Hechos 19:17 - TÄ̧DO Ä̧CUÄ̧ I̧HUȨNȨ

¹⁷ O'ca toi'önä Efeso ötahuiyänä ka̧cuä̧tö̧mä̧, judíos ttö̧ja̧'i̧nä̧, judíos huocotö'inä jahuätörö 'cuäopinömä jittähua'a ttä̧ju̧cuo̧mȩnä̧, rö̧ȩnä̧ ye'ecuinätödo. Rö̧ȩnä̧ ucuotinätödo Jesúsru.

Nuevo Testamento Uwotjüja

¹⁷ Ja̧'wa̧nü̧ jä̧ja̧'a̧, Éfeso ütawiyänä̧ kka̧kuä̧tü̧ o'katoi'ünä̧, ukuowa'a ä̧ju̧ku̧ rü̧ȩnä̧ ye'inä̧tü̧, judío'i̧nä̧, griegos'i̧nä̧, jü̧nä̧; ja̧'wa̧nü̧ jo̧mȩnä̧ Tu̧ru̧wa̧ Jesú i̧mi̧mä̧ rü̧ȩnä̧ ukuounä̧ rü̧ä̧chi̧na̧'a̧.

Hechos 19:17 ပူးပေါင်းရင်းမြစ်များ

San Lucas 1:65

Ja̧'hua̧nö̧ tottomenä, o'ca toi'önä ji̧nä̧ yo̧mȩtȩ ötahuiyä ruhuä to̧pä̧ri̧nä̧tö̧do. Judea möä'quiyu ttö̧ja̧ ji'äcuähuinätödo 'cuäopäji.

San Lucas 7:16

Ja̧'hua̧nö̧ tottomenä, o'ca toi'önä ye'inätödo. Ja̧'hua̧nö̧ ja̧'a̧ttö̧ Diosrö eseunu ucuocuinätödo. Pä'inätödo: —Ya̧tȩ ucuo i̧sa̧, Dios i̧huȩnȩ jiäcuähuä i̧sa̧ i̧jȩcuä̧jä̧u̧jä̧ ujutu tö̧'quȩtȩttö̧. Ja̧'hua̧ta̧nö̧ pä'inätödo: —Dios umöhuäyotörö ppä'ädö ichäji.

Hechos 13:12

Ja̧'hua̧nö̧ 'cuäopa'a topö, Chipre kä'co i̧sä̧sa̧ ru̧hua̧ Jesucristorö esetinödo, Tu̧ru̧hua̧ i̧huȩnȩ ä̧ju̧cuo̧cö̧ jä̧'i̧jö̧ ä̧ju̧cu̧'i̧nä̧, tocö jä̧'i̧jö̧ topö'inä.

Hechos 18:19

Efeso ötahuiyära̧'a̧ 'chä̧hui̧'ö, Pablomä Priscilarö, Aquilarö ku̧ni̧pi̧nö̧do. Judíos ttu̧huo̧jui̧'i̧nodenä do'ächi'ö Dios i̧huȩnȩ rä'epö ucuocuinödo judíos ttö̧ja̧rö̧.

Hechos 18:21

I̧u̧ kä̧nö̧ pä'inödo: —Jerusalén ötahuiyära̧'a̧ chi̧'cha̧ pä'ösä fiesta jȩttö̧ mo̧ro̧ juhua'attö 'cuädopa pä'ö. Pä'äji ta'anö ppa̧dä̧chä̧cua̧sä̧ ucuturu topö Diosrö pä̧huä̧ rö̧jo̧mȩnä̧. Ja̧'hua̧nö̧ ja̧'a̧ Efeso ötahuiyättö huoi'canä 'chi̧nö̧do.

Hechos 19:1

Apolos Corinto ötahuiyänä ö̧jo̧mȩnä̧, Pablo juhuorö de'anä 'chi̧nö̧do Efeso ötahuiyära̧'a̧ i̧'chi̧'a̧'a̧ jubö päi'önä. Juhua'attö yotöcunä Jesucristorö esetätörö po̧cui̧pi̧nö̧do.

Hechos 19:16

Ja̧'hua̧nö̧ ädätomenä, espíritu su̧ro̧pa̧rö̧ ku̧nä̧rö̧mä̧ jahuätörö tö'inödo. Rö̧ȩnä̧ ujuru u̧ju̧nä̧ra̧'a̧ttö̧, jahuätörö juruhuinö. Jahuätörö rö̧ȩnä̧ cuäcuäomenä, ttö̧'ca̧tä̧huä̧ti̧yu̧ jui'ö jopö rä'opächinätödo isodettö.

Hechos 19:18

Ja̧'hua̧ta̧nö̧ recuätö Jesucristorö esetätömä ichö, suronä jȩtti̧nö̧ ji'ähuinätödo.

Hechos 2:43

Jesús hue'ähuotö rö̧ȩnä̧ ttö̧ja̧ ttieru juäi jȩpi̧nä̧tö̧do. O'ca toi'önä ja̧u̧ juäi jȩtta̧'a̧ tottocö jä̧'i̧jö̧ topinätödo Jesús hue'ähuotö jȩtta̧'a̧mä̧.

Hechos 5:11

Ja̧'hua̧nö̧ ja̧'a̧ o'ca toi'önä Jesucristorö esetätömä, korotö'inä ja̧u̧ 'cuäopäji huȩnȩ ä̧ju̧cu̧, juiyo ye'ecuinätödo.

Hechos 5:13

Korotö ye'ecu ca̧ca̧cuo̧co̧tö̧ pi̧nä̧tö̧do jahuätöcu. Ja̧'hua̧nö̧ ja̧'a̧nä̧ korotö Jerusalén ötahuiyänä ka̧cui̧nä̧tö̧mä̧ adiu ucuocuinätödo jahuätörö.

Hechos 5:5

Ananías ja̧'hua̧nö̧ ä̧ju̧cu̧, 'corupä'i'ö rȩjȩ ma̧'i̧nö̧do. O'ca toi'önä Ananías 'corupäi'äja'a jittähua'a ä̧ju̧cu̧ ye'inätödo.

Filipenses 1:20

Ttömä yoröiso dä'ä juiyönä chö̧ja̧ pä'ösä. Jitämä suronä 'cuädopa'anä, 'cuäopönä yecuäcuähuä juiyönä jidähua pä'ösä Cristo i̧huȩnȩ, jidähuinö ta'anö. Ja̧'hua̧ta̧nö̧ chö̧jö̧ttö̧'i̧nä̧, 'corupädi'öttö'inä, korotömä ttörö topö, Cristorö ttesehuäcuähua pä'ösä.

2 Tesalonicenses 1:12

Ja̧'hua̧nö̧ ucuocuätöjä ucutu Tu̧ru̧hua̧ Jesucristo i̧mi̧ cucuotätucua pä'ö. Ucutu ja̧'hua̧nö̧ cucuotätucuomenä, Dios'inä, Tu̧ru̧hua̧ Jesucristo'inä ucuturu ppättäda'attö, korotö ttucuotäcuotö ucuturu'inä.

2 Tesalonicenses 3:1

Tö̧jä̧hua̧tö̧, röji ti̧huȩnȩ pä'ätöjä ucuturu. Diosrö ucuocuätucui ujuturu, Tu̧ru̧hua̧ i̧huȩnȩ pi̧jä̧ pa̧ja̧cu̧nä̧ jurunänö rȩbȩhuä̧cua̧'a̧nö̧. Ja̧'hua̧ta̧nö̧ ucutu cuesetinätucu ta'anö, ucuotönö ttesetäcua'a̧nö̧ ucuocuätucui.