Hechos 13:31 - TÄ̧DO Ä̧CUÄ̧ I̧HUȨNȨ

³¹ Chutäcu Galilea rȩjȩttö̧ Jerusalén ötahuiyära̧'a̧ 'chi̧nä̧tö̧mä̧, recuo mo̧ro̧ tottinäcudo. Jitämä jahuätö o'ca juiyönä jȩi̧nö̧mä̧ ttö̧ja̧rö̧ ji'ähuätö.

Nuevo Testamento Uwotjüja

³¹ Ja̧'wa̧nü̧ ji̧na̧'a̧mä̧, rekuo mo̧ro̧ jo̧mȩnä̧ i̧jȩkui̧nü̧ Galirea-ttü Jerusarȩ́-ra̧'a̧ku̧ chutäku 'chi̧nä̧tü̧rü̧mä̧; ja̧'wa̧nü̧ ja̧'a̧ jitämä̧ juätütä ja̧'a̧, Jesú-ru 'kuäopa'a tottinü̧ ttü̧ja̧rü̧ ji'äwätümä̧.

Hechos 13:31 ပူးပေါင်းရင်းမြစ်များ

San Mateo 28:16

Ja̧'hua̧nö̧ ja̧'a̧ttö̧ u̧huo̧juȩtä̧u̧mä̧ ttö̧jä̧pö̧ttö̧nö̧ ya̧tȩnö̧ Galilea rȩjȩra̧'a̧ 'chi̧nä̧tö̧do. Jesús päinähuänä tta̧'ä̧rö̧ 'chi̧nä̧tö̧do.

San Lucas 24:48

Ucutumä pi̧yȩ juäi topö jicuhuähuäcuotöjä.

San Juan 15:27

Ucutumä äcuomenä chichina'a ttöcu cu̧ja̧cui̧nä̧tu̧cua̧'a̧ttö̧, ttörö adiu cucuocuäcuotöjä ucutu'inä, —huo̧juȩti̧nö̧do Jesús.

Hechos 1:11

Jahuätö pä'inätödo: —Galilea ttö̧ja̧, ¿dä̧bö̧ mo̧ro̧jä̧ra̧'a̧ to̧pä̧rö̧ cu̧ja̧cuä̧tu̧cuä̧ttö̧? Ja̧u̧tä̧ Jesús, ucutu cu̧'quȩtȩtu̧cu̧ttu̧ mo̧ro̧jä̧ra̧'a̧ cäecuächa'a tocu'äjätucu ta'anö, pä'äji ta'anö i̧chä̧cua̧.

Hechos 1:3

Ja̧'hua̧ta̧nö̧ 'corupä'i'äji'ca̧, jahuätörö i̧jȩcui̧nö̧do a̧dȩcua̧ pä'ö ttu̧huo̧juä̧cua̧'a̧nö̧. Ttö̧ja̧ ta̧ju̧ mo̧ro̧ 'cuäoi'önä ki̧nö̧do. Diosmä Ttu̧ru̧hua̧ päi'önä kö̧ pä'ö ji'ähuinödo.

Hechos 1:8

Ji̧nä̧ isocu ttö chujuru cuȩmä̧cuo̧tö̧jä̧, Espíritu Santo ucuturu ichomenä. Ttö chujurunä ttö chi̧huȩnȩ jicuhuähuäcuotöjä Jerusalén ötahuiyä ttö̧ja̧rö̧'i̧nä̧, o'ca juiyönä Judea rȩjȩ ttö̧ja̧rö̧'i̧nä̧, Samaria rȩjȩ ttö̧ja̧rö̧'i̧nä̧, kara'a oto ka̧cuä̧tö̧rö̧'i̧nä̧, —pä'inödo Jesús.

Hechos 10:39

Ujutumä, Jesús jȩi̧nö̧ Jerusalén ötahuiyättö'inä, o'ca juiyönä judíos ttö̧ja̧ tti̧rȩjä̧ttö̧'i̧nä̧ totinömä ji'ähuätöjä. Ja̧u̧ru̧ dau isodänä pȩ'o̧pö̧ ku̧nu̧ cuä'ö icuinätö.

Hechos 10:41

Ttö̧ja̧ o'ca toi'önärö i̧jȩcuo̧cö̧ pi̧nö̧. Ujuturutä i̧jȩcui̧nö̧. Dios ä'canä ujuturu ȩmi̧nä̧u̧ru̧ jitähua pä'ö ttoächinö huȩnȩ. Hua'arettö ttoächinö o'ca'a, ujutu ja̧u̧cu̧ tu̧cuȩ cuinätöjä, au'inä ahuinätöjä.

Hechos 2:32

Ja̧u̧tä̧ Jesúsru tto'ädinö Diosmä. Tto'ächinörö topinätö'cotö ji'ähuätöjä ujutu o'ca toi'önä.

Hechos 3:15

Ja̧'hua̧ ja̧'a̧ ucutu kä̧cuä̧huä̧ iyörö cuä'ö cuicuinätucua'anä, Dios ja̧u̧ru̧ tto'ädinö. Ujutu tto'ächinörö topinätöjä.

Hechos 5:32

Ujutu Dios jȩi̧nö̧ huȩnȩ ji'ähuätöjä. Espíritu Santo'inä ja̧u̧ huȩnȩ ji'äu huo̧juȩtö̧. Dios iyinödo ja̧u̧ Espíritu Santorö chutä hueö jȩpä̧tö̧rö̧, —pä'inödo Pedro.