Hechos 18:15 - TÄ̧DO Ä̧CUÄ̧ I̧HUȨNȨ

¹⁵ Ja̧'hua̧nö̧ ja̧'a̧ ucuocuäcuähuä'inä, ucuturutä hueähuä huȩnȩ'i̧nä̧ ucuocu, ucututä amöcuädö ucuocuätucui. Ttömä hue'ocösä, —pä'inödo ru̧hua̧.

Nuevo Testamento Uwotjüja

¹⁵ Ja̧'wa̧nü̧ ja̧'a̧nä̧, ukututä kukuokuätuku jäwä, i̧mi̧pi̧yä̧ jäwä ja̧'wa̧ta̧nü̧ weäwä wȩnȩ jäwä jü̧ttü̧mä̧, ukututä topätukui; Ttümä̧ jua̧u̧ jäwämä̧ weda pä'ümä̧ jui̧'a̧sä̧.

Hechos 18:15 ပူးပေါင်းရင်းမြစ်များ

San Mateo 27:24

Ru̧hua̧ Pilato amöcuädäji ta'anö jȩtto̧ca̧'a̧, ttö̧ja̧ ji̧nä̧ isocu huotta'a topinödo. Ajiya sä̧rä̧bä̧nä̧ tti'cächa pä'ö hue'inödo. Ttö̧ja̧ ttä'ca jo̧mȩttö̧ u̧mö̧ töcähuinödo. Ja̧'hua̧nö̧ jȩpö̧ pä'inödo: —Ttömä ja̧u̧ru̧ cuä'ö cuicuätucuamä hue'ocösä. Ucututä cuamönä cuä'ö icuätöjä.

San Mateo 27:4

Jahuätörö pä'inödo: —Ttömä suronä jȩpä̧ji̧sä̧ adihuä i̧sa̧rö̧, yoröiso suronä jȩpo̧cö̧rö̧, ucuturu chiyomenä. Ja̧'hua̧nö̧ päomenä, ädätinätödo: —Ja̧u̧mä̧ ¿tta̧'a̧nö̧ pätäcua'ajä̧ttö̧ ujutumä? Ja̧u̧mä̧ ucutä jȩpä̧ji̧jä̧.

San Juan 18:31

Ja̧'hua̧ ja̧'a̧ttö̧ Pilato pä'inödo jahuätörö: —Ucututä ȩpä̧tu̧cui̧rö̧, ucutu hueähuä huȩnȩ päö'a̧nö̧ cu̧tä̧bo̧tä̧tu̧cua̧rö̧ pä'ö. Ja̧'hua̧nö̧ päomenä, judíos ttö̧ja̧ ädätinätödo: —Ujutumä judíos ttö̧ja̧mä̧ ka̧ra̧rö̧ cuä'ö tticua pä'ö yoröiso hue'ocotöjä.

Hechos 18:13

Ru̧hua̧rö̧ pä'inätödo: —Pidemä ttö̧ja̧rö̧ ji'äu Diosrö ttamöcuäda pä'ö hueähuä huȩnȩ hueöttö'inä i̧mi̧cu̧nä̧.

Hechos 23:29

Jahuätö ttucuocuomenä, jitötä ttamönä hueähuä huȩnȩ jȩä̧cuä̧huä̧ ucuocuäjätö. Ja̧'hua̧nö̧ ja̧'a̧ttö̧ huo̧juä̧ji̧sä̧ suronä jȩo̧ca̧'a̧ ji̧na̧'a̧ cuä'ö tticuarö pä'ömä, cärenä ttötarö pä'ömä.

Hechos 25:11

Ttö suronä jȩchi̧nö̧ttö̧mä̧, cuä'ö tticuattö pä'ömä, huäinä cuä'ö tti̧cuä̧cua̧sä̧. Ja̧'hua̧nö̧ ja̧'a̧nä̧'i̧nä̧ amönä huȩnȩtö̧ ttucuocuttumä, ya̧tȩ'i̧nä̧ ttörö iyö juiyö'a̧nö̧ ja̧'a̧ jahuätörö. Romanos ttö̧ja̧ ttu̧ru̧hua̧tä̧ ttörö ä̧ju̧cua̧ pä'ö jä'epösä, —ädätinödo Pablo.

Hechos 25:19

Jahuätö ttä̧do̧ ä̧cua̧rö̧ ttesetömä pä'äu ucuocuinätö. Ja̧'hua̧ta̧nö̧ ya̧tȩ 'corupä'i'inö Jesús pä'ö mi̧cua̧ jȩi̧nö̧mä̧ ucuocuinätö. Pablo pä'ö: “Ja̧u̧tä̧ Jesús pä'äji ta'anö tto'ächinö'ca̧ kö̧.”

Hechos 26:3

Ucu adiu huo̧jua̧jä̧ ujutu judíos ttö̧ja̧ tö̧jö̧'i̧nä̧, pätäu'inä. Ja̧'hua̧nö̧ ja̧'a̧ttö̧ chucuocua'a cua̧'cua̧ pö̧nö̧ cuä̧ju̧cua̧ pä'ösä.

1 Timoteo 1:4

Huo̧juȩti̧tö̧ täbo huȩnȩ, ttä̧do̧tö̧ mi̧nä̧ ttö̧ja̧cui̧nö̧ huȩnȩ, beipächocö huȩnȩ, ttucuocu juiyäcua'a̧nö̧. Ja̧u̧ huȩnȩ ucuocu yoröiso micuähuocö. Ja̧u̧ huȩnȩ ucuocu Diosrö pä̧huä̧ rö̧jö̧mä̧ ucuocuäcuähuocö. Diosrö esetötä churutä pä̧huä̧ rö̧jo̧mȩnä̧tä̧ ucuocuäcuähuä.

2 Timoteo 2:23

Ja̧'hua̧ta̧nö̧ amönä huȩnȩ ttucuocuomenä, cucuocuä'. Täcö huo̧jua̧jä̧, ja̧'hua̧nö̧ ttucuocuomenä, ttahuaruhuärö ra̧huä̧rä̧tö̧.

Tito 3:9

Ja̧'hua̧nö̧ ja̧'a̧nä̧ ttö̧ja̧ amönä ttucuocu huȩnȩ'i̧nä̧, tä̧do̧tö̧ mi̧nä̧ ttö̧ji̧nö̧ ttucuocu huȩnȩ'i̧nä̧ cucuocuä'. Ja̧'hua̧ta̧nö̧ ttahuaruhuärö ra̧huä̧rö̧ ttucuocu huȩnȩ'i̧nä̧, Moisés hueähuä huȩnȩ ttucuocu huȩnȩ'i̧nä̧ cucuocuä' Tito. Ja̧u̧mä̧ yoröiso micuähuocö huȩnȩ ja̧'a̧.