Hechos 12:10 - TÄ̧DO Ä̧CUÄ̧ I̧HUȨNȨ

¹⁰ Su̧ro̧da̧u̧ äcuomenä pȩjä̧tö̧rö̧'i̧nä̧ 'cuä'opinätödo. Ju̧huȩnȩ pabocunä pȩjä̧tö̧rö̧'i̧nä̧ 'cuä'opinätödo. Cuoräu äpate rö̧ate, ötahuiyära̧'a̧ 'chä̧nö̧ räocuate ä'ca isodä, bahuecuächina'ado. Rä'opächö 'chi̧nä̧tö̧do mä̧nä̧nä̧. A̧'u̧cuo̧mȩtä̧ tti̧'chi̧'o̧mȩnä̧, ángel 'quȩ'i̧pä̧chi̧nö̧do.

Nuevo Testamento Uwotjüja

¹⁰ Ja̧'wa̧nü̧ ja̧'a̧, su̧ro̧do̧u̧ru̧mä̧ ä̧kuo̧mȩnä̧ tta̧'ä̧rä̧tü̧rü̧'i̧nä̧, juȩnȩ o'komȩnä̧ tta̧'ä̧rä̧tü̧rü̧'i̧nä̧, 'kuä'o'äjä'kotü, u̧mi̧ku̧ räokuate kuoräukätä jate'i̧nä̧, tti̧'chi̧'o̧mȩnä̧, ja̧'a̧tä̧tä̧ bawekuächina̧'a̧; ja̧'wa̧nü̧ päia'anä̧ rä'opächäjä'kotü, mä̧nä̧mä̧ ji̧mä̧tȩ 'kuättopäji o'ka'a, á̧gȩ-mä̧ kkatätä ü̧ji̧pa̧'a̧nä̧, ji̧ȩ'i̧nä̧ku̧.

Hechos 12:10 ပူးပေါင်းရင်းမြစ်များ

San Juan 20:19

Ja̧u̧nu̧ mo̧ro̧tä̧, semana äcuomenä mo̧ro̧, yodo päi'omenä, Jesús u̧huo̧juȩtä̧u̧ ca̧ca̧cui̧nä̧tö̧do. Ttö̧ca̧ca̧cui̧'ode äpate 'quiyönä mö̧'ȩpi̧nä̧tö̧do, judíos ttö̧ja̧rö̧ ye'ecu. 'Quiyönä mö̧ttȩpä̧ji̧ o'ca'a, Jesús do'ächi'ö, ttö'quȩtȩnä̧ kä̧mä̧dö̧, te'äu pä'inödo: —Eseäcuähuä ku̧nä̧rä̧tu̧cui̧.

San Juan 20:26

Ko̧ro̧mö̧ttö̧nö̧ huäbodäcuä mo̧ro̧ o'ca'a, Jesús u̧huo̧juȩtä̧u̧ pä'äji ta'anö ca̧ca̧cui̧pi̧nä̧tö̧do. Ja̧u̧nu̧mä̧ Tomás jahuätöcu pi̧nö̧do. Ja̧'hua̧ ja̧'a̧ttö̧ äpate 'quiyönä mö̧ttȩpä̧ji̧ o'ca'a Jesús do'ächi'ö, ttö̧'quȩtȩnä̧ kä̧mä̧dö̧, te'äu pä'inödo jahuätörö: —Eseäcuähuä ku̧nä̧rä̧tu̧cui̧.

Hechos 12:4

Herodes Pedrorö 'chu'ädäji'ca̧ cärenä rötinödo. Juhuodenä pa̧ja̧cuä̧nö̧ su̧ro̧da̧u̧ pärocuotönö Pedrorö tta̧'ä̧ri̧nä̧tö̧do. Herodes ttö̧ja̧ ttä'ca jo̧mȩ Pedrorö i'cächa pä'ö amöcuädinödo pascua fiesta jȩtti̧nö̧ mo̧ro̧ o'ca'a.

Hechos 16:26

Ja̧'hua̧ ja̧'a̧ rȩjȩ rö̧ȩnä̧ ttö̧ȩpi̧na̧'a̧do. Cärenä päcuähuode kada'ca ttö̧ȩpi̧na̧'a̧do. Yotäcu äpatiyä o'ca juiyönä bachächipina'ado. O'ca toi'önä cärenä pȩjä̧tö̧rö̧ cuoräusa ejächi'inä̧u̧do.

Hechos 5:19

Ja̧'hua̧nö̧ ja̧'a̧ ya̧tȩ ángel, Tu̧ru̧hua̧ huȩ'ä̧hua̧, yodo ichö, cärenä päcuähuode äpate ba'epö, rä'epö icuinödo Jesús hue'ähuotörö. Pä'inödo:

Apocalipsis 3:7

“Ja̧'hua̧ta̧nö̧ Filadelfia ötahuiyättö iglesia ruhuärö tta̧huä̧rä̧cuä̧huä̧ i̧sa̧rö̧ huȩyu̧tu̧ hue'i: “Yoröiso adihuä i̧sa̧'i̧nä̧, iso päi'önä pä'ö'inä, Ru̧hua̧ David öäre llave ku̧nä̧rö̧mä̧ äpate bahuepomenä, ka̧ra̧mä̧ yoröiso mö̧'ȩpo̧cö̧. Ja̧'hua̧ta̧nö̧ äpate mö̧ȩpo̧mȩnä̧, ka̧ra̧mä̧ yoröiso ba'epocö.