Hechos 12:7 - TÄ̧DO Ä̧CUÄ̧ I̧HUȨNȨ

⁷ Ja̧'hua̧ ja̧'a̧ ya̧tȩ ángel, Tu̧ru̧hua̧ huȩ'ä̧hua̧, i̧jȩcui̧nö̧do. Pedro ö̧'o̧mȩ tȩa̧u̧nä̧ kä̧dȩ'i̧na̧'a̧do. Angel Pedro i'esubänä mȩ'ö̧, ja̧u̧ru̧ ttö̧'i̧nö̧do. Pä'inödo: —Jurunä porächi'i. Ja̧'hua̧ ja̧'a̧ cuoräusa Pedro u̧mö̧ttö̧ ejächi'ina'ado.

Nuevo Testamento Uwotjüja

⁷ Ttu̧ni̧chä̧ra̧'a̧nä̧, Tu̧ru̧wa̧ i̧sa̧ á̧gȩ kkä̧mä̧di̧nü̧, kärenä̧ pä̧kuä̧wo̧ka̧mä̧ kkȩdȩ'ü̧nä̧tä̧. Ja̧'wa̧nü̧ päi'a'attü, jua̧u̧ á̧gȩ-mä̧ Peduru-rü i'esubänä̧ mȩ'ü̧ porädü päinä̧ku̧: «Jurunä̧ ä̧rä̧mi̧'i̧» päüta'anü̧, yotäku kärenä̧sa̧, Peduru u̧mü̧nä̧ nü̧'käwä̧jä̧sa̧mä̧ ejächi'ü ttawäwipa'anä̧,

Hechos 12:7 ပူးပေါင်းရင်းမြစ်များ

San Mateo 2:13

Jahuätö mo̧ro̧jä̧ jähuä huo̧juä̧tö̧ tti̧'chä̧ji̧ o'ca'a, ya̧tȩ ángel, Tu̧ru̧hua̧ huȩ'ä̧hua̧ i̧jȩcui̧nö̧do Josérö 'cuo̧ti̧nä̧. Ja̧u̧ pä'inödo: —Ä̧rä̧mi̧'ö̧, ji̧'qui̧cha̧hua̧cu̧, ja̧ju̧cu̧ tö'ipächätucui Egipto rȩjȩra̧'a̧cu̧. Juhua'atä ka̧cuä̧tu̧cui̧ ttö jidähuome jubö päi'önä. Herodes ji̧'qui̧cha̧hua̧rö̧ cuä'ö icua pä'ö u̧sä̧cua̧, —pä'inödo ángel.

San Lucas 2:9

Ju̧huȩnȩ ttö̧'ȩjo̧mȩ ya̧tȩ ángel Tu̧ru̧hua̧ huȩ'ä̧hua̧ i̧jȩcuä̧chi̧nö̧do. Tȩa̧u̧ Tu̧ru̧hua̧ttö̧ kä̧dȩi̧nä̧u̧do ttö̧ja̧cuo̧mȩ. Ja̧'hua̧nö̧ päi'omenä, rö̧ȩnä̧ ye'inätödo.

San Lucas 24:4

Jahuätö ttamöcuädömä jerupinätödo. Ja̧'hua̧nö̧ ttö̧ja̧cuo̧mȩnä̧, u̧mä̧tö̧ ta̧ju̧, ttö̧'ca̧tä̧huä̧ta̧ juiyo tȩä̧ta̧ 'ca̧tä̧huä̧tö̧, ttippeyänä kä̧mä̧di̧nä̧tö̧do.

Hechos 10:30

Ja̧'hua̧nö̧ jäepomenä, Cornelio pä'inödo: —Ni̧pä̧ro̧mȩcu̧ päi'a'a chu̧cuȩ chucuoca'a chojusodenä chö̧ja̧'a̧ Diosrö chucuocuomenä, ya̧tȩ ö̧'ca̧tä̧huä̧ta̧ säruhuä̧ta̧ 'ca̧tä̧u̧ru̧ chä'ca jo̧mȩ ö̧jä̧mä̧da̧'a̧ topäjisä. Ja̧u̧ru̧ tochäja'attömä pa̧ja̧cuä̧nö̧ mo̧ro̧ ja̧'a̧.

Hechos 12:23

Yotäcu ángel, Tu̧ru̧hua̧ huȩ'ä̧hua̧, Herodes na̧huä̧cha̧ pä'ö jȩpi̧nö̧do ttö̧ja̧mä̧ Diosrö ucuotönö ttucuocua pä'ö hueoca'attö Herodesmä. Ja̧u̧nu̧ o'ca'a hui̧'ö̧ ttucui'äcu 'corupä'i'inödo.

Hechos 12:6

Ja̧u̧tä̧ yodo, mo̧ro̧ juomenä, Herodes cärenä päcuähuodettö Pedrorö rä'epö icua päji ä'canä yodo, Pedro su̧ro̧da̧u̧ ta̧ju̧ ttö̧'quȩtȩnä̧ cuoräusa tosarenä nö'cähua'a ä'inödo. Korotö su̧ro̧da̧u̧ cärenä päcuähuode äpate ä'ca tta̧'ä̧ri̧nä̧tö̧do.

Hechos 12:8

Angel Pedrorö pä'inödo: —Cu̧'ca̧tä̧huä̧ta̧ 'ca̧tä̧huo̧'i̧. Cu̧jä̧pö̧ isäya'inä ku̧nä̧huo̧'i̧. Pedro ja̧'hua̧nö̧ jȩo̧mȩnä̧, ángel pä'inödo: —Cu̧'ca̧tä̧huä̧ta̧ huäme i̧sä̧ta̧'i̧nä̧ juä'ocui'ö, ttöcu ichi.

Hechos 16:26

Ja̧'hua̧ ja̧'a̧ rȩjȩ rö̧ȩnä̧ ttö̧ȩpi̧na̧'a̧do. Cärenä päcuähuode kada'ca ttö̧ȩpi̧na̧'a̧do. Yotäcu äpatiyä o'ca juiyönä bachächipina'ado. O'ca toi'önä cärenä pȩjä̧tö̧rö̧ cuoräusa ejächi'inä̧u̧do.

Hechos 2:24

Ja̧'hua̧nö̧ ja̧'a̧ Dios ja̧u̧ru̧ tto'ädinö. Hua'arettö rä'epö icuinö, hua'are ja̧u̧ru̧ juruhuoca'attö.

Hechos 5:19

Ja̧'hua̧nö̧ ja̧'a̧ ya̧tȩ ángel, Tu̧ru̧hua̧ huȩ'ä̧hua̧, yodo ichö, cärenä päcuähuode äpate ba'epö, rä'epö icuinödo Jesús hue'ähuotörö. Pä'inödo:

Hechos 9:3

Ja̧'hua̧ ja̧'a̧ Saulo i̧'cho̧mȩnä̧ Damasco ötahuiyä ötö'cöhuächi'a'a, yotäcu mo̧ro̧jä̧ra̧'a̧ttö̧ tȩa̧u̧ kä̧dȩ'i̧nä̧cu̧do chutä ö̧jo̧mȩ.

Efesios 5:14

Ja̧'hua̧nö̧ ja̧'a̧ttö̧ päa'a: Ucu ä̧'ä̧rö̧mä̧, porächi'i. 'Corupätti'inomettö tto'ächi'i. Cristo i̧tȩjä̧dä̧cua̧jä̧.

Hebreos 1:14

O'ca toi'önä ángelesmä, espíritus tta'attö, Dios hueötä jȩpä̧tö̧do. Dios ȩmi̧nä̧u̧ru̧ ttesetarö pä'ö ppättäda pä'ö hue'ähuotödo.

Apocalipsis 18:1

Ja̧u̧ 'cuäopinö o'ca'a, ka̧ra̧ ángel rö̧ȩnä̧ ju̧ru̧hua̧mä̧, mo̧ro̧jä̧ra̧'a̧ttö̧ i̧mȩyȩhua̧'a̧ topinösä. Chutä ángel i̧tȩa̧u̧ttu̧ pi̧jä̧mä̧ tȩa̧hui̧na̧'a̧.