Hechos 11:29 - TÄ̧DO Ä̧CUÄ̧ I̧HUȨNȨ

²⁹ Ja̧'hua̧nö̧ ja̧'a̧ Jesucristorö esetätömä, Antioquía ötahuiyänä ka̧cuä̧tö̧mä̧, ji̧nä̧ yo̧mȩtȩ amöcuädinätödo ttu̧ju̧nä̧rö̧ttö̧ huetta pä'ö ttö̧jä̧hua̧tö̧ Judea rȩjȩnä̧ ka̧cuä̧tö̧rö̧ ppättäda pä'ö.

Nuevo Testamento Uwotjüja

²⁹ Ja̧'wa̧nü̧ ja̧'a̧ Antioquía-ttü, Jesucrito-rü esetätümä̧ Judea rȩjȩnä̧ kka̧kuä̧tü̧rü̧ ppä'ädümä̧ rekuä rü̧jü̧ we'inä̧tü̧.

Hechos 11:29 ပူးပေါင်းရင်းမြစ်များ

San Mateo 25:17

Ja̧'hua̧ta̧nö̧ dos mil bolívares jo̧mȩnä̧ ȩmi̧nö̧mä̧, koro juäi aditö jitä ya'ute dos mil bolívares jo̧mȩnä̧ ȩmi̧nö̧do.

San Juan 2:2

Jesúsru'inä, u̧huo̧juȩtä̧u̧ru̧'i̧nä̧ tticha pä'ö o'ipinätödo fiesta jȩtta̧ pä'ö.

Hechos 1:15

Ja̧u̧nu̧ mo̧ro̧ Pedro, ö̧jä̧hua̧tö̧ ttö̧'quȩtȩttö̧ ä̧rä̧mi̧'ö̧ ucuocuinödo. Jahuätö ciento veinte ttö̧ja̧ ji̧na̧'a̧do. Jahuätörö pä'inödo:

Hechos 11:1

Jesús hue'ähuotö'inä, ja̧'hua̧ta̧nö̧ korotö Jesucristorö esetätö'inä Judea rȩjȩnä̧ ka̧cuä̧tö̧mä̧ ä̧ju̧cui̧nä̧tö̧do, judíos huocotö'inä Dios i̧huȩnȩ esetinätö pä'ö jittähua'a.

Hechos 11:26

Ya'ute a̧'ȩ 'cuäo'i'önä iglesia ruhuäcu ka̧cui̧nä̧tö̧do. Recuätörö huo̧juȩti̧nä̧tö̧do. Ju̧huȩnȩtä̧ Antioquía ötahuiyänä Jesucristorö esetätörö äcuomenä o'inätödo Cristo umöhuäyotö pä'ö.

Hechos 13:52

Ja̧'hua̧nö̧ ja̧'a̧nä̧ Jesucristorö esetätömä juiyo esehuinätödo. Ttami iso'quinä Espíritu Santo ujuru rö̧ȩnä̧ ku̧nä̧ri̧nä̧tö̧do.

Hechos 14:20

Ja̧'hua̧nö̧ ja̧'a̧nä̧ Jesucristorö esetätömä Pablo ö̧'o̧mȩ so̧bö̧cuä̧ päi'önä ttö̧ca̧ca̧cui̧'o̧mȩnä̧, Pablo ä̧rä̧mi̧'ö̧ pä'äji ta'anö ötahuiyära̧'a̧ 'chä̧hui̧'i̧nö̧do. I̧'chi̧'ä̧ji̧ koro mo̧ro̧ päi'omenä, Bernabécu rä'opinödo Derbe ötahuiyära̧'a̧ i̧'cha̧ pä'ö.

Hechos 14:22

Koro ötahuiyänä'inä, koro ötahuiyänä'inä Jesucristorö esetätörö huo̧juȩtö̧ ji'ähuinätödo, juhua'a yabonö adiu tteseta pä'ö. —Adiu esetö cu̧ja̧cuä̧tu̧cu̧'a̧nö̧ ja̧'a̧. Rö̧ȩnä̧ surojö 'cuäopäcua'a ujuturu, Dios ö̧jo̧mȩ dotächäcua'a ä'canä, —pä'inätödo.

Hechos 24:17

“Jitämä recuo a̧'ȩ kara'a cue'ächö i̧huä̧ji̧'ca̧, pärätä chi'cächäjimä chiya pä'ö, chahuaruhuä jui'ätörö, ja̧'hua̧ta̧nö̧ ofrendas'inä chiya pä'ö pä'äji ta'anö Jerusalén ötahuiyära̧'a̧ ppa̧'ä̧chä̧ji̧sä̧.

Hechos 4:34

Jahuätöttömä ya̧tȩ'i̧nä̧ öäre jui̧'a̧mä̧ toina'ado. Korotömä tti̧rȩjä̧'i̧nä̧, ttojusode'inä ku̧nä̧rä̧tö̧mä̧ iyö icu, ttȩmä̧ji̧ micuä i'cächö, Jesús hue'ähuotö ttä'ca jo̧mȩ rötinätödo recuä rö̧jä̧u̧ru̧ ttiya pä'ö.

Hechos 6:1

Ja̧u̧nu̧ pä̧nä̧ Jesucristorö esetätömä ttirecuächina'attö, griegos ttö̧ja̧ tti̧huȩnȩ ucuocuätömä pä'ähuinätödo judíos ttö̧ja̧ tti̧huȩnȩ ucuocuätörö. Griegos ttö̧ja̧ tti̧huȩnȩ ucuocuätöttö rȩcua̧mö̧rö̧ iyocotö pi̧nä̧tö̧do, mo̧ro̧ji̧nö̧ a̧'u̧cuä̧ ttu̧cuȩ ttiya'anä.

Hechos 9:19

Ja̧u̧nu̧ o'ca'amä u̧cuȩ cuinödo ujuru ȩma̧ pä'ö. Ja̧'hua̧ ja̧'a̧ a̧'u̧cua̧'a̧tä̧ ki̧nö̧do Damasco ötahuiyänä Jesucristorö esetätöcu.

Hechos 9:25

Ja̧'hua̧nö̧ ja̧'a̧ Saulo u̧huo̧juȩtä̧u̧cu̧ i̧so̧ca̧ jacuänättö yodo 'cha'chepäjä'cotö, u̧huo̧juȩtä̧u̧mä̧ dejäcä rö̧äcä jacuä ö̧'a̧'a̧nä̧ kara'anä mȩyȩdi̧nä̧tö̧do Saulorö, ötahuiyättö u̧mi̧cu̧ töipächa pä'ö.

1 Corintios 13:5

Ja̧'hua̧ta̧nö̧ ahuaruhuärö repe'ömä, suronämä ucuocuocö. Ja̧'hua̧ta̧nö̧ ahuaruhuärö repe'ömä: “Ttötä chöäremä iyocösä korotörö” pä'ocö. O'ca päi'önä ra̧huä̧ri̧po̧cö̧. Korotömä suronä jȩtto̧mȩnä̧, jurunä unichi'ö jȩttä̧ji̧mä̧, recuo ö̧ra̧huä̧ro̧ca̧'a̧.

Gálatas 2:10

Jahuätö hue'inätö ujuturu usurä isotörö adiu ppätäda pä'ö. Iso päi'önä ja̧u̧mä̧ 'cuäopönä jȩpi̧'ä̧ji̧nö̧sä̧.