Hechos 14:17 - TÄ̧DO Ä̧CUÄ̧ I̧HUȨNȨ

¹⁷ Ja̧'hua̧nö̧ ja̧'a̧nä̧'i̧nä̧ chutä adihuä i̧sa̧ päi'önä kö̧ tu̧huo̧jua̧ pä'ö, 'cuäopönä ttö̧ja̧rö̧ adiu jȩpö̧ kö̧. Mo̧ro̧jä̧ttö̧ hue'ö ajiya icha pä'ö. Pi̧jä̧ttö̧'i̧nä̧ hue'ö cuähuä adiu huȩja̧ pä'ö. Ja̧'hua̧nö̧ tu̧cuȩ iya'attö eseunu ka̧cuä̧tö̧jä̧, —pä'inätödo Jesús hue'ähuotö.

Nuevo Testamento Uwotjüja

¹⁷ Ja̧'wa̧nü̧ ja̧'a̧nä̧'i̧nä̧, chutä üadiwämä̧ i̧jȩkui̧nü̧; mo̧ro̧jä̧ra̧'a̧ttü̧ ajiya ichünä̧ jȩpü̧'i̧nä̧, kuäwä'i̧nä̧ wȩjü̧nä̧, ttu̧kuȩ kuä̧nü̧'i̧nä̧ tteseäkuäwünä̧.

Hechos 14:17 ပူးပေါင်းရင်းမြစ်များ

San Mateo 5:45

Ja̧'hua̧nö̧ jȩcu̧'ä̧tu̧cu̧ttu̧mä̧, Cuä'o mo̧ro̧jä̧ra̧'a̧ kö̧rö̧ i̧tti̧mö̧ päcuhui'äcuotöjä. Chutä mo̧ro̧ kä̧hua̧ räopa pä'ö hue'ö adiu jȩpä̧tö̧rö̧'i̧nä̧, suronä jȩpä̧tö̧rö̧'i̧nä̧. Ja̧'hua̧ta̧nö̧ adiu jȩpä̧tö̧rö̧'i̧nä̧, suronä jȩpä̧tö̧rö̧'i̧nä̧ ajiya icha pä'ö hue'ödo.

San Lucas 6:35

Ja̧'hua̧nö̧ ja̧'a̧nä̧ ucutu cuaboiyotörö repecuhuätucu'a̧nö̧ ja̧'a̧. Jahuätörö adiu jȩpä̧tu̧cui̧. Pärou iyätucui ucuturu pärocua'acu ttö'ärohua pä'ö tta̧cu̧huä̧rä̧tu̧cuo̧ca̧'a̧. Ja̧'hua̧nö̧ micuä rö̧ȩnä̧ cu̧ju̧nä̧rä̧cuo̧tö̧jä̧. Ja̧'hua̧ta̧nö̧ ucutu Dios Ju'toju Ru̧hua̧ i̧tti̧mö̧ cu'äcuotöjä. Ja̧u̧ churutä esehuocotörö'inä, suronä jȩpä̧tö̧rö̧'i̧nä̧ adihuä i̧sa̧ ja̧'a̧.

Hechos 14:18

Jahuätö ttä̧do̧ ä̧cua̧tö̧rö̧ jȩtti̧nö̧ ta'anö jȩtta̧ pä'inätödo Bernabérö, Pablorö. Ja̧'hua̧nö̧ ja̧'a̧nä̧ Pablocu, Bernabécu juruhuächi'ö ttucuocua'a ä̧ju̧cuä̧jä̧'co̧tö̧, jȩpo̧co̧tö̧ pi̧nä̧tö̧do.

Hechos 17:26

“Ya̧tȩtä̧ ucuojattö aditinö ruhuäcuiyä pa̧ja̧cu̧nä̧ ttö̧ja̧ ttucuoja päi'önä. Jahuätörö hue'inö pi̧jä̧ o'ca juiyönä ttö̧ja̧cua̧ pä'ö. Ja̧'hua̧ta̧nö̧ ttö̧ja̧cuä̧cuo̧mȩ tȩnȩ juäi isome ttö̧ja̧cuä̧cua̧'a̧ ja̧ pä'ö, chutä jahuätörö aditäcua'a ä'canä ja̧'hua̧nö̧ amöcuädinö.

1 Timoteo 6:17

Ji'ähui järe ruhuotörö, pi̧jä̧nä̧ ka̧cuä̧tö̧rö̧, usurä isotörö, suronä huottäcuäu juiyäcua'a̧nö̧. Ja̧'hua̧ta̧nö̧ ji'ähuitö ttöärenätä tta̧'cua̧ ttu̧huȩnä̧rö̧ juiyäcua'a̧nö̧. Ttöäremä yoröiso 'quiyocö. Pärocua'acu Dios kö̧rö̧, o'ca juiyönä tu̧ju̧nä̧ra̧ pä'ö repeähuä juiyönä iyörö, tta̧'cua̧ ttu̧huȩnä̧ra̧ ji'ähuitö.