Hechos 17:18 - TÄ̧DO Ä̧CUÄ̧ I̧HUȨNȨ

¹⁸ Korotö epicúreos huotö ttu̧huo̧juȩti̧nö̧ huo̧jui̧pä̧tö̧mä̧, korotö estoicos huotö ttu̧huo̧juȩti̧nö̧ huo̧jui̧pä̧tö̧mä̧ Pablorö ucuocuinätödo. Korotö pä'inätödo: —¿Däje jiähua'ajä̧ttö̧, pide ujuturu rö̧ȩnä̧ ucuocumä? Korotö pä'inätödo: —Korotö ttä̧do̧ ä̧cua̧tö̧ hueähuä huȩnȩ ucuocu a̧'cua̧ra̧'a̧. Ja̧'hua̧nö̧ pä'inätö Jesús i̧huȩnȩ'i̧nä̧, ttoächäcuähuä huȩnȩ'i̧nä̧ Pablo ucuocua'attö.

Nuevo Testamento Uwotjüja

¹⁸ Ja̧'wa̧ta̧nü̧ kkorotü, tta̧'kua̧ adiunä̧ kkä̧kuä̧wä̧tä̧ ji̧nä̧so ji̧yȩtä̧mä̧ pä'ü wo̧juȩtä̧tu̧ku̧'i̧nä̧ ukuoku kkä̧nü̧, kkorotü surojü jȩttü̧ juiya pä'ümä̧ tta̧mü̧nä̧ pa̧ja̧tü̧tä̧ jȩä̧kuä̧wa̧'a̧ pä'ü wo̧juȩtä̧tu̧ku̧'i̧nä̧ ukuokuinü̧. Ja̧'wa̧nü̧ ja̧'a̧nä̧ kkorotü pä'inä̧tü̧: —¿Däjé ukuokuttü̧ chujua, wiräkuäwä i̧sa̧mä̧? Ja̧'wa̧ta̧nü̧ kkorotümä̧ pä'inä̧tü̧: —Kko̧ro̧jä̧ttü̧ ttü̧ä̧nä̧wo̧tü̧rü̧ ji'äu ja̧'a̧, pättinä̧ku̧. Jua'amä̧ jareü wȩnȩ Jesú u̧wo̧juȩti̧nü̧'i̧nä̧ ja̧'wa̧ta̧nü̧ ttoächinü̧'i̧nä̧ jiäwiyä̧u̧.

Hechos 17:18 ပူးပေါင်းရင်းမြစ်များ

San Marcos 9:14

Ja̧u̧nu̧ o'ca'a Jesús korotö u̧huo̧juȩtä̧u̧ ttö̧ja̧cua̧'a̧cu̧ ppa̧'ä̧chi̧nä̧tö̧do. Recuätö ttö̧ja̧'i̧nä̧ ttö̧ja̧cua̧'a̧ topinätödo. Hueähuä huȩnȩ huo̧juȩtä̧tö̧'i̧nä̧ jahuätöcu ucuocuinätödo.

San Lucas 11:53

Jesús ja̧u̧ huȩnȩ ucuocu cädomenä, hueähuä huȩnȩ huo̧juȩtä̧tö̧cu̧, fariseos huotöcu juiyo rö̧ȩnä̧ ra̧huä̧ri̧pi̧nä̧tö̧do ja̧u̧ru̧. Ja̧'hua̧nö̧ ja̧'a̧ Jesúsru rö̧ȩnä̧ jä̧'ȩpä̧rö̧, suronä jȩpi̧nä̧tö̧do.

Hechos 26:23

“Dios huea päinäcu Cristomä cuä'ö tti̧cuä̧cua̧,” päa'a ja̧u̧ huȩnȩmä̧. Ja̧'hua̧ta̧nö̧: “Korotö hua'arettö ttottächäcua'a ä'canä, 'corupä'i'ö'ca̧ tto̧ä̧chä̧cua̧,” päa'a. “Judíos ttö̧ja̧rö̧'i̧nä̧, judíos huocotörö'inä suronä jȩttö̧ jȩpö̧ icuähuä huȩnȩ, tȩa̧u̧ huȩnȩ ji̧ä̧huä̧cua̧,” päa'a ja̧u̧ iso päi'önä huȩnȩmä̧.

Hechos 4:2

Jahuätö ra̧huä̧ri̧nä̧tö̧do Pedrocu, Juancu, ttö̧ja̧rö̧ huo̧juȩtö̧ jittähuomenä. —Jesús 'corupä'i'inö'ca̧ tto'ächinö. Ja̧'hua̧nö̧ ja̧'a̧ttö̧ huo̧juä̧tö̧jä̧ 'corupä'i'ätömä ttottächäcuotö pä'ö, —huo̧juȩtö̧ ji'ähuinätödo.

Hechos 5:42

Mo̧ro̧ji̧nö̧ a̧'u̧cuä̧ Diosrö ucuocuäcuähuodettö'inä, ttö̧ja̧ ttojusodettö'inä cättädi'ö juiyönä huo̧juȩtö̧ ji'ähuinätödo Jesucristo adihuä i̧huȩnȩ.

Hechos 6:9

Ja̧'hua̧nö̧ ja̧'a̧nä̧ korotö judíos ttu̧huo̧jui̧'i̧nodettö, juhuode i̧mi̧ Libertados pättinodettö ichi'ö, ra̧huä̧rö̧ pä'ähuinätödo Estebanrö. Jahuätö Cirene ötahuiyättö'inä, Alejandría ötahuiyättö'inä, Celicia rȩjȩttö̧'i̧nä̧, Asia rȩjȩttö̧'i̧nä̧ ichinätödo.

Romanos 1:22

Ja̧'hua̧ta̧nö̧ huo̧juä̧tö̧jä̧ pätta'anä, yoröiso ttu̧'ȩpä̧ro̧co̧tö̧.

1 Corintios 3:18

Ja̧'hua̧ ji̧yä̧cu̧ yapareu cuamöcuädätucuä' cuamönätucunä. Ucututtu ya̧tȩ pi̧jä̧ttö̧ rö̧ȩnä̧ huo̧jua̧sä̧ pä'ö amöcuädöttömä, ja̧u̧ juäi jaroi'a pä'ö ya̧tȩ jȩru̧pa̧ ta'anö juo'ächö, adihua'a. Ja̧'hua̧nö̧ jȩpö̧ iso päi'önä adihuä juäi huo̧juä̧huä̧ u̧huo̧jui̧'ä̧cua̧'a̧nö̧.

1 Corintios 4:10

Ujutumä Cristorö esetätörö “Yoröiso ttu̧'ȩpä̧ro̧co̧tö̧” pä'ätö. Pärocua'acu ucuturu “Cristo i̧huȩnȩ rö̧ȩnä̧ huo̧juä̧tö̧” pä'ätö. Ja̧'hua̧ta̧nö̧ ujutu tijuiyuhua'anä, ucutumä juruhuätöjä. Ja̧'hua̧ta̧nö̧ pi̧jä̧ ttö̧ja̧ ujuturu ttöjö'coca'anä, ucuturu ucuotätö.

Colosenses 2:8

Ttu̧ȩcuä̧nä̧ ka̧cuä̧tu̧cui̧. Korotömä täbo huȩnȩ'i̧nä̧, yapareu huȩnȩ'i̧nä̧ jittähuomenä, yoröiso cuesetätucuä'. Ja̧'hua̧nö̧ jittähuomenä, Cristo i̧huȩnȩ yoröiso ji'ähuocotö. Pi̧jä̧ ttö̧ja̧ amöcuädäcuähuätä ji'ähuätö.