Hechos 15:28 - TÄ̧DO Ä̧CUÄ̧ I̧HUȨNȨ

²⁸ Espíritu Santo'inä, ujutu'inä amöcuädäjätöjä koro juäi hue'ocotöjä pä'ö. Pi̧yȩtä̧ ji̧yȩä̧cuȩtä̧ hue'ätöjä.

Nuevo Testamento Uwotjüja

²⁸ Isopäi'ünä̧ Epíritu Sa̧tu̧rü̧'i̧nä̧, ujuturu'i̧nä̧, adiwäja'a, kkoromä̧ wetoka'a, pi̧yȩ, rekuä rü̧jü̧tä̧ jȩ'kuä̧tu̧ku̧nä̧ weta pä'ü:

Hechos 15:28 ပူးပေါင်းရင်းမြစ်များ

San Mateo 11:30

Ttö huedömä yoröiso surojocö. Ja̧'hua̧ta̧nö̧ huedömä cuȩpä̧tu̧cu̧mä̧ yoröiso jojea'a, —pä'inödo Jesús.

San Mateo 23:4

Koro juäi ttö̧ja̧ yoröiso jȩttö̧ juiyö'a̧nö̧ jö̧ huo̧juȩtä̧tö̧ jȩcu̧'ä̧tu̧cua̧ pä'ö. Ja̧'hua̧nö̧ ttu̧huo̧juȩto̧mȩnä̧, jahuätömä yoröiso ji̧'qui̧cha̧nö̧'i̧nä̧ jȩpo̧co̧tö̧ jitötä ttu̧huo̧juȩtö̧mä̧.

San Juan 16:13

Iso päi'önä Ppädäcuähuä I̧sa̧ Espíritu Santo ichomenä, ja̧u̧ iso päi'önä huȩnȩ u̧huo̧juȩtä̧cua̧ ucuturu. Chutä amönä amöcuädö ucuocuocö jä̧cua̧. O'ca juiyönä ä̧ju̧cuä̧ji̧tä̧ ji̧ä̧huä̧cua̧ ucuturu. Ja̧'hua̧ta̧nö̧ koronö 'cuäopä̧cuȩ'i̧nä̧ ji̧ä̧huä̧cua̧ ucuturu.

Hechos 15:19

Juhua'a yabonö pä'inödo Jacobo: —Ja̧'hua̧ ja̧'a̧ judíos huocotö täbocö ttesetinö jaropi'ö, Diosrö esetätörö koro juäi jȩtta̧ pä'ö huetö juiyö'a̧nö̧ ja̧'a̧, pä'ösä ttömä, —pä'inödo Jacobo.

Hechos 15:25

Ja̧'hua̧nö̧ ja̧'a̧ttö̧ ujutu ca̧ca̧cui̧pö̧, ji̧nä̧ yo̧mȩtȩ amöcuädö, ujututtu yotöterö ȩmä̧jä̧tö̧jä̧ ujutu repetä̧u̧ tö̧jä̧hua̧tö̧cu̧ Bernabécu, Pablocu hueta pä'ö ucutu cu̧ja̧cuä̧tu̧cua̧'a̧.

Hechos 15:8

Dios, o'ca toi'önä ttamöcuädö huo̧jua̧mä̧, judíos huocotörö'inä pä̧huä̧ rö̧jä̧cu̧ pä'ö tu̧huo̧juä̧cua̧'a̧nö̧, jahuätörö'inä Espíritu Santorö iyinö, ujuturu iyinö ta'anö.

Hechos 16:4

Pablocu, ahuaruhuäcu koro ötahuiyättö koro ötahuiyära̧'a̧ 'cuä'opö 'chi̧nä̧tö̧do. Jesús hue'ähuotöcu, ancianos huotöcu Jerusalén ötahuiyänä ka̧cuä̧tö̧mä̧ cuyäru isojä huettinö ta'anö jȩtta̧ pä'ö ji'ähuinätödo.

Hechos 5:32

Ujutu Dios jȩi̧nö̧ huȩnȩ ji'ähuätöjä. Espíritu Santo'inä ja̧u̧ huȩnȩ ji'äu huo̧juȩtö̧. Dios iyinödo ja̧u̧ Espíritu Santorö chutä hueö jȩpä̧tö̧rö̧, —pä'inödo Pedro.

1 Corintios 14:37

Ucututtu ya̧tȩ: “Ttömä Dios iyähuä huȩnȩ'i̧nä̧, Espíritu Santo ttörö huo̧juȩcuä̧'i̧nä̧ jidäu'a̧nö̧ ja̧'a̧” pä'ö amöcuädöttömä, ja̧u̧mä̧ iso päi'önä pi̧yȩ ucuturu chi̧huȩyu̧tä̧ji̧mä̧ huo̧jua̧do, Tu̧ru̧hua̧ hueähuä ja̧'a̧ pä'ö.

1 Corintios 7:25

Ttirecua to'ätörö Tu̧ru̧hua̧ttö̧ hueähuä huȩnȩ jui̧'a̧sä̧. Ja̧'hua̧nö̧ ja̧'a̧nä̧ Diosrö pä̧huä̧ rö̧jo̧mȩnä̧ huȩ'ä̧hua̧ cha'attö, ttötä chamöcuädö ji'äusä.

1 Corintios 7:40

Juhuorö'inä kirecuo hua'ö icuomenä, ka̧ra̧rö̧ kö̧jö̧ juiyöttömä, rö̧ȩnä̧ kesehuäcuaju. Ttö ja̧'hua̧nö̧ amöcuädösä. Ja̧'hua̧ta̧nö̧ ttö'inä Espíritu Santorö ku̧nä̧rö̧sä̧.

1 Tesalonicenses 4:8

Ja̧'hua̧nö̧ ja̧'a̧ttö̧ pi̧yȩ huo̧juȩcuä̧ huȩnȩ esetocömä, pi̧jä̧ ttö̧ja̧rö̧ öjö'cö juiyönä jȩpo̧cö̧. Diosrötä, Espíritu Santorö iyinörötä, öjö'cö juiyönä jȩpö̧.

1 Pedro 1:12

Ja̧'hua̧nö̧ ja̧'a̧nä̧ jahuätö ttȩmö̧ juiya pä'ö huo̧juȩti̧nö̧do Dios. Ujututä tȩmä̧cuȩ pä'ö huo̧juȩti̧nö̧do. Täbocö Dios i̧huȩnȩ jiäcuähuä isotörö Espíritu Santo u̧huo̧juȩti̧nö̧ ta'anö, ä̧ju̧cui̧nä̧tö̧jä̧ ucutu. Iso päi'önä Espíritu Santo, mo̧ro̧jä̧ra̧'a̧ttö̧ huȩ'ä̧hua̧ ujurunä, adihuä juäi huȩnȩ, suronä jȩttö̧ jȩpö̧ icu huȩnȩ, jittähua'a ä̧ju̧cui̧nä̧tö̧jä̧ ucutu. Angeles'inä ttä̧ju̧cua̧ pä'ätö pi̧yȩ huȩnȩmä̧.

Apocalipsis 2:24

Ja̧'hua̧ta̧nö̧ korotömä, Tiatira ötahuiyänä ka̧cuä̧tö̧mä̧, ja̧u̧ huȩnȩ esetocotömä, ja̧'hua̧ta̧nö̧ adihuä ttieru juäi Satanás i̧huȩnȩ pättäji juäi jerupätömä, ucuturu pä'ösä, koro juäi jȩcu̧'ä̧tu̧cua̧ pä'ö hue'ocösä ucuturu.