Hechos 15:1 - TÄ̧DO Ä̧CUÄ̧ I̧HUȨNȨ

¹ Ja̧u̧nu̧ pä̧nä̧ korotö u̧mä̧tö̧ Judea rȩjȩttö̧ Antioquía ötahuiyära̧'a̧ ichinätödo. Jahuätö Jesucristorö esetätörö pä'inätödo: —Moisés hueinö ta'anö circuncisión jȩcu̧'ä̧tu̧cu̧ juiyöttömä, Diosmä suronä jȩcu̧'i̧nä̧tu̧cu̧ jȩpö̧ icuoco̧u̧jä̧, —pä'ö huo̧juȩti̧nä̧tö̧do.

Nuevo Testamento Uwotjüja

¹ Ja̧'wa̧nü̧ ja̧'a̧ Judea rȩjȩttü̧ Antioquía ütawiyära̧'a̧ 'chä̧jä̧tü̧mä̧, Jesucrito-rü esetäjätürü wo̧juȩti̧nä̧tü̧: Moisé weinüta'anü̧ circuncisión jȩ'kuä̧kuä̧wä̧tu̧ku̧ juiyüttümä̧, surojüttümä̧ kki̧'o̧ko̧tü̧jä̧ pä'ü.

Hechos 15:1 ပူးပေါင်းရင်းမြစ်များ

San Juan 7:22

Moisés circuncisión jȩcu̧'ä̧tu̧cua̧ pä'ö hue'inödo. Juhuorö'inä chutä äcuomenä ja̧'hua̧nö̧ jȩpo̧cö̧ pi̧nö̧do. Ucutu cuä̧do̧tö̧ mi̧nä̧ äcuomenä jȩpi̧nä̧tö̧do ja̧u̧ juäi. Ja̧'hua̧nö̧ ja̧'a̧nä̧ ucutu ya̧tȩ ji̧'qui̧cha̧hua̧rö̧ ttö̧ja̧ 'cuättächi'ö mo̧ro̧'i̧nä̧ circuncisión jȩpä̧tö̧jä̧.

Hechos 1:15

Ja̧u̧nu̧ mo̧ro̧ Pedro, ö̧jä̧hua̧tö̧ ttö̧'quȩtȩttö̧ ä̧rä̧mi̧'ö̧ ucuocuinödo. Jahuätö ciento veinte ttö̧ja̧ ji̧na̧'a̧do. Jahuätörö pä'inödo:

Hechos 15:22

Jacobo jiähuäji ttä̧ju̧cuo̧mȩnä̧, Jesús hue'ähuotö'inä, ancianos huotö'inä, o'ca toi'önä iglesia ruhuä'inä ji̧nä̧ yo̧mȩtȩ ucuocuinätödo jahuätöttö yotöterö ttȩma̧ pä'ö, Antioquía ötahuiyära̧'a̧ Pablocu, Bernabécu huetta pä'ö. Judasrö, koro i̧mi̧mä̧ Barsabás, Silasrö'inä ȩmi̧nä̧tö̧do. Jahuätömä o'ca toi'önä Jesucristorö esetätömä ttucuotinä̧u̧do.

Hechos 15:23

Cuyäru isojä huȩyu̧tu̧ hue'inätödo jahuätö ttö̧jä̧hua̧tö̧cu̧. Pa̧'a̧nö̧ pä'ö huȩyu̧ti̧nä̧tö̧do: “Ujutu ucutu cu̧jä̧hua̧tö̧ Jesús hue'ähuotö'inä, ancianos huotö'inä ti̧huȩnȩ huȩyu̧tu̧ hue'ätöjä ucuturu te'äu, tö̧jä̧hua̧tö̧ judíos huocotöttö Antioquía ötahuiyättö'inä, Siria rȩjȩttö̧'i̧nä̧, Cilicia rȩjȩttö̧'i̧nä̧.

Hechos 15:24

Ujutu ä̧ju̧cui̧nä̧tö̧jä̧ ujututtu yotöte 'chä̧nö̧, ucuturu ji'ähuinätödo circuncisión jȩcu̧'ä̧tu̧cua̧ pä'ö, ja̧'hua̧ta̧nö̧ Moisés hueähuä huȩnȩ hueö ta'anö jȩcu̧'ä̧tu̧cua̧ pä'ö. Jittähua'a cuä̧ju̧cuä̧tu̧cuo̧mȩnä̧, ucutu cuamöcuädätucu jerupinätöjä. Ujutumä jahuätörö hue'ocotö pi̧nä̧tö̧jä̧.

Hechos 15:3

Ja̧'hua̧nö̧ ja̧'a̧ttö̧ iglesia ruhuämä Antioquía ötahuiyänä ka̧cuä̧tö̧mä̧ hue'inätödo Pablorö, Bernabérö, ttahuaruhuärö'inä. Fenicia rȩjȩnä̧'i̧nä̧, Samaria rȩjȩnä̧'i̧nä̧ 'cuä'opö 'chä̧nö̧, Jesucristorö esetätörö ji'ähuinätödo judíos huocotö täbocö ttesetinö jaropi'ö, Diosrö esetinätö pä'ö. O'ca toi'önä ttö̧jä̧hua̧tö̧, jittähua'a ä̧ju̧cu̧, juiyo esehuinätödo.

Hechos 15:32

Ja̧'hua̧ ja̧'a̧ Judas'inä, Silas'inä Dios i̧huȩnȩ jiäcuähuä isotö ja̧'a̧ttö̧, ttö̧jä̧hua̧tö̧rö̧ ttami 'qui'ächi'ö ttö̧ja̧cua̧ pä'ö rö̧ȩnä̧ ppä'ädö ji'äu huo̧juȩti̧nä̧tö̧do.

Hechos 15:5

Ja̧'hua̧nö̧ ja̧'a̧nä̧ Jesucristorö esetätömä fariseos huotöttö yotöte, ä̧rä̧mi̧'ö̧ pä'inätödo: —Jesucristorö ttesetomenä, judíos huocotörö'inä circuncisión jȩttö̧'a̧nö̧ ja̧'a̧. Ja̧'hua̧ta̧nö̧ Moisés hueähuä huȩnȩ päö ta'anö jȩtta̧ pä'ö judíos huocotörö'inä ttu̧huo̧juȩtö̧'a̧nö̧ ja̧'a̧.

Hechos 21:20

Pablo jiähua'a ttä̧ju̧cuo̧mȩnä̧, Diosrö eseunu ucuocuinätödo. Ancianos huotö Pablorö pä'inätödo: —Ucu topöjä, tö̧jä̧hua̧, judíos ttöja̧ttö̧ juiyo recuätö esetinätö. Jahuätö o'ca toi'önä pä'ätö Moisés hueähuä huȩnȩ hueö ta'anö jȩtö̧'a̧nö̧ ja̧'a̧.

Hechos 6:14

Ujutu ä̧ju̧cuä̧jä̧tö̧jä̧ jiähua'a “Jesús Nazaret i̧sa̧ Diosrö ucuocuäcuähuode cuä'epö i̧cuä̧cua̧. Ja̧'hua̧ta̧nö̧ Moisés hueinömä Jesús pärotö i̧cuä̧cua̧”, pä'äji, —pä'inätödo.

Gálatas 2:1

Ju̧huȩnȩ o'comenä ttö̧jä̧pö̧ttö̧nö̧ pa̧ja̧cuä̧nö̧ a̧'ȩ päi'omenä, pä'äji ta'anö Bernabécu Jerusalén ötahuiyära̧'a̧ i̧huä̧ji̧nö̧sä̧. Ja̧u̧nu̧mä̧ Titorö'inä o'ipinösä ttöcu icha pä'ö.

Gálatas 5:6

Ujutu Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧ yoröiso micuähuocö ujuturu. Ujutumä Cristorö tesetötä adiu micuähua'a. Ja̧'hua̧ta̧nö̧ ja̧u̧ru̧ tesetomenä, tahuaruhuärö repetäu'a̧nö̧ ja̧'a̧.

Gálatas 6:12

Circuncisión jȩcu̧'ä̧tu̧cua̧ pä'ö hue'ätömä, jahuätömä ttö̧ja̧ adiu ttucuotatö pä'ötä jȩpä̧tö̧. Ja̧'hua̧ta̧nö̧ Cristo dau isodänä 'corupäi'inö huȩnȩ ttesetomenä, ttö̧ra̧huä̧rö̧ juiyatö pä'ö jȩpä̧tö̧.

Colosenses 2:16

Ja̧'hua̧ta̧nö̧ o'ca juiyönä cucuätucu'inä, cuahuätucu'inä korotö ucuturu suronä ttucuocu juiyäcua'a̧nö̧. Ja̧'hua̧ta̧nö̧ fiesta mo̧ro̧'i̧nä̧, ttö̧ja̧ 'cuättächi'ö mo̧ro̧'i̧nä̧, kä̧hua̧ jareö uhuäpomenä jȩä̧cuä̧huä̧'i̧nä̧ korotö ucuturu suronä ttucuocu juiyäcua'a̧nö̧.

Colosenses 2:8

Ttu̧ȩcuä̧nä̧ ka̧cuä̧tu̧cui̧. Korotömä täbo huȩnȩ'i̧nä̧, yapareu huȩnȩ'i̧nä̧ jittähuomenä, yoröiso cuesetätucuä'. Ja̧'hua̧nö̧ jittähuomenä, Cristo i̧huȩnȩ yoröiso ji'ähuocotö. Pi̧jä̧ ttö̧ja̧ amöcuädäcuähuätä ji'ähuätö.