Hechos 17:20 - TÄ̧DO Ä̧CUÄ̧ I̧HUȨNȨ

²⁰ Ujuturu ji'äujä tä̧ju̧cuo̧cö̧ ji̧nö̧ juäi. Tu̧huo̧jua̧ pä'ätöjä pi̧yȩ o'ca juiyönä tta̧'a̧nö̧ pä'ö pähuä ja̧ pä'ö.

Nuevo Testamento Uwotjüja

²⁰ Tä̧ju̧kuo̧mȩnä̧, tu̧wo̧jui̧pü̧ juiyünä̧ jä̧u̧jä̧. Ja̧'wa̧nü̧ ja̧'a̧ttü̧, däjé pä'ü päwä ja̧ pä'ü, adiu ji'äwitü.

Hechos 17:20 ပူးပေါင်းရင်းမြစ်များ

San Marcos 9:10

Ja̧'hua̧nö̧ ja̧'a̧ttö̧ ja̧u̧ huȩnȩ yoröiso ji'ähuocotö pi̧nä̧tö̧do. Ja̧'hua̧nö̧ ja̧'a̧nä̧ 'corupä'i'ö'cotö ttoächäcuähuä huȩnȩ amöcuädäcuähuä jerupinätödo.

San Juan 6:60

Pi̧yȩ huȩnȩ ä̧ju̧cu̧, recuätö Jesús o'ca'anä cue'ächätö pä'inätödo: —Jitä päjimä tesetö juiyö'a̧nö̧ ja̧'a̧to. ¿Dijä ja̧'hua̧nö̧ jȩä̧cua̧mä̧?

Hechos 10:17

Pedro amöcuädinödo: “¿Däje chamöcuäda pä'ö jiähuättö Diosmä ttu̧'cuo̧ti̧cua̧'a̧ jä̧'i̧nö̧'a̧nö̧ tochäjimä?” Ja̧'hua̧nö̧ amöcuäda'anä, u̧mä̧tö̧ Cornelio huȩä̧u̧mä̧ äpate ä'ca ka̧cui̧nä̧tö̧do. Jahuätö jä'epö ä̧ju̧cu̧ ichi'ö 'chä̧hui̧'i̧nä̧tö̧do.

Hechos 17:19

Ja̧'hua̧nö̧ ja̧'a̧ Pablorö Areópago pä'ö micuome ca̧ca̧cui̧pä̧jä̧tö̧ ttä'ca jo̧mȩ o'ipinätödo. Ju̧huȩnȩ kä̧nö̧ pä'inätödo: —Tu̧huo̧jua̧ pä'ö tä̧ju̧cua̧ pä'ätöjä pi̧yȩ jareö huȩnȩ cu̧huo̧juȩtö̧mä̧.

Hechos 17:21

Atenas ötahuiyä ttö̧ja̧'i̧nä̧, kara'attö Atenasra̧'a̧ ichinätö'inä koro juäi jȩpo̧co̧tö̧ pi̧nä̧tö̧do. Ji̧yȩä̧cuȩtä̧ korotörö jareö huȩnȩ ji'äu, korotöttö jareö huȩnȩ ä̧ju̧cu̧ ka̧cui̧nä̧tö̧do.

Hechos 2:12

Ja̧'hua̧ ja̧'a̧ o'ca toi'önä ttä̧ju̧cuo̧cö̧ jä̧'i̧jö̧ ä̧ju̧cu̧, to̧pä̧rö̧ ka̧cu̧ jä'epinätödo: —¿Tta̧'a̧nö̧ pä'ö ttucuocua'attö?

1 Corintios 1:18

Cristo dau isodänä 'corupäi'inö huȩnȩ ttu̧'ȩpä̧ro̧co̧tö̧ ttucuocua'a jä̧'i̧nö̧'a̧nö̧, ucuocuätö Diosrö esetocotömä. Pi̧yȩmä̧ ujutumä, Diosrö esetätömä, Dios ujuru huȩnȩ pä'ätöjä.

1 Corintios 1:23

Ja̧'hua̧nö̧ ja̧'a̧nä̧ ujutumä ji'ähuätöjä Cristo i̧huȩnȩ, dau isodänä kä̧nö̧ 'corupäi'inö huȩnȩ. Judíos ttö̧ja̧ pi̧yȩ huȩnȩ dä'äcunu ä̧ju̧cuä̧tö̧. Judíos huocotömä, griegos ttö̧ja̧mä̧, pi̧yȩ huȩnȩmä̧ ttu̧'ȩpä̧ro̧co̧tö̧ ttucuocua'a jä̧'i̧nö̧'a̧nö̧ jö̧ huȩnȩ pä'ö amöcuädätö.

1 Corintios 2:14

Ka̧ra̧mä̧ Espíritu Santorö ku̧nä̧ro̧cö̧mä̧, yoröiso pä̧huä̧ jui̧'a̧ ja̧u̧ huȩnȩ, Espíritu Santo i̧huȩnȩ. Ja̧u̧mä̧ ja̧u̧ huȩnȩ ttu̧'ȩpä̧ro̧co̧tö̧ ttucuocu'a̧nö̧ jö̧ huȩnȩ pä'ö amöcuädö. Ja̧'hua̧ta̧nö̧ ja̧u̧ huȩnȩ Espíritu Santo u̧huo̧juȩta̧'a̧ttö̧, yoröiso ä̧ju̧cu̧'i̧nä̧ ä̧ju̧cuo̧cö̧.

Hebreos 5:11

Pi̧yȩ huȩnȩ rö̧ȩnä̧ tucuocu'a̧nö̧ ja̧'a̧ ucuturu. Ja̧'hua̧nö̧ ja̧'a̧nä̧ jiäcuähuänä jeruhua'a, ucutu cuä̧ju̧cuä̧tu̧cuo̧ca̧'a̧ttö̧.

1 Pedro 4:4

Jitämä ucutu ja̧'hua̧nö̧ suronä jȩpä̧tö̧cu̧ cuecuhuächätucuoca'attö, jerupätödo cuesetätucu. Ja̧'hua̧nö̧ ja̧'a̧ttö̧ ucuturu suronä ucuocuätö.