Hechos 17:5 - TÄ̧DO Ä̧CUÄ̧ I̧HUȨNȨ

⁵ Ja̧'hua̧nö̧ ja̧'a̧nä̧ korotö judíos ttöja̧ esetocotö pi̧nä̧tö̧do. Jahuätö ra̧huä̧rö̧ a'cuoyähuinätödo. Ttaditoca'ara̧'a̧ suronä jȩpö̧ cue'ächö ka̧cuä̧tö̧rö̧ ca̧ca̧ti̧nä̧tö̧do ra̧huä̧rö̧ huotta pä'ö. Judíos ttö̧ja̧'i̧nä̧, korotö recuätö'inä Pablorö, Silasrö Jasón ojusodettö usinätödo. Pablorö, Silasrö isode jacuättö 'chu'ädö rä'epö tticua pä'inätödo, ttö̧ja̧rö̧ ttiya pä'ö.

Nuevo Testamento Uwotjüja

⁵ Ja̧'wa̧nü̧ ja̧'a̧nä̧, kkorotü judío esetokotümä̧ juätürü ä'kuoyäu ra̧wä̧rü̧, ttaditäwä jui'ätürü'i̧nä̧, ttü̧ja̧ suropätürü'i̧nä̧ ka̧ka̧ti̧nä̧tü̧ ütawiyä ttü̧ja̧rü̧ ttü̧ra̧wä̧ri̧pü̧nä̧ jȩtta̧ pä'ü; ja̧'wa̧nü̧ jȩpü̧ Jasó̧ ojusodettü Pauru'i̧nä̧, Sira-rü'i̧nä̧ ttü̧ja̧ ttä'ka jo̧mȩku̧ rä'epü ttikuatü pä'ü jȩpi̧nä̧tü̧.

Hechos 17:5 ပူးပေါင်းရင်းမြစ်များ

San Mateo 27:18

Ja̧u̧ ru̧hua̧mä̧ huo̧jui̧nö̧do Jesúsru ra̧huä̧rö̧ ttiyina'a, chutä suronä jȩo̧ca̧'a̧nä̧.

Hechos 13:45

Judíos ttö̧ja̧ topinätödo Pablocu ttö̧ja̧ recuätö tti̧'cha̧'a̧. Ja̧'hua̧nö̧ ja̧'a̧ttö̧ ra̧huä̧rö̧ a'cuoyähuinätödo Pablorö. —Pablo yapareu ucuocu. Suronä jȩpö̧, —pä'inätödo.

Hechos 14:19

Ja̧'hua̧ ja̧'a̧ korotö judíos ttö̧ja̧ Antioquía ötahuiyättö, Iconio ötahuiyättö'inä ichö rö̧ȩnä̧ ucuocuinätödo ttö̧ja̧rö̧. Jahuätö jittäu huȩnȩ amöcuädö esetinätödo Listra ötahuiyä ttö̧ja̧mä̧. Ja̧'hua̧nö̧ ja̧'a̧ inädu icuähuinätödo Pablorö. Täcö 'corupä'i'äji amöcuädö, ötahuiyä jäyäcu dottinäcudo.

Hechos 14:2

Ja̧'hua̧nö̧ ja̧'a̧nä̧ judíos ttö̧ja̧ Jesucristorö esetocotömä ucuocuinätödo judíos huocotörö, suronä ttamöcuäda pä'ö Jesucristorö esetätörö.

Hechos 17:13

Ja̧'hua̧nö̧ ja̧'a̧ judíos ttö̧ja̧ Tesalónica ötahuiyänä ka̧cuä̧tö̧mä̧ Pablomä Dios i̧huȩnȩ Berea ötahuiyättö ji'äudo jittähua'a ttä̧ju̧cuo̧mȩnä̧, juhua'atä 'chä̧nö̧ ttö̧ja̧rö̧ ucuocuinätödo suronä jȩtta̧ pä'ö Pablorö.

Hechos 17:6

Jahuätörö ttö̧'o̧cui̧'o̧ca̧'a̧ jo̧mȩnä̧, Jasónrö'inä, korotö Jesucristorö esetätörö'inä 'chu'ädi'ö do'inätödo ötahuiyä ruhuotö ttä'ca jo̧mȩ. Huopinätödo: —Pitö o'ca toi'önärö ji'äu cue'ächätö ujutu tötahuiyänä'inä ichäjätö jitämä.

Hechos 17:7

Pitömä Jasón ojusodenä ttä'ecua pä'ö oipinä̧u̧. Jahuätö romanos ttö̧ja̧ ji̧nä̧ iso ruhuotö ttu̧ru̧hua̧ hueö ta'anö jȩpo̧co̧tö̧. Jahuätö pä'ätö ka̧ra̧'i̧nä̧ ru̧hua̧ kö̧do, Jesús pä'ö mi̧cua̧.

Hechos 17:9

Ötahuiyä ruhuotö Jasónttö'inä, korotöttö'inä pärätä ȩmä̧jä̧'co̧tö̧, ejädö rä'epö ttu̧ju̧ni̧nä̧u̧do.

Hechos 18:12

Pablo juhua'a ö̧jo̧mȩnä̧, Galiónmä Acaya rȩjȩttö̧ ru̧hua̧ ö̧jo̧mȩnä̧, judíos ttö̧ja̧ Pablorö suronä jȩtta̧ pä'ö ca̧ca̧cui̧pö̧ 'chu'ädö ttȩpi̧nä̧cu̧do ru̧hua̧ ä'ca jo̧mȩttö̧.

Hechos 19:40

Jȩtä̧ji̧mä̧ ra̧huȩpi̧ja̧'a̧. “Huocu'äcuähuäjätucumä suroja'a” ruhuotö pättöttömä, ¿tta̧'a̧nö̧ tädätäcua'ajä̧ttö̧? —pä'inödo ru̧hua̧ ippeyä ru̧hua̧.

Hechos 7:9

“Jacob i̧tti̧mö̧ ttö̧jä̧hua̧ Josérö kö'cocotö pi̧nä̧tö̧do. Ja̧'hua̧ ja̧'a̧ Josérö iyö icuinätödo korotörö, Egipto rȩjȩra̧'a̧ ttȩpa̧ pä'ö. Juhuorö Josérö suronä 'cuäopomenä, Diosmä ja̧u̧ru̧ ppä'ädinödo surojöttö ö̧ji̧pa̧ pä'ö. Ja̧'hua̧ta̧nö̧ Dios iyinödo Josérö huo̧ju̧nä̧ amöcuädö jȩa̧ pä'ö, José adihuä i̧sa̧ ja̧'a̧ toa pä'ö Egipto rȩjȩ ru̧hua̧ Faraón. Ru̧hua̧ Faraón Josérö hue'inödo Egipto rȩjȩ o'ca juiyönä ru̧hua̧ ö̧ja̧ pä'ö, ojusode'inä tta̧huä̧ra̧ pä'ö.

Romanos 16:21

Ttöcu ppä'ädömä Timoteo, ucuturu te'äu. Ja̧'hua̧ta̧nö̧ ttötä chahuaruhuä isotö Lucio'inä, Jasón'inä, Sosípater'inä ucuturu te'ähuätö.

1 Corintios 3:3

Ucutumä ji̧nä̧ cuamönätucu jähuätä amöcuädätöjä. Ucutumä jȩcu̧'ä̧tu̧cu̧tä̧ jȩcu̧'ä̧tu̧cuo̧mȩnä̧, i̧mi̧cu̧nä̧ amöcuädö, rohuähuä'chö, ji̧nä̧ yo̧mȩtȩ cuamöcuädätucuoca'a, korotö ttö̧ja̧ jȩttö̧'a̧nö̧ jȩpä̧tö̧jä̧.

2 Corintios 11:26

Rö̧ȩnä̧ cue'ächinösä. Ja̧'hua̧ta̧nö̧ aje ra̧huȩpi̧jotonä cue'ächinösä. Na̧u̧cuä̧rä̧tö̧ ttö̧'quȩtȩnä̧'i̧nä̧, judíos ttö̧ja̧ ttö̧'quȩtȩnä̧'i̧nä̧, korotö ttö̧ja̧ ttö̧'quȩtȩnä̧'i̧nä̧ ra̧huȩpi̧jö̧nä̧ cue'ächinösä. Ja̧'hua̧ta̧nö̧ ötahuiyänä'inä, de'anä'inä, aje rö̧otonä'inä ra̧huȩpi̧jö̧nä̧ cue'ächinösä. Korotö tö̧jä̧hua̧tö̧ pättä̧u̧, yapareu ucuocuätö ttö̧'quȩtȩnä̧'i̧nä̧ ra̧huȩpi̧jö̧nä̧ cue'ächinösä.

Gálatas 5:21

Korotö ttu̧ju̧nä̧rö̧'a̧nö̧ ttu̧ju̧nä̧ra̧ pä'ätö. Korotörö cuä'ö icuätö. Fiesta jȩpö̧ rö̧ȩnä̧ tä̧'ä̧mä̧tö̧. Koro ja̧'hua̧ta̧nö̧ jö̧'i̧nä̧ jȩpä̧tö̧. Ucuturu ji'äusä ä'coji jidähuinö ta'anö, ja̧'hua̧nö̧ jȩpä̧tö̧mä̧ Dios ö̧jo̧mȩ rȩbȩhuo̧co̧tö̧.

Gálatas 5:26

Adihuä isotöjä pätäu juiyö'a̧nö̧ ja̧'a̧, korotö ttö̧ra̧huä̧rö̧ juiyatö pä'ö. Ujutu tö̧'quȩtȩttö̧mä̧ korotö ttu̧ju̧nä̧rö̧'a̧nö̧ tu̧ju̧nä̧ra̧ pätö juiyö'a̧nö̧ ja̧'a̧.

1 Tesalonicenses 1:6

Ujutu jȩti̧nö̧'i̧nä̧, Tu̧ru̧hua̧ jȩi̧nö̧'i̧nä̧, adihuä huȩnȩ'i̧nä̧ esetö jȩpi̧nä̧tö̧jä̧ ucutumä. Ja̧'hua̧nö̧ jȩcu̧'ä̧tu̧cuo̧mȩnä̧, rö̧ȩnä̧ ubara ttu'u, Espíritu Santorö eseu, jȩpi̧nä̧tö̧jä̧.

Santiago 4:5

Amönä huȩnȩcö̧ Dios i̧huȩnȩ päömä: Espíritu Santomä, Dios ujutucu ö̧ja̧ pä'ö hueinäcumä, ujuturu a'cuoyäunu repe'ö tta̧'ä̧rö̧.