Hechos 17:25 - TÄ̧DO Ä̧CUÄ̧ I̧HUȨNȨ

²⁵ Ja̧u̧mä̧ ttö̧ja̧ aditö ttiyarö pä'ö recuä rö̧jo̧co̧cu̧. Ja̧u̧tä̧ o'ca toi'önärö ttö̧jö̧'i̧nä̧, ttami yuppa'inä, o'ca juiyönä iyö.

Nuevo Testamento Uwotjüja

²⁵ Ja̧'wa̧ta̧nü̧ ttu̧mü̧nä̧ aditü ttiyarü pä'ü'i̧nä̧ rekuä rü̧jo̧ko̧ku̧, jua̧u̧mä̧ o'katoi'ünä̧rü̧ tta̧'kua̧rü̧'i̧nä̧, juättoppa'i̧nä̧, rekuä rü̧jü̧'i̧nä̧ iyü ja̧'a̧ttü̧.

Hechos 17:25 ပူးပေါင်းရင်းမြစ်များ

San Mateo 5:45

Ja̧'hua̧nö̧ jȩcu̧'ä̧tu̧cu̧ttu̧mä̧, Cuä'o mo̧ro̧jä̧ra̧'a̧ kö̧rö̧ i̧tti̧mö̧ päcuhui'äcuotöjä. Chutä mo̧ro̧ kä̧hua̧ räopa pä'ö hue'ö adiu jȩpä̧tö̧rö̧'i̧nä̧, suronä jȩpä̧tö̧rö̧'i̧nä̧. Ja̧'hua̧ta̧nö̧ adiu jȩpä̧tö̧rö̧'i̧nä̧, suronä jȩpä̧tö̧rö̧'i̧nä̧ ajiya icha pä'ö hue'ödo.

San Mateo 9:13

Huȩyu̧cuä̧ Huȩnȩ päö ta'anö huo̧jui̧pö̧ tätucui. Ja̧u̧ huȩnȩ päa'a: “Koro juäi isotö ttucuoja sacrificios jȩcu̧'ä̧tu̧cua̧ pä'ocösä. Korotörötä re rö̧jö̧nä̧ tocu'ätucua pä'ösä.” Ttömä adiu jȩpä̧tö̧rö̧ huopö ichocö pi̧nö̧sä̧. Suronä jȩpä̧tö̧rö̧tä̧ huopö ichinösä, pärocuäcutä ttamöcuäda pä'ö, —pä'inödo Jesús.

Hechos 14:17

Ja̧'hua̧nö̧ ja̧'a̧nä̧'i̧nä̧ chutä adihuä i̧sa̧ päi'önä kö̧ tu̧huo̧jua̧ pä'ö, 'cuäopönä ttö̧ja̧rö̧ adiu jȩpö̧ kö̧. Mo̧ro̧jä̧ttö̧ hue'ö ajiya icha pä'ö. Pi̧jä̧ttö̧'i̧nä̧ hue'ö cuähuä adiu huȩja̧ pä'ö. Ja̧'hua̧nö̧ tu̧cuȩ iya'attö eseunu ka̧cuä̧tö̧jä̧, —pä'inätödo Jesús hue'ähuotö.

Hechos 17:28

Ja̧u̧tä̧ tujuru iyö tö̧ja̧cua̧ pä'ö, cuetächa pä'ö. Ucututtu ya̧cu̧nä̧ huȩyu̧ti̧nä̧tö̧do: “Ujutu o'ca toi'önä ja̧u̧tä̧ i̧tti̧mö̧jä̧.”

Romanos 11:35

¿Dijä̧ttö̧ Tu̧ru̧hua̧ imitarö pä'o ä'canä iyömä?”

1 Timoteo 6:17

Ji'ähui järe ruhuotörö, pi̧jä̧nä̧ ka̧cuä̧tö̧rö̧, usurä isotörö, suronä huottäcuäu juiyäcua'a̧nö̧. Ja̧'hua̧ta̧nö̧ ji'ähuitö ttöärenätä tta̧'cua̧ ttu̧huȩnä̧rö̧ juiyäcua'a̧nö̧. Ttöäremä yoröiso 'quiyocö. Pärocua'acu Dios kö̧rö̧, o'ca juiyönä tu̧ju̧nä̧ra̧ pä'ö repeähuä juiyönä iyörö, tta̧'cua̧ ttu̧huȩnä̧ra̧ ji'ähuitö.