Hechos 14:21 - TÄ̧DO Ä̧CUÄ̧ I̧HUȨNȨ

²¹ Pablocu, Bernabécu adihuä huȩnȩ Derbe ötahuiyättö ji'ähuinätödo. Recuätö Jesucristorö esetinätödo. Ja̧'hua̧nö̧ ja̧'a̧ Pablocu, Bernabécu ppa̧'ä̧chä̧chi̧nä̧tö̧do Listra ötahuiyära̧'a̧. Juhuorö kä̧nö̧ Iconio ötahuiyära̧'a̧ ppa̧'ä̧chä̧chi̧nä̧tö̧do. Juhuorö kä̧nö̧ Antioquía ötahuiyära̧'a̧ ppa̧'ä̧chä̧chi̧nä̧tö̧do.

Nuevo Testamento Uwotjüja

²¹ Jua̧u̧ ütawiyänä̧ jareü adiwä wȩnȩ ji'äwi'ipü, rekuätü ttesetäji o'ka'a, Ritra ütawiyära̧'a̧ku̧, Iconio ütawiyära̧'a̧ku̧ ja̧'wa̧ta̧nü̧ Antioquía ütawiyära̧'a̧ku̧ ppa̧'ä̧chi̧nä̧tü̧.

Hechos 14:21 ပူးပေါင်းရင်းမြစ်များ

San Mateo 28:19

Ja̧'hua̧nö̧ ja̧'a̧ttö̧ o'ca toi'önä ttö̧ja̧rö̧ pi̧jä̧ pa̧ja̧cu̧nä̧ 'chä̧nö̧, ji'ähuäjätucui ttörö ttesetäcua'a̧nö̧. Chä'o i̧mi̧nä̧'i̧nä̧, I̧tti̧ i̧mi̧nä̧'i̧nä̧, Espíritu Santo i̧mi̧nä̧'i̧nä̧ jahuätörö bautizando jȩpä̧tu̧cui̧.

Hechos 13:14

Ja̧'hua̧nö̧ ja̧'a̧nä̧ Pablocu, Bernabécu Perge ötahuiyättö rä'opö, Antioquía ötahuiyära̧'a̧ 'chi̧nä̧tö̧do. Antioquía ötahuiyä Pisidia rȩjȩnä̧ ji̧na̧'a̧do. Juhua'attö ttö̧ja̧ 'cuättächi'ö mo̧ro̧ päi'omenä, judíos ttö̧ja̧ ttu̧huo̧jui̧'i̧nodenä do'ächi'ö pä̧mä̧di̧nä̧tö̧do.

Hechos 13:51

Pablocu, Bernabécu juhuorö rä'opächö, ttö̧jä̧pö̧ isäyanä i̧sa̧ppȩtä̧ te'ächö icuinätödo, pitömä ä̧ju̧cuo̧co̧tö̧ pättä'inö juäimä. Iconio ötahuiyära̧'a̧ 'chi̧nä̧tö̧do.

Hechos 14:1

Iconio ötahuiyänä kä̧nö̧, Pablocu, Bernabécu ji̧nä̧ yo̧mȩtȩ do'ächinätödo judíos ttu̧huo̧jui̧'i̧nodera̧'a̧. Jittähuomenä recuätö Jesucristorö esetinätödo, judíos ttö̧ja̧'i̧nä̧, judíos huocotö'inä.

Hechos 14:15

Huopinätödo: —¡Chahuaruhuä! ¿Dä̧bö̧ ja̧'hua̧nö̧ jȩcu̧'ä̧tu̧cua̧'a̧ttö̧? Ujutumä ucutu ta'anö u̧mä̧tö̧jä̧. Ujutumä ucuturu ji'äu ichäjätöjä adihuä huȩnȩ, ja̧u̧ juäi, micuähuocö juäimä jȩcu̧'ä̧tu̧cumä̧, jarocu'ipätucu'a̧nö̧ ja̧'a̧, kö̧ Diosrö cuesetätucua pä'ö. Kö̧ Diosmä mo̧ro̧jä̧'i̧nä̧, mo̧ro̧jä̧nä̧ ka̧cu̧'i̧nä̧, pi̧jä̧'i̧nä̧, pi̧jä̧nä̧ ka̧cu̧'i̧nä̧, ajehuiyä'inä, ajehuiyänä kä̧cu̧'i̧nä̧, o'ca juiyönä aditinödo.

Hechos 14:19

Ja̧'hua̧ ja̧'a̧ korotö judíos ttö̧ja̧ Antioquía ötahuiyättö, Iconio ötahuiyättö'inä ichö rö̧ȩnä̧ ucuocuinätödo ttö̧ja̧rö̧. Jahuätö jittäu huȩnȩ amöcuädö esetinätödo Listra ötahuiyä ttö̧ja̧mä̧. Ja̧'hua̧nö̧ ja̧'a̧ inädu icuähuinätödo Pablorö. Täcö 'corupä'i'äji amöcuädö, ötahuiyä jäyäcu dottinäcudo.

Hechos 14:26

Ttaditähuä cä'ädö, juhuorö huoi'canä ichö ppa̧'ä̧chi̧nä̧tö̧do Antioquía ötahuiyära̧'a̧. Jesucristorö esetätömä Antioquía ötahuiyänä ka̧cuä̧tö̧mä̧ Pablocu, Bernabécu tti̧'chä̧cua̧ ä'canä hue'inätödo Diosrö, Ppädäcuähuä Ru̧hua̧rö̧, ttaditähuä ttadita'anä tta̧huä̧ra̧tö̧ pä'ö.

Hechos 14:6

Pablocu, Bernabécu ttä̧ju̧cuo̧mȩnä̧, tö'ipächinätödo Listra ötahuiyära̧'a̧, Derbe ötahuiyära̧'a̧'i̧nä̧. Listra ötahuiyä'inä, Derbe ötahuiyä'inä Licaonia rȩjȩnä̧ ji̧na̧'a̧do. Ju̧huä̧jä̧ rȩjȩ ttö̧ja̧rö̧ adihuä huȩnȩ Jesucristo i̧huȩnȩ ji'ähuinätödo.

Hechos 14:8

Listra ötahuiyära̧'a̧ttö̧ ya̧tȩ ö̧jä̧pi̧yä̧ su̧ro̧pa̧, uhuäpächina'atä päi'önä cueächoca'a pi̧nö̧do.

Hechos 15:36

A̧'u̧cua̧'a̧tä̧ ttö̧ja̧cuä̧ji̧ o'ca'a Pablomä Bernabérö pä'inödo: —Korome ötahuiyänä'inä, korome ötahuiyänä'inä Tu̧ru̧hua̧ i̧huȩnȩ jitähuinö o̧du̧nä̧ pä'äji ta'anö tö̧jä̧hua̧tö̧rö̧ dotächäja, tta̧'a̧nö̧ ttö̧ja̧cua̧ pä'ö topö.

Hechos 16:2

Jesucristorö esetätömä Listra ötahuiyänä'inä, Iconio ötahuiyänä'inä ka̧cuä̧tö̧mä̧: —Timoteotä adiu jȩpö̧ kö̧mä̧, —pä'inätödo.

Hechos 2:47

Diosrö adiu amöcuädö ucuocuinätödo. Korotö Jesucristorö esetätörö ucuotönö topinätödo. Mo̧ro̧ji̧nö̧ a̧'u̧cuä̧ korotö'inä Tu̧ru̧hua̧rö̧ esetö recuächinätödo, Dios ȩma̧'a̧ttö̧.