Hechos 19:11 - TÄ̧DO Ä̧CUÄ̧ I̧HUȨNȨ

¹¹ Diosmä ttö̧ja̧ ttieru juäi Pablo u̧mö̧nä̧ jȩpi̧nö̧do.

Nuevo Testamento Uwotjüja

¹¹ Dio-mä̧ rü̧ȩnä̧ jȩtto̧kü̧ juei'i̧nä̧ jȩpi̧nü̧ Pauru-nä̧mä̧,

Hechos 19:11 ပူးပေါင်းရင်းမြစ်များ

San Juan 14:12

Iso päi'önä pä'ösä ucuturu, ttörö esetömä, ttö jȩchö̧'a̧nö̧ jȩä̧cua̧. Ja̧'hua̧ta̧nö̧ ttö Chä'o ö̧ja̧'a̧ chi̧'cha̧'a̧ttö̧, ttö jȩchö̧ttö̧'i̧nä̧ abonänö adihuä juäi jȩä̧cua̧ ttörö esetömä.

Hechos 14:3

Ja̧'hua̧nö̧ ja̧'a̧ttö̧ Pablocu, Bernabécu recuo ka̧cui̧nä̧tö̧do Iconio ötahuiyära̧'a̧. Tu̧ru̧hua̧rö̧ tta̧'cua̧ huȩnä̧rö̧ yettecuoca'a ji'ähuinätödo Tu̧ru̧hua̧ i̧huȩnȩ. Tu̧ru̧hua̧mä̧ ttö̧ja̧rö̧ adiu jȩpö̧ repe'ö pä'ö ji'ähuinätödo. Jittähuäji ta'anö iso päi'önä ja̧'a̧ Tu̧ru̧hua̧ jahuätörö hue'inödo ttö̧ja̧ ttieru juäi jȩtta̧ pä'ö.

Hechos 15:12

Ja̧'hua̧nö̧ ja̧'a̧ o'ca toi'önä 'corunä pȩji̧nä̧tö̧do. Adiu ä̧ju̧cui̧nä̧tö̧do Pablocu, Bernabécu jittähuomenä ttö̧ja̧ ttieru juäi Dios hueinö jahuätö jȩtta̧ pä'ö judíos huocotö ttö̧'quȩtȩttö̧.

Hechos 16:18

Recuo mo̧ro̧ ja̧'hua̧nö̧ jȩpi̧nä̧ju̧. Ja̧'hua̧ ja̧'a̧ Pablo kö'cocö pi̧nö̧ juhua'a yabo huoja pä'ömä. Kärächi'ö topö pä'inö espíritu su̧ro̧pa̧ yajuru kö̧rö̧: —Jesucristo i̧mi̧nä̧ ucuru hue'ösä yajuttu räcuhuopächa pä'ö. Yotäcu jahuäjuttu rä'opächinö.

Hechos 5:12

Jesús hue'ähuotö ttö̧ja̧ ttä'ca jo̧mȩ rö̧ȩnä̧ ttö̧ja̧ ttieru juäi i̧jȩpi̧nä̧tö̧do. Jesucristorö esetätömä o'ca toi'önä u̧mi̧ i̧so̧ca̧, Salomón i̧so̧ca̧nä̧, ca̧ca̧cuä̧ri̧nä̧tö̧do.

Hechos 8:13

Simón'inä Jesucristorö esetinödo. Bautizado pä'i'äji'ca̧, Felipecu cue'ächinödo. Felipe ttö̧ja̧ ttieru juäi Dios u̧ju̧ru̧nä̧ jȩo̧mȩnä̧, Simón tocö jä̧'i̧jö̧ topinödo.

Gálatas 3:5

Dios ucuturu Espíritu Santorö'inä iyomenä, ucutu cu̧'quȩtȩtu̧cu̧nä̧ ttö̧ja̧ ttieru juäi'inä jȩo̧mȩnä̧, ¿dä̧bö̧ jȩa̧'a̧jä̧ttö̧ Dios ja̧u̧mä̧? Hueähuä huȩnȩ jȩcu̧'i̧yä̧tu̧cuä̧cu̧mä̧ jȩpo̧cö̧ ja̧u̧mä̧. Ja̧u̧mä̧ ja̧'hua̧nö̧ jȩpö̧ ucutu ujuturu ä̧ju̧cu̧ cuesetiniyätucuäcu.

Hebreos 2:4

Ja̧'hua̧ta̧nö̧ Dios adihuä juäi, ttö̧ja̧ ttieru juäi, jȩpi̧nö̧, topö tu̧huo̧jua̧ pä'ö. Espíritu Santo'inä chutä iyömä, Diosrö pä̧huä̧ rö̧jo̧mȩnä̧ iyinö ujuturu, jȩta̧ pä'ö.