnȩ esetö. Judíos ttö̧ja̧ pä'ätö pi̧yȩ adiu kä̧cuä̧huä̧ huȩnȩ esetätömä jäyänä esetätö. Ja̧'hua̧nö̧ ja̧'a̧nä̧ o'ca juiyönä huȩyu̧cuä̧ hueähuä huȩnȩ'i̧nä̧, Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧ esetösä.

Hechos 24:22

Félix Jesucristorö esetätö jȩttö̧mä̧ huo̧jui̧nö̧do. Juhua'a yabo ä̧ju̧cua̧ pä'ocö pi̧nö̧do. —Su̧ro̧da̧u̧ ttu̧ru̧hua̧ Lisias ichomenä, ucuru jȩchä̧cuȩmä̧ cha̧mö̧cuä̧dä̧cua̧sä̧, —pä'inödo Félix.

2 Corintios 11:26

Rö̧ȩnä̧ cue'ächinösä. Ja̧'hua̧ta̧nö̧ aje ra̧huȩpi̧jotonä cue'ächinösä. Na̧u̧cuä̧rä̧tö̧ ttö̧'quȩtȩnä̧'i̧nä̧, judíos ttö̧ja̧ ttö̧'quȩtȩnä̧'i̧nä̧, korotö ttö̧ja̧ ttö̧'quȩtȩnä̧'i̧nä̧ ra̧huȩpi̧jö̧nä̧ cue'ächinösä. Ja̧'hua̧ta̧nö̧ ötahuiyänä'inä, de'anä'inä, aje rö̧otonä'inä ra̧huȩpi̧jö̧nä̧ cue'ächinösä. Korotö tö̧jä̧hua̧tö̧ pättä̧u̧, yapareu ucuocuätö ttö̧'quȩtȩnä̧'i̧nä̧ ra̧huȩpi̧jö̧nä̧ cue'ächinösä.

2 Corintios 6:5

Ja̧'hua̧ta̧nö̧ ujutu ä̧nu̧chu̧nä̧ cuäcuäpö, cärenä ttötinä̧u̧jä̧. Ja̧'hua̧ta̧nö̧ koronö ttö̧ja̧ rö̧ȩnä̧ ttö̧ra̧huä̧ra̧'a̧nä̧, ki̧'i̧nä̧tö̧jä̧. Koronö'inä rö̧ȩnä̧ aditinätöjä. Ja̧'hua̧ta̧nö̧ koronö'inä tä'oca'a ka̧cui̧nä̧tö̧jä̧. Ja̧'hua̧ta̧nö̧ koronö'inä ppäi ttu'inätöjä.

2 Corintios 6:9

Ja̧'hua̧ta̧nö̧ koronö korotö ttieruhuä̧u̧ru̧ jȩttö̧'a̧nö̧ jȩpä̧tö̧ ujuturu. Koronö'inä adiu ttu̧huo̧juä̧u̧ru̧ jȩttö̧'a̧nö̧ jȩpä̧tö̧. Koronö'inä ujuturu cuä'ö tticua pättomenä, a̧dȩcuä̧tö̧ cue'ächätöjä. Koronö ujuturu ro̧ttȩpo̧mȩnä̧, cuä'ö icuocotö ujuturu.