Hechos 13:3 - TÄ̧DO Ä̧CUÄ̧ I̧HUȨNȨ

³ Ttu̧cuȩ a̧do̧chö̧ Diosrö ucuocuäjä'cotö, Bernabérö, Saulorö ttu̧mö̧nä̧ mȩ'ö̧ hue'inätödo tti̧'cha̧ pä'ö.

Nuevo Testamento Uwotjüja

³ Ja̧'wa̧nü̧ ja̧'a̧ttü̧, Dio-rü ttukuokuäji'i̧nä̧, ttu̧kuȩ tta̧do̧chä̧ji̧'i̧nä̧ kä'ädäkuäumä̧; ttu̧mü̧ mȩ'ü̧ Dio-rü ukuoku we'ü tti̧kui̧nä̧u̧.

Hechos 13:3 ပူးပေါင်းရင်းမြစ်များ

San Lucas 2:37

Täcö recua ka'amä ochenta y cuatro a̧'ȩ ku̧nä̧ri̧nä̧ju̧do. Diosrö ucuocuäcuähuodettömä rä'opocoju pi̧nä̧ju̧do. Yodo'inä, mo̧ro̧'i̧nä̧ 'cuäopönä ucuocui'äjinäjudo Tu̧ru̧hua̧rö̧, ku̧cuȩ a̧do̧chö̧ kä̧nö̧.

Hechos 1:24

Ja̧'hua̧ ja̧'a̧ Diosrö ucuocu jä'epinätö: —Tu̧ru̧hua̧, ucu o'ca toi'önä ttamöcuädö huo̧jua̧jä̧. Pitö ta̧ju̧ttu̧ ji'ähuitö tiderö cuȩmi̧nä̧, ucu huȩ'ä̧hua̧ päi'önä adita pä'ö. Judas pi̧yȩ aditähuä jaropi'inö ö̧ä̧nä̧hua̧'a̧ 'chä̧nö̧.

Hechos 13:2

Ttu̧cuȩ a̧do̧chö̧ Diosrö ucuocuinätödo. Espíritu Santo jahuätörö pä'inödo: —'Quȩ'ȩpö̧ ȩmä̧tu̧cui̧ Bernabérö'inä, Saulorö'inä. Jahuätörö täcö pätetö hue'äjisä ttadita pä'ö.

Hechos 13:4

Ja̧'hua̧nö̧ ja̧'a̧ Bernabécu, Saulocu Espíritu Santo hueäjä̧u̧ Seleucia ötahuiyära̧'a̧ 'chi̧nä̧tö̧do. Juhuorö huoi'canä pä̧mä̧di̧nä̧tö̧do Chipre kä'co i̧sä̧sa̧ra̧'a̧ tti̧'cha̧ pä'ö.

Hechos 14:23

Pablocu, Bernabécu korome iglesia ruhuättö'inä, korome iglesia ruhuättö'inä hue'inätödo ancianos huotö päi'önä ttö̧ja̧cua̧ pä'ö. Ttu̧cuȩ ttucuoca'a Diosrö ucuocuäjä'cotö hue'inätödo Dios, tta̧'cua̧ ttu̧huȩnä̧ri̧nä̧cu̧, tta̧huä̧ra̧ pä'ö jahuätörö.

Hechos 14:26

Ttaditähuä cä'ädö, juhuorö huoi'canä ichö ppa̧'ä̧chi̧nä̧tö̧do Antioquía ötahuiyära̧'a̧. Jesucristorö esetätömä Antioquía ötahuiyänä ka̧cuä̧tö̧mä̧ Pablocu, Bernabécu tti̧'chä̧cua̧ ä'canä hue'inätödo Diosrö, Ppädäcuähuä Ru̧hua̧rö̧, ttaditähuä ttadita'anä tta̧huä̧ra̧tö̧ pä'ö.

Hechos 15:40

Pablomä Silasrö o'ipinödo. Ttö̧jä̧hua̧tö̧mä̧ Diosrö, Ppädäcuähuä Ru̧hua̧rö̧, jahuätörö tta̧huä̧ra̧ pä'ö ttucuocuäji o'ca'a, 'chi̧nä̧tö̧do.

Hechos 6:6

Jahuätörö ȩpi̧nä̧tö̧do Jesús hue'ähuotö ttä'ca jo̧mȩ. Jesús hue'ähuotö Diosrö ucuocu, ttu̧mö̧nä̧ mȩ'i̧nä̧tö̧do jahuätörö.

Hechos 9:17

Ja̧'hua̧ ja̧'a̧ Ananías Saulo ö̧jodera̧'a̧ 'chi̧nö̧do. Do'ächi'ö u̧mö̧nä̧ mȩ'i̧nö̧do Saulorö. Ja̧u̧ru̧ pä'inödo: —Chö̧jä̧hua̧ Saulo, Tu̧ru̧hua̧ Jesús ucuru i̧jȩcuä̧ji̧mä̧ mä̧nä̧nä̧ cuichomenä, ttörö hue'äji pä'äji ta'anö tocu'a pä'ö, ja̧'hua̧ta̧nö̧ Espíritu Santo ucuru ö̧jä̧mä̧da̧ pä'ö.

Romanos 10:15

¿Tta̧'a̧nö̧ jittähuattö hueähuoca'ara̧'a̧mä̧? Huȩyu̧cuä̧ Huȩnȩ päa'a: “Eseunu kä̧cuä̧huä̧ huȩnȩ i'cächö, adihuä huȩnȩ jittähuomenä, adiu rȩbȩhuä̧tö̧.”

1 Timoteo 4:14

Ancianos huotö Diosrö pä̧huä̧ rö̧jo̧mȩnä̧ ucuru mȩ'ö̧ huettina'amä, Dios i̧huȩnȩ jicuhuähua pä'ö, Dios adiu iyinömä cunichi'ä'.

1 Timoteo 5:22

Ka̧ra̧rö̧ cuieruhuäcurumä, cu̧mö̧ mȩ'ö̧ huecuhuä' Dios i̧huȩnȩ jiähua pä'ö. Ka̧ra̧ suronä jȩpö̧cu̧mä̧ jȩcu̧'ä̧' ucumä. Ucutä adihuä juäitä jȩpö̧ kä̧hui̧.

2 Timoteo 1:6

Ttö hue'ösä ucuru, chu̧mö̧ mȩ'ö̧ huedina'amä ocurä tti̧rȩdȩta̧'a̧ jä̧'i̧nö̧'a̧nö̧, rȩdȩti̧ cuami iso'quinä Dios ucuru iyinö.

2 Timoteo 2:2

Ttö chu̧huo̧juȩto̧mȩnä̧ cuä̧ju̧cui̧nö̧mä̧ recuätö ttä'ca jo̧mȩttö̧ huo̧juȩti̧ adiu jȩpö̧ cue'ächätörö juhua'a yabo korotörö ttu̧huo̧juȩtö̧'a̧nö̧ huotörö.

3 Juan 1:6

Ji̧nä̧ yo̧mȩtȩ ca̧ca̧tö̧, iglesia ruhuärö ji'ähuinätö jitörötä adiu jȩcu̧'i̧nö̧, eseunu repe'önänö ppäcuhuädinömä. Ja̧'hua̧nö̧ cue'ächätörö yabocu tti̧'cho̧mȩnä̧, ppäcuhuädö'a̧nö̧ ja̧'a̧ Diosrö pä̧huä̧ rö̧jo̧mȩnä̧.

3 Juan 1:8

Ja̧'hua̧nö̧ ja̧'a̧ ujutucu ji̧nä̧ ji̧yȩtȩ esetätörömä, iso päi'önä huȩnȩ ji'ähuätörömä, ppätädö'a̧nö̧ ja̧'a̧.