Hechos 19:22 - TÄ̧DO Ä̧CUÄ̧ I̧HUȨNȨ

²² Ja̧'hua̧nö̧ ja̧'a̧ umöhuäyotö churutä ppä'ädä'ijätö ta̧ju̧ru̧ Timoteorö'inä, Erastorö'inä Macedonia rȩjȩra̧'a̧ hue'inödo. Chutä Asia rȩjȩnä̧ a̧'u̧cua̧'a̧ recuo ki̧nö̧do.

Nuevo Testamento Uwotjüja

²² Ja̧'wa̧nü̧ pä'ü Macedonia rȩjȩra̧'a̧ we'inü̧, churutä ppä'ädä̧rä̧'i̧jä̧tü̧ ta̧ju̧ru̧, Timoteo-rü'i̧nä̧, Erasto-rü'i̧nä̧, jü̧nä̧, chutämä̧ ji̧nä̧ a̧'u̧ku̧nä̧ mo̧ro̧, Asia-nä̧ ü̧ji̧pa̧'a̧nä̧.

Hechos 19:22 ပူးပေါင်းရင်းမြစ်များ

Hechos 13:5

Huoi'ca huämicuome 'chä̧hui̧'ö̧, Salamina ötahuiyänä Dios i̧huȩnȩ ji'ähuinätödo judíos ttu̧huo̧jui̧'i̧nodehuiyänä. Juan'inä jahuätöcu 'chi̧nö̧do ppäda pä'ö.

Hechos 16:1

Pablocu, Silascu Derbe ötahuiyära̧'a̧ 'chä̧hui̧'i̧nä̧tö̧do. Juhuorö kä̧nö̧ Listra ötahuiyära̧'a̧ 'chä̧hui̧'i̧nä̧tö̧do. Ju̧huȩnȩ ki̧nö̧do ya̧tȩ Jesucristorö esetinö, Timoteo pä'ö mi̧cua̧. Judíos ttö̧ja̧ isaju, Jesucristorö esetäju, ki̧tti̧ pi̧nö̧do. Jä'omä griegos ttö̧ja̧ i̧sa̧ pi̧nö̧do.

Hechos 16:3

Pablomä Timoteorö oipa pä'inödo. Ja̧'hua̧ ja̧'a̧ circuncisión jȩi̧nä̧cu̧, judíos ttö̧ja̧ recuätö ju̧huȩnȩ ttö̧ja̧cua̧'a̧ttö̧. Jahuätömä Timoteo jä'o griegos ttö̧ja̧ i̧sa̧ pi̧nö̧ pä'ö huo̧jui̧nä̧tö̧do.

Hechos 18:5

Silascu, Timoteocu Macedonia rȩjȩra̧'a̧ttö̧ tti̧rȩbȩhuo̧mȩnä̧, Pablomä Dios i̧huȩnȩ ji'ähuinödo koro aditähuä aditö juiyönä. Judíos ttö̧ja̧rö̧ adiu ji'ähuinödo Dios huea päinäcu Jesúsmä ja̧u̧tä̧ ja̧'a̧.

Hechos 19:10

Ja̧'hua̧nö̧ jȩpi̧nö̧do todäre a̧'ȩ 'cuäoi'önä. Ja̧'hua̧nö̧ ja̧'a̧ttö̧ o'ca toi'önä Asia rȩjȩnä̧ ka̧cuä̧tö̧mä̧, judíos ttö̧ja̧'i̧nä̧, judíos huocotö'inä Tu̧ru̧hua̧ Jesús jȩi̧nö̧ huȩnȩ ä̧ju̧cui̧nä̧tö̧do.

Hechos 19:21

Ja̧'hua̧nö̧ 'cuäopäji o'ca'a Pablo Macedonia rȩjȩttö̧'i̧nä̧, Acaya rȩjȩttö̧'i̧nä̧ 'cuä'opö Jerusalén ötahuiyära̧'a̧ i̧'cha̧ pä'ö amöcuädinödo. Pä'inödo: —Ä'canä Jerusalén ötahuiyära̧'a̧ chi̧'chä̧cua̧sä̧. Ju̧huȩnȩ o'comenä, Roma ötahuiyära̧'a̧ chi̧'chä̧cua̧sä̧.

Hechos 19:29

Juhua'attö o'ca toi'önä Efeso ötahuiyä ttö̧ja̧ ra̧huä̧rö̧ huopinätödo. Macedonia rȩjȩ ttö̧ja̧ Pablocu cue'ächätörö Gayorö'inä, Aristarcorö'inä 'chu'ädinätödo. Jahuätörö jurunä ȩmi̧pi̧nä̧tö̧do ttö̧ja̧ ttö̧ca̧ca̧cui̧'o̧mȩcu̧.

Hechos 20:1

Suronä huottäcuähuäji cättädomenä, Pablo huopinödo Jesucristorö esetätörö chutä ö̧ja̧'a̧cu̧ tticha pä'ö. Jahuätörö adiu ppä'ädö ucuocuinödo. Te'ähuäji'ca̧, Macedonia rȩjȩra̧'a̧ rä'opö 'chi̧nö̧do.

Hechos 20:34

Ucutu huo̧juä̧tö̧jä̧ ttötä chamönä chu̧mö̧nä̧ aditinösä, ttörö'inä, ttöcu cue'ächätörö'inä recuä rö̧jö̧mä̧ chȩma̧ pä'ö.

Romanos 16:23

Gayo'inä ucuturu te'äu. Ttö ja̧u̧ ojusodenä kö̧sä̧. Ja̧u̧ ojusodettö o'ca toi'önä iglesia ruhuä ra̧'ä̧tö̧. Erasto'inä, ötahuiyättö pärätä tta̧'ä̧rö̧mä̧ ucuturu te'äu. Tö̧jä̧hua̧ Cuarto'inä te'äu ucuturu.

2 Corintios 1:16

Äcuomenä Macedonia rȩjȩra̧'a̧ 'chä̧nö̧, ucuturu dodächa pä'inösä. Ja̧'hua̧ta̧nö̧ Macedonia rȩjȩttö̧ i̧u̧, pä'äji ta'anö ucuturu dodächa pä'ö amöcuädinösä. Ja̧'hua̧nö̧ do'ächö 'chä̧nö̧: “Jahuätömä ttörö ppättädäcua'a̧nö̧ Judea rȩjȩra̧'a̧ chi̧'cho̧mȩnä̧” pä'inösä.

2 Corintios 11:9

Ja̧'hua̧ta̧nö̧ ucutucu kä̧nö̧, koronö koro juäi juidomenä, jä'epocö pi̧nö̧sä̧ ucuturu. Korotö tö̧jä̧hua̧tö̧ Macedonia rȩjȩra̧'a̧ttö̧ ichö, ttörö iyinätö juidomenä. Ja̧'hua̧nö̧ jȩpö̧, ucuturu yoröiso jä'epocö pi̧nö̧sä̧. Ja̧'hua̧ta̧nö̧ yodoji'inä jȩchi̧nö̧ ta'anö jȩchä̧cua̧sä̧.

2 Corintios 2:13

Ja̧'hua̧nö̧ ja̧'a̧nä̧ yoröiso adiunä jo̧ca̧'a̧ ji̧na̧'a̧ chami iso'quinä, tö̧jä̧hua̧ Tito toepa'attö. Ja̧'hua̧nö̧ ja̧'a̧ttö̧ jahuätöttö rä'opächö, Macedonia rȩjȩra̧'a̧ 'chi̧nö̧sä̧.

2 Corintios 8:1

Jitämä chö̧jä̧hua̧tö̧, cu̧huo̧juä̧tu̧cua̧ pä'ätöjä Macedonia rȩjȩttö̧ iglesias ruhuärö Dios ppädinömä.

2 Corintios 8:19

Ja̧'hua̧ta̧nö̧ pottö, iglesias ruhuä ja̧u̧ru̧ o'ipö hue'inätödo ujuturu ppä'ädö cueächa pä'ö pi̧yȩ eseunu iyähuä ȩpö̧, Tu̧ru̧hua̧rö̧ ttucuota pä'ö. Ja̧'hua̧ta̧nö̧ ucutu eseunu cuiyätucua'a totta pä'ö ppä'ädätöjä.

1 Tesalonicenses 1:8

Ucutucu äcuomenä kä̧mä̧dö̧ Macedonia rȩjȩttö̧tä̧mä̧cö̧, Acaya rȩjȩttö̧tä̧mä̧cö̧ ä̧ju̧cui̧nä̧tö̧ Tu̧ru̧hua̧ i̧huȩnȩ. O'ca toi'önä pa̧ja̧cu̧nä̧ ä̧ju̧cui̧nä̧tö̧ Tu̧ru̧hua̧ i̧huȩnȩ. Ujutu jitähuoca'anä, o'ca toi'önä huo̧juä̧tö̧ ucutu Diosrö cuesetätucua'a.

2 Timoteo 4:20

Erastomä Corinto ötahuiyänä ki̧'i̧nö̧. Trófimo'inä Mileto ötahuiyänä na̧huä̧chi̧yä̧cu̧ chu̧ju̧ni̧'i̧nä̧cu̧.