Hechos 18:24 - TÄ̧DO Ä̧CUÄ̧ I̧HUȨNȨ

²⁴ Ja̧'hua̧nö̧ ja̧'a̧ ya̧tȩ judíos ttö̧ja̧ i̧sa̧ Apolos pä'ö mi̧cua̧ Efeso ötahuiyära̧'a̧ ichinödo. Apolosmä Alejandría ötahuiyättö uhuäpächinödo. Ja̧u̧ huo̧juȩcu̧nä̧ ucuocuinödo. Dios i̧huȩnȩ rö̧ȩnä̧ huo̧jui̧nö̧do.

Nuevo Testamento Uwotjüja

²⁴ Ja̧'wa̧nü̧ ja̧'a̧, ya̧tȩ judío i̧sa̧ Aporo pä'ü mi̧kua̧, Alejandría ütawiyä i̧sa̧ Éfeso ütawiyänä̧ rȩbȩwi̧nü̧, ukuokuäkuäwä wo̧jua̧ ja̧'wa̧ta̧nü̧ Wȩyu̧kuä̧ Wȩnȩ'i̧nä̧ rü̧ȩnä̧ adiu wo̧jua̧.

Hechos 18:24 ပူးပေါင်းရင်းမြစ်များ

San Mateo 13:52

Ja̧'hua̧ ja̧'a̧ jahuätörö pä'inödo: —Ya̧tȩ huo̧juȩcuä̧ i̧sa̧ Dios Ttu̧ru̧hua̧ päi'önä ö̧jä̧cuȩ huȩnȩ adiu u̧huo̧jui̧'o̧mȩnä̧, ja̧u̧ ka̧ra̧ ru̧hua̧ öärettö koro juäi jareö'inä, täbo jähuä'inä ȩmö̧ jä̧'i̧nö̧'a̧nö̧ hua̧, —pä'inödo Jesús.

San Lucas 24:19

Ja̧'hua̧nö̧ päomenä, chutä pä'inödo jahuätörö: —¿Däje juäi 'cuäopäja'acuättö? Jahuätö ädätinätödo: —Jesús, Nazaret i̧sa̧rö̧, 'cuäopäji ucuocuätöjä. Ja̧u̧ Dios i̧huȩnȩ jiähuinö'inä, jȩi̧nö̧'i̧nä̧ juruhuinö Dios ä'ca jo̧mȩttö̧'i̧nä̧, ttö̧ja̧ ttä'ca jo̧mȩttö̧'i̧nä̧.

Hechos 18:19

Efeso ötahuiyära̧'a̧ 'chä̧hui̧'ö, Pablomä Priscilarö, Aquilarö ku̧ni̧pi̧nö̧do. Judíos ttu̧huo̧jui̧'i̧nodenä do'ächi'ö Dios i̧huȩnȩ rä'epö ucuocuinödo judíos ttö̧ja̧rö̧.

Hechos 18:21

I̧u̧ kä̧nö̧ pä'inödo: —Jerusalén ötahuiyära̧'a̧ chi̧'cha̧ pä'ösä fiesta jȩttö̧ mo̧ro̧ juhua'attö 'cuädopa pä'ö. Pä'äji ta'anö ppa̧dä̧chä̧cua̧sä̧ ucuturu topö Diosrö pä̧huä̧ rö̧jo̧mȩnä̧. Ja̧'hua̧nö̧ ja̧'a̧ Efeso ötahuiyättö huoi'canä 'chi̧nö̧do.

Hechos 18:28

O'ca toi'önä ttä'ca jo̧mȩttö̧ judíos ttö̧ja̧rö̧ juruhuächi'ö ji'ähuinödo. Dios huea päinäcu Jesúsmä ja̧u̧tä̧ ja̧'a̧ ttu̧huo̧jua̧ pä'ö Dios i̧huȩnȩttö̧ rä'epö ji'ähuinödo.

Hechos 19:1

Apolos Corinto ötahuiyänä ö̧jo̧mȩnä̧, Pablo juhuorö de'anä 'chi̧nö̧do Efeso ötahuiyära̧'a̧ i̧'chi̧'a̧'a̧ jubö päi'önä. Juhua'attö yotöcunä Jesucristorö esetätörö po̧cui̧pi̧nö̧do.

Hechos 27:6

Juhuorö koro'ca huoi'ca Alejandría ötahuiyättö ichinä'ca Italia rȩjȩra̧'a̧ ihuä'ca po̧cui̧pö̧, jahuä'canä tö̧'ä̧mä̧da̧ pä'ö hue'inö su̧ro̧da̧u̧ ttu̧ru̧hua̧.

Hechos 6:9

Ja̧'hua̧nö̧ ja̧'a̧nä̧ korotö judíos ttu̧huo̧jui̧'i̧nodettö, juhuode i̧mi̧ Libertados pättinodettö ichi'ö, ra̧huä̧rö̧ pä'ähuinätödo Estebanrö. Jahuätö Cirene ötahuiyättö'inä, Alejandría ötahuiyättö'inä, Celicia rȩjȩttö̧'i̧nä̧, Asia rȩjȩttö̧'i̧nä̧ ichinätödo.

Hechos 7:22

Ja̧'hua̧nö̧ ja̧'a̧ Egipto ttö̧ja̧ ttu̧huo̧jui̧'i̧nö̧ o'ca juiyönä huo̧juȩti̧nä̧tö̧do Moisésrö. Rö̧ȩnä̧ huo̧jui̧nö̧do ucuocu'inä, jȩö̧'i̧nä̧.

1 Corintios 1:12

Ja̧'hua̧nö̧ pädomenä, ucututtu yotöcunä koromenä ji'ähuätöjä pä'ösä. Korotö pä'ätö: “Ttötäsä Pablo i̧sa̧mä̧.” Korotö pä'ätö: “Ttötäsä Apolos i̧sa̧mä̧.” Korotö pä'ätö: “Ttötäsä Pedro i̧sa̧mä̧.” Korotö pä'ätö: “Ttötäsä Cristo i̧sa̧mä̧.”

1 Corintios 16:12

Ja̧'hua̧ta̧nö̧ tö̧jä̧hua̧ Apolosrö rö̧ȩnä̧ ucuocuinösä, korotö tö̧jä̧hua̧tö̧cu̧ i̧'cha̧ pä'ö ucuturu topö. Ja̧'hua̧nö̧ ja̧'a̧nä̧ i̧'cha̧ pä'ocö pi̧nö̧do jitätämä. Koronö mo̧ro̧ päi'omenä i̧'chä̧cua̧do.

1 Corintios 4:6

Chö̧jä̧hua̧tö̧, pi̧yȩ Apolosrö'inä, ttörö'inä ji'äusä ucuturu, adiu cu̧huo̧jui̧'ä̧tu̧cuä̧cua̧'a̧nö̧. Iso päi'önä huȩyu̧cuä̧ huȩnȩ päö ta'anö jȩpä̧tu̧cui̧. Ya̧tȩ Dios i̧huȩnȩ ji'äuru cujö'cätucuoca'anä, ka̧ra̧rö̧tä̧ repe'ä̧rö̧ cuamöcuädätucuä'.

2 Corintios 10:10

Korotö pä'ätö ttörö: “Chutä cuyäru i̧huȩyu̧to̧mȩnä̧, pä̧i̧cu̧nä̧ jiähua'a cuyärunä. Juhuorö'inä chutä ö̧jo̧mȩnä̧, yoröiso ya̧tȩ jui̧yu̧pa̧ ö̧jö̧'a̧nö̧ kö̧. I̧huȩnȩ'i̧nä̧ adiunä ucuocuocö,” pä'ätö korotömä.

Colosenses 3:16

Ja̧'hua̧ta̧nö̧ Cristo i̧huȩnȩ cuami iso'quitucunä suhuädi'önä ka̧cuä̧tu̧cui̧. Ja̧u̧ huo̧jui̧cuä̧nä̧ huo̧juȩtö̧ ppä'ädätucui korotörö. Diosrö chutä adihuä i̧huȩnȩ ra̧huä̧huä̧, cuami iso'quitucunä eseunu ra̧'ä̧tu̧cui̧.

Tito 3:13

Ja̧'hua̧ta̧nö̧ Apolos pä'ö mi̧cua̧rö̧'i̧nä̧, pi̧jä̧ jähuä hueähuä huȩnȩ huo̧jua̧rö̧ Zenas pä'ö mi̧cua̧rö̧'i̧nä̧ tti̧'cho̧mȩnä̧, jahuätörö recuä rö̧jö̧mä̧ iyö ppä'ädi.