Hechos 13:11 - TÄ̧DO Ä̧CUÄ̧ I̧HUȨNȨ

¹¹ Jitämä Tu̧ru̧hua̧ ucuru ro̧'ȩpö̧ u̧huo̧juȩtä̧cua̧jä̧. Ucu cuä̧to̧cä̧chä̧cua̧jä̧. Recuonänö kä̧hua̧rö̧ tocu'u juiyönä pä̧cu̧'i̧'ä̧cua̧jä̧ Tu̧ru̧hua̧rö̧ pä̧huä̧ rö̧jo̧mȩ jubö päi'önä, —päinäcudo Pablo. Yotäcu isoppa idicuoppa jä̧'i̧nö̧'a̧nö̧ joppa ö'ärenä ma̧ä̧cu̧, yo̧ö̧nä̧ ki̧nö̧do. Ya̧tȩ ja̧u̧ru̧ u̧mö̧nä̧ 'chu̧'ä̧rö̧ ȩpa̧rö̧ pä'ö usu huecähuinödo.

Nuevo Testamento Uwotjüja

¹¹ Ja̧'wa̧nü̧ ja̧'a̧ttü̧ Tu̧ru̧wa̧mä̧ ro̧ȩpä̧ku̧jä̧; kuä̧to̧kä̧chü̧nä̧, kkä̧wa̧rü̧mä̧ rekuo topokü kuä̧kua̧jä̧. Päüta'anü̧, yotäku toü juiyünä̧ päi'inä̧ku̧; i̧'cho̧mȩnä̧mä̧, kkorotü u̧mü̧nä̧ dodottarü pä'ütä usinü̧.

Hechos 13:11 ပူးပေါင်းရင်းမြစ်များ

San Juan 9:39

Ja̧u̧nu̧ o'ca'a Jesús pä'inödo: —Ttömä pi̧jä̧ra̧'a̧, adihuä juäi jȩcha̧ pä'ö ichinösä. Ä̧to̧cä̧tö̧ totta pä'ö ichinösä. Ja̧'hua̧ta̧nö̧ topätömä, ttä̧to̧cä̧cha̧ pä'ö ichinösä.

Hechos 9:17

Ja̧'hua̧ ja̧'a̧ Ananías Saulo ö̧jodera̧'a̧ 'chi̧nö̧do. Do'ächi'ö u̧mö̧nä̧ mȩ'i̧nö̧do Saulorö. Ja̧u̧ru̧ pä'inödo: —Chö̧jä̧hua̧ Saulo, Tu̧ru̧hua̧ Jesús ucuru i̧jȩcuä̧ji̧mä̧ mä̧nä̧nä̧ cuichomenä, ttörö hue'äji pä'äji ta'anö tocu'a pä'ö, ja̧'hua̧ta̧nö̧ Espíritu Santo ucuru ö̧jä̧mä̧da̧ pä'ö.

Romanos 11:25

Chö̧jä̧hua̧tö̧, Dios yä̧huä̧i̧nä̧ amöcuädinö huȩnȩ cu̧huo̧juä̧tu̧cua̧ pä'ösä, ucutu “huo̧jua̧sä̧” cuamöcuädätucu juiya pä'ö. Israel ttö̧ja̧mä̧ 'cuäopönä jarode'ocotö ttäcuotö. Judíos huocotöttö Dios oipinä̧u̧ ttesetome jubö päi'önä ttöarodäcuotö Israel ttö̧ja̧mä̧.

Hebreos 10:31

¡Iso päi'önä Dios kö̧rö̧ u̧mö̧nä̧ ma̧'ö̧ yoröiso surojäcua'a!

2 Pedro 2:17

Pitö u̧mä̧tö̧mä̧ dubora ajiya jora jä̧'i̧nö̧'a̧nö̧ ka̧cuä̧tö̧. Ja̧'hua̧ta̧nö̧ kä̧ru̧'coppa ajiya isoppa 'cha̧'a̧ jä̧'i̧nö̧'a̧nö̧ ka̧cuä̧tö̧. Yo̧a̧'a̧ jacuä, yoröiso beipoca'a jacuä ttö̧ja̧cua̧ pä'ö hueinä̧u̧do Dios.