Hechos 13:43 - TÄ̧DO Ä̧CUÄ̧ I̧HUȨNȨ

⁴³ Recuätö judíos ttö̧ja̧'i̧nä̧, ja̧'hua̧ta̧nö̧ korotö judíos huocotö ttuhuäpächina'anä judíos pä'i'inätö'inä, judíos ttu̧huo̧jui̧'i̧nodettö pperecuächinätödo. Jahuätöttö recuätö Pablocu, Bernabécu 'chi̧nä̧tö̧do. Pablocu, Bernabécu ji'ähuinätö Dios adiu ppädäcuähuänä ttö̧ja̧cua̧ pä'ö.

Nuevo Testamento Uwotjüja

⁴³ Ttü̧ja̧rü̧ we'ü ttikuäji o'ka'a, rekuätü judío'i̧nä̧, judío pokotü'i̧nä̧ Pauru-ku, Bernawé-ku 'chi̧nä̧tü̧. Ja̧'wa̧nü̧ ja̧'a̧ juätürü ro̧'ȩpi̧nä̧tü̧, 'kuättächi'oka'a Dio re ü̧jü̧ jäwä ttesetäjinä̧ tti̧'cha̧ pä'ü.

Hechos 13:43 ပူးပေါင်းရင်းမြစ်များ

San Mateo 23:15

“Fariseos huotö'inä, hueähuä huȩnȩ huo̧juȩtä̧tö̧'i̧nä̧, suronä 'cuäopäcua'a ucuturu. ¡Yapareu ttö̧ja̧jä̧! Kara'a oto, ajehuiyä'inä abo cue'ächätöjä, ya̧tȩ ucutu cu̧huo̧juȩtä̧tu̧cu̧ eseta pä'ö. Ja̧u̧ esetomenä, ucututtu'inä abonänö suronä jȩpö̧. Ocurära̧'a̧ i̧'chä̧cua̧.

Hechos 11:23

Bernabé juhua'a i̧'chi̧'o̧mȩnä̧, Diosmä ttö̧ja̧rö̧ adiu ppädina'a topö, esehuinödo. O'ca toi'önärö adiu ppä'ädö ucuocuinödo. Ji'ähuinödo Tu̧ru̧hua̧rö̧ adiu esetö ttö̧ja̧cua̧ pä'ö jarotti'ö juiyönä.

Hechos 13:50

Ja̧'hua̧nö̧ ja̧'a̧ judíos ttö̧ja̧mä̧, nä̧tö̧ järe ruhuotö Diosrö amöcuädinätörö'inä, u̧mä̧tö̧ ucuotäcuähuotörö'inä ucuocuinätödo Pablorö, Bernabérö suronä jȩtta̧ pä'ö. Juhua'a yabocu jahuätörö ya'opö icuinätödo tti̧rȩjä̧ttö̧.

Hechos 14:22

Koro ötahuiyänä'inä, koro ötahuiyänä'inä Jesucristorö esetätörö huo̧juȩtö̧ ji'ähuinätödo, juhua'a yabonö adiu tteseta pä'ö. —Adiu esetö cu̧ja̧cuä̧tu̧cu̧'a̧nö̧ ja̧'a̧. Rö̧ȩnä̧ surojö 'cuäopäcua'a ujuturu, Dios ö̧jo̧mȩ dotächäcua'a ä'canä, —pä'inätödo.

Hechos 14:3

Ja̧'hua̧nö̧ ja̧'a̧ttö̧ Pablocu, Bernabécu recuo ka̧cui̧nä̧tö̧do Iconio ötahuiyära̧'a̧. Tu̧ru̧hua̧rö̧ tta̧'cua̧ huȩnä̧rö̧ yettecuoca'a ji'ähuinätödo Tu̧ru̧hua̧ i̧huȩnȩ. Tu̧ru̧hua̧mä̧ ttö̧ja̧rö̧ adiu jȩpö̧ repe'ö pä'ö ji'ähuinätödo. Jittähuäji ta'anö iso päi'önä ja̧'a̧ Tu̧ru̧hua̧ jahuätörö hue'inödo ttö̧ja̧ ttieru juäi jȩtta̧ pä'ö.

Hechos 16:14

Juhua'attö yajute Lidia pä'ö micuaju, Tiatira ötahuiyättö ichinäjumä, pö̧jä̧ta̧ adihuä̧ta̧ ja̧'tu̧nä̧nö̧ tu̧huä̧ta̧ iyä'ijäjumä ki̧nä̧ju̧. Yaju'inä Diosrö ucuocuä'ijäju ji̧na̧'a̧. Pablo ucuocuäjimä adiu ä̧ju̧cui̧nä̧ju̧. Dios 'cucuächi'önä kä̧ju̧cua̧ pä'ö jȩpi̧nö̧, Pablo jiähuäji keseta pä'ö.

Hechos 17:17

Ja̧'hua̧nö̧ ja̧'a̧ttö̧ Pablo judíos ttu̧huo̧jui̧'i̧nodenä judíos ttö̧ja̧cu̧'i̧nä̧, korotö Diosrö amöcuädätöcu'inä Dios i̧huȩnȩ rä'epö ucuocu päinä̧u̧do. Ja̧'hua̧ta̧nö̧ mo̧ro̧ji̧nö̧ a̧'u̧cuä̧ ötahuiyä kä'cottö'inä ucuocuinödo korotö ju̧huȩnȩtä̧ pȩjä̧tö̧rö̧'i̧nä̧.

Hechos 17:34

Yotöte ja̧u̧cu̧ ca̧ca̧cui̧pö̧ Jesucristorö esetinätödo. Jahuätöttö Areópagonä ca̧ca̧cui̧pä̧tö̧ttö̧ ya̧tȩ Dionisio pä'ö mi̧cua̧ esetinödo. Yajute isaju'inä Dámaris pä'ö micuaju esetinäjudo. Korotö'inä Jesucristorö esetinätödo.

Hechos 17:4

Yotöte judíos ttö̧ja̧ttö̧ Pablo jiähuäjimä esetinätödo. Pablocu, Silascu ji̧nä̧ yo̧mȩtȩ ca̧ca̧cui̧pi̧nä̧tö̧do. Recuätö judíos huocotö Diosrö amöcuädätö'inä, nä̧tö̧ ucuotäcuähuotö'inä Jesucristorö esetinätödo.

Hechos 18:7

Pablo ja̧'hua̧nö̧ pä'äji'ca̧ judíos ttu̧huo̧jui̧'i̧nodettö rä'opö, Justo pä'ö mi̧cua̧ ojusodera̧'a̧ 'chi̧nö̧do. Justomä Diosrö ucuocuä'ijö pi̧nö̧. Ojusode judíos ttu̧huo̧jui̧'i̧node ppeyänä huode.

Hechos 28:23

Koro mo̧ro̧ judíos ttö̧ja̧ ttichä̧cuȩ mo̧ro̧ amöcuädinätödo Pablocu. Ttamöcuädäji mo̧ro̧ päi'omenä, recuätö ttö̧ja̧ ichinätödo Pablo ö̧jodera̧'a̧. Dios Ttu̧ru̧hua̧ päi'önä kö̧ pä'ö ji'ähuinödo Pablo. Moisés hueähuä huȩnȩ'i̧nä̧, Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧ ucuocu ji'ähuinödo, Jesúsru tteseta pä'ö yo̧ȩi̧ kä̧mä̧dö̧, ni̧pä̧ro̧mȩ cä'ädö.

Hechos 6:5

O'ca toi'önä eseunu ä̧ju̧cui̧nä̧tö̧do Jesús hue'ähuotö pättäjimä. Ȩmi̧nä̧tö̧do adiu esetörö, Espíritu Santo hueäcuru, Esteban pä'ö mi̧cua̧rö̧. Feliperö'inä, Prócororö'inä, Nicanorrö'inä, Timónrö'inä, Parmenasrö'inä, Nicolás Antioquía ötahuiyä ttö̧ja̧ i̧sa̧rö̧'i̧nä̧ ȩmi̧nä̧tö̧do. Ja̧u̧ Nicolás judío huocö ja̧'a̧nä̧, judíos ttö̧ja̧ Diosrö ä'canä esetinödo.

Romanos 11:6

Ja̧'hua̧ ja̧'a̧ttö̧ Dios chutä ppädäcuähuänä ȩmö̧, ttö̧ja̧ jȩä̧cuä̧huä̧nä̧mä̧cö̧. Ttö̧ja̧ jȩä̧cuä̧huä̧nä̧tä̧ ȩmö̧ttö̧mä̧, Dios ppädäcuähuä jo̧cö̧ ja̧ji̧.

Romanos 3:24

Ja̧'hua̧nö̧ ja̧'a̧nä̧ Dios adiu ppädomenä, mippoönä jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö. Ja̧'hua̧nö̧ jȩpö̧, Jesucristo suronä jȩttö̧ jȩpö̧ icuina'attö.

Romanos 5:2

Cristorö tesetomenä, Diosttö ppädäcuähuä tȩma̧ pä'ö ppä'ädö. Ja̧u̧ ppädäcuähuänä ka̧cuä̧tö̧jä̧ jitämä. Ja̧'hua̧nö̧ ja̧'a̧ttö̧ eseunu tta̧'ä̧rö̧ ka̧cuä̧tö̧jä̧, adihuä Dioscu mo̧ro̧jä̧ra̧'a̧ tö̧ja̧cuä̧cuo̧tö̧jä̧ pä'ö.

Romanos 5:21

Ja̧'hua̧nö̧ ja̧'a̧ttö̧ suronä jȩtto̧mȩnä̧, hua'are juruhuina'a. Ja̧'hua̧ta̧nö̧ Dios ujuturu jȩo̧mȩnä̧ chutäcu ji̧nä̧ ji̧yȩtȩ huotö ta pä'ö, Dios ppädäcuähuä juruhuina'a. Ja̧'hua̧nö̧ ujuruhua'attö, kä̧cuä̧huä̧ i'co iyö, Tu̧ru̧hua̧ Jesucristorö tesetomenä.

2 Corintios 5:11

Ja̧'hua̧nö̧ ja̧'a̧ttö̧ ujutu Tu̧ru̧hua̧rö̧ yecuäcuähuä tu̧huo̧jua̧'a̧ttö̧, pi̧jä̧ ttö̧ja̧ tteseta pä'ö ji'ähuätöjä. Ja̧'hua̧nö̧ ja̧'a̧nä̧ Dios ujuturu huo̧jua̧. Ja̧'hua̧ta̧nö̧ ucutu'inä ujuturu huo̧juä̧tö̧jä̧ a̧'cua̧ra̧'a̧.

2 Corintios 6:1

Jitämä Dios aditähuä ji̧nä̧ yo̧mȩtȩ tadita'attö, pä'ätöjä ucuturu, “Dios adihuä juäi iyinömä, jarocuhui'ätucuä'”.

Gálatas 5:1

Cristomä ujuturu surojöttö ejädö icuinö adiunätä cuetächa pä'ö. Ucuturu ejädö icuinö o'ca'a, cuami 'qui'ächi'ö cue'ächätucui, pä'äji ta'anö hueähuä huȩnȩ umöhuäyotö päi'äcuähuä juiyönä.

Gálatas 5:4

Ucutumä Dios ȩmä̧tu̧cua̧cu̧ pä'ö hueähuä huȩnȩ jȩpä̧tö̧mä̧, Cristorö jaropi'inätöjä. Ucutumä Dios adiu ppädäcuähuättö'inä i̧mi̧cu̧nä̧ cue'ächätöjä.

Efesios 2:8

Iso päi'önä Dios ucuturu repea'attö, suronä jȩcu̧'ä̧tu̧cu̧ jȩpö̧ icuinö, Cristorö cuesetätucuomenä. Ucutu cuamönätucunä esetocotö pi̧nä̧tö̧jä̧. Diostä ja̧'hua̧nö̧ mippoönä iyinä̧u̧jä̧ cuesetätucua pä'ö.

Filipenses 3:16

Ja̧'hua̧nö̧ ja̧'a̧nä̧ jitämä ji̧nä̧ ji̧yȩtȩ tesetinö amöcuädö juhua'a yabonö jȩtä̧tu̧cua̧ja̧.

Filipenses 4:1

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, iso päi'önä ucuturu repe'ö tocha pä'ösä. Ucuturu topö eseusä. Ja̧'hua̧ta̧nö̧ ucutumä chaditinö micuä huotöjä. 'Cuäopönä Tu̧ru̧hua̧rö̧ esetö, cuami 'qui'ächi'ö ka̧cuä̧tu̧cui̧, chahuaruhuä chö̧jä̧hua̧tö̧.

Colosenses 1:23

Ja̧'hua̧nö̧ ja̧'a̧nä̧ dau po'tiyä 'quiyönä 'chuhuädö'a̧nö̧, adiu esetätucui. Jarocuhui'ätucuä' adiu tta̧cu̧huä̧rä̧tu̧cu̧ huȩnȩ, ttö̧ja̧ suronä jȩttö̧ jȩpö̧ icu huȩnȩ. Ja̧u̧ huȩnȩ pi̧jä̧ pa̧ja̧cu̧nä̧ ji'ähuätö. Ttö'inä, Pablo, ji'äusä ja̧u̧ huȩnȩ.

Colosenses 1:28

Ujutumä Cristo i̧huȩnȩ ji'ähuätöjä. Ujutumä tä̧bo̧tö̧ huo̧juȩtä̧tö̧jä̧ o'ca toi'önärö, adiu ttu̧huo̧jui̧'ä̧cua̧'a̧nö̧. Ja̧'hua̧nö̧ huo̧juȩtä̧tö̧jä̧ o'ca toi'önä Dios ä'ca jo̧mȩttö̧ adiu ttesetäcua'a̧nö̧ Cristorö.

Tito 2:11

Iso päi'önä Dios o'ca toi'önärö ppä'ädinö suronä jȩttö̧ jȩpö̧ icua pä'ö.

Hebreos 12:15

Ya̧tȩttö̧'i̧nä̧ Dios ppädäcuähuä iya päinö ȩmo̧ca̧'a̧ ö̧ji̧pö̧ juiya pä'ö, ttu̧ȩcuä̧nä̧ ka̧cuä̧tu̧cui̧. Ja̧'hua̧ta̧nö̧ koro juäi surä'cua ya̧mö̧'cua̧ bahua'a jä̧'i̧nö̧'a̧nö̧ cu̧ja̧cuä̧tu̧cuä̧'. Ja̧'hua̧nö̧ jȩpö̧ kä̧nö̧, korotörö suronä jȩtta̧ pä'ö cu̧huo̧juȩtä̧tu̧cu̧ juiya pä'ö, ttu̧ȩcuä̧nä̧ ka̧cuä̧tu̧cui̧.

Hebreos 13:9

Koro huȩnȩ, jareö huȩnȩ, i̧mi̧cu̧nä̧ jittähuä'chomenä cuesetätucuä'. Iso päi'önä tami iso'quinä Dios ppäda'attö tujuruhuomenä, pi̧jä̧ jähuä cuäcuähuä huȩnȩttö̧'i̧nä̧ abonänö adihua'ado. Ja̧u̧ juäi pi̧jä̧ huȩnȩ esetätörö yoröiso ppädoca'a ji̧na̧'a̧do.

1 Pedro 5:12

Silvano, Cristonä chö̧jä̧hua̧ ppädomenä, pi̧yȩ cuyäru ji̧'qui̧cha̧nö̧tä̧ huȩyu̧tu̧ hue'ösä ucuturu, ji'äu ppädädätucuacu pä'ö. Ja̧'hua̧ta̧nö̧ ucuturu repea'attö, o'ca juiyönä adihuä juäi iyinödo Dios ucuturu cu̧huo̧juä̧tu̧cua̧ pä'ö huȩyu̧tu̧sä̧. Pi̧yȩ esetönö ka̧cuä̧tu̧cui̧.

2 Pedro 3:14

Ja̧'hua̧nö̧ ja̧'a̧ttö̧ chö̧jä̧hua̧tö̧, pi̧yȩ 'cuäopa pä'ö tta̧cu̧huä̧rä̧tu̧cuo̧mȩnä̧, o'ca juiyönä jȩpä̧tu̧cui̧ adiunätä Dios ä'ca jo̧mȩttö̧, cuahuaruhuärö eseunu kä̧nö̧, idicu juiyönä.

1 Juan 2:28

Ja̧'hua̧ ja̧'a̧ chi̧tti̧mö̧ huotö, Jesucristocu ka̧cuä̧tu̧cui̧, ja̧u̧tä̧ i̧jȩcua̧'a̧ totomenä tesehuätucua pä'ö, ja̧u̧tä̧ ä'ca jo̧mȩttö̧ tödäpecu juiya pä'ö ichomenä.

2 Juan 1:9

Jesucristo u̧huo̧juȩti̧nö̧ abonänö 'cuäoi'önä huo̧juȩtö̧mä̧, ja̧u̧mä̧ Jesucristo u̧huo̧juȩti̧nö̧ huo̧juȩtö̧ ko̧cö̧. Dios toönä kö̧. Jesucristo u̧huo̧juȩti̧nö̧ huo̧juȩtö̧ kö̧mä̧, Tä'o Dioscu, I̧tti̧ Jesucristocu kö̧.