Hechos 12:4 - TÄ̧DO Ä̧CUÄ̧ I̧HUȨNȨ

⁴ Herodes Pedrorö 'chu'ädäji'ca̧ cärenä rötinödo. Juhuodenä pa̧ja̧cuä̧nö̧ su̧ro̧da̧u̧ pärocuotönö Pedrorö tta̧'ä̧ri̧nä̧tö̧do. Herodes ttö̧ja̧ ttä'ca jo̧mȩ Pedrorö i'cächa pä'ö amöcuädinödo pascua fiesta jȩtti̧nö̧ mo̧ro̧ o'ca'a.

Nuevo Testamento Uwotjüja

⁴ Herode-mä̧ Peduru-rü 'chuttädünä̧ su̧ro̧do̧u̧ru̧ we'äji̧'ka̧ pa̧ja̧kuä̧nü̧ osa pünä̧ tta̧ttä̧rü̧nä̧ we'ü ütinä̧ku̧. Pacua o'ka'a päi'omȩ ttü̧ja̧ ttä'ka jo̧mȩ i̧jȩpa̧ pä'ü amükuädü jȩpi̧nü̧.

Hechos 12:4 ပူးပေါင်းရင်းမြစ်များ

San Mateo 24:9

“Ja̧u̧nu̧mä̧ ucuturu korotörö ttiyäcuotö, suronä jȩtta̧ pä'ö. Ja̧'hua̧ta̧nö̧ ucuturu cuä'ö tticuäcuotö. Ttörö cuesetätucua'attö, o'ca toi'önä ttö̧ja̧ kö'cocotö ttäcuotö ucuturu.

San Mateo 26:5

Ja̧'hua̧nö̧ ttucuocuomenä pä'inätödo: —Pascua fiesta jȩtto̧mȩnä̧, Jesúsru jȩtö̧ juiyö'a̧nö̧ ja̧'a̧ ttö̧ja̧ ttö̧ra̧huä̧ra̧'a̧cu̧.

San Marcos 14:1

Pascua fiesta'inä, pan ppö̧ä̧mö̧ juiyönä cuäcuähuä fiesta'inä 'cuäopa pä'ö todäre mo̧ro̧ juiyina'ado. Ja̧u̧nu̧tä̧ sacerdotes ruhuotö'inä, hueähuä huȩnȩ huo̧juȩtä̧tö̧'i̧nä̧ yapareu ucuocuinätödo Jesúsru 'chuttäda pä'ö. Ja̧u̧ru̧ cuä'ö tticua pä'inätödo.

San Lucas 21:12

“Ja̧'hua̧nö̧ ja̧'a̧nä̧ pi̧yȩ o'ca juiyönä 'cuäopäcua'a ä'canä, ucuturu 'chuttädäcuotö. Ucuturu suronä jȩttä̧cuo̧tö̧. Ucuturu judíos ttu̧huo̧jui̧'i̧nodehuiyära̧'a̧ ttȩpä̧cuo̧tö̧ suronä ucuocu. Cärenä ttötäcuotö ucuturu. Ji̧nä̧ isocu ruhuotö ttä'ca jo̧mȩttö̧'i̧nä̧, ppeyä ruhuotö ttä'ca jo̧mȩttö̧'i̧nä̧ ttȩpä̧cuo̧tö̧ ucuturu, ttörö cuesetätucua'attö.

San Lucas 22:33

Ja̧'hua̧nö̧ päomenä, Simón päinäcudo: —Chu̧ru̧hua̧, ucutäcu 'chä̧nö̧ cärenä chö̧'ö̧'a̧nö̧ ja̧'a̧. Ja̧'hua̧ta̧nö̧ ucutäcu 'chä̧nö̧ 'corupädi'ö'a̧nö̧ ja̧'a̧.

San Juan 19:23

Su̧ro̧da̧u̧mä̧ Jesúsru dau isodänä pȩ'o̧pö̧ ttu̧ju̧nä̧ji̧ o'ca'a, ö̧'ca̧tä̧huä̧ti̧yu̧ ȩmo̧po̧'ö̧, jahuätöttö pa̧ja̧cuä̧nö̧ su̧ro̧da̧u̧ru̧ iyä'chö icuinätödo. Ja̧'hua̧ta̧nö̧ a̧mö̧ca̧ i̧sä̧ta̧ yoröiso 'tö̧ä̧huo̧co̧ta̧ ku̧nä̧ri̧nö̧do.

San Juan 21:18

Iso päi'önä pä'ösä ucuru, mö̧ä̧ya̧ cu̧jä̧i̧, ucurutä pä̧huä̧ rö̧jo̧mȩnä̧ 'ca̧tä̧hui̧nö̧jä̧ cu̧'ca̧tä̧huä̧ta̧. Ja̧'hua̧ta̧nö̧ ucurutä pä̧huä̧ rö̧jo̧mȩnä̧ cue'ächinöjä. Ja̧'hua̧nö̧ ja̧'a̧nä̧ bö̧o̧ i̧sa̧ juocuhuächomenä, cujo cä̧cu̧huȩpä̧cua̧jä̧. Ja̧'hua̧ta̧nö̧ ka̧ra̧ ö̧'ca̧tä̧cua̧ ucuru. Ja̧'hua̧ta̧nö̧ ucuru pä̧huä̧ rö̧jo̧ca̧'a̧nä̧, churutä pä̧huä̧ rö̧jo̧mȩnä̧ ȩpä̧cua̧jä̧.

Hechos 12:3

Ja̧'hua̧nö̧ jȩo̧mȩnä̧ judíos ttö̧ja̧ ttesehua'a topö, ru̧hua̧ Herodes juhua'a yabo suronä jȩpi̧nö̧do. Pedrorö'inä 'chuttäda pä'ö hue'inödo. Ja̧'hua̧nö̧ jȩpi̧nö̧do pascua fiesta jȩtti̧nö̧ mo̧ro̧, pan ppö̧ä̧mö̧ juiyönä ttucuinö mo̧ro̧ päi'omenä.

Hechos 12:5

Ja̧'hua̧ ja̧'a̧ Pedrorö cärenä päcuähuodenä tta̧ttä̧ra̧'a̧nä̧, iglesia ruhuämä Diosrö 'cuäopönä juruhuächi'ö ucuocuinätödo.

Hechos 4:28

Jahuätö jȩpi̧nä̧tö̧ o'ca juiyönä ucu cu̧huo̧jua̧'a̧ttö̧ ä'canä amöcuädö hue'inöjä ja̧'hua̧nö̧ 'cuäopäcua'amä.

Hechos 4:3

Pedrorö, Juanrö 'chu'ädö ȩmi̧pi̧nä̧tö̧do. Ni̧pä̧ro̧mȩ 'chuttäda'attö cärenä rötinätödo, koro mo̧ro̧tä̧ rättepa pä'ö.

Hechos 5:18

Jesús hue'ähuotörö 'chu'ädö, cärenä rötinätödo.

Hechos 8:3

Ja̧'hua̧ ja̧'a̧ Saulo juiyo suronä jȩpi̧nö̧do Jesucristorö esetätörö. Korodenä'inä, korodettö'inä do'ächö, u̧mä̧tö̧rö̧'i̧nä̧, nä̧tö̧rö̧'i̧nä̧ 'chu'ädö ȩpi̧nö̧do cärenä öta pä'ö.