Hechos 10:15 - TÄ̧DO Ä̧CUÄ̧ I̧HUȨNȨ

¹⁵ Ja̧'hua̧nö̧ ja̧'a̧ pä'äji ta'anö ucuocua'a ä̧ju̧cui̧nö̧do Pedromä: —Idicu päcuhuä' Dios aditinömä.

Nuevo Testamento Uwotjüja

¹⁵ Pä'äjita'anü̧ rä̧mi̧pi̧nä̧ku̧: «Dio tükü ikuinü̧mä̧, ukumä̧ surojü pä'ümä̧ okuä,» jü̧nä̧.

Hechos 10:15 ပူးပေါင်းရင်းမြစ်များ

San Mateo 15:11

O'ca juiyönä rattädi'omenä, idicuächoca'a ja̧u̧mä̧. Ji̧yȩä̧cuȩtä̧ ubo ättö räopötä, ja̧u̧tä̧ idicuächömä.

San Marcos 7:19

Rattädi'ömä ttami iso'quinä ȩqui̧po̧cö̧do. Ttö'cäbiyönätä ȩqui̧pö̧do. Ja̧u̧nu̧ o'ca'a kara'anätä rä'epö icuähuädo. Ja̧'hua̧nö̧ päomenä, o'ca juiyönä cuäcuähuämä adiu pä'inödo.

Hechos 10:16

Ja̧u̧tä̧ huäbodäcuänä 'cuäopina'ado. Ja̧'hua̧ ja̧'a̧ pä'äji ta'anö mo̧ro̧jä̧ra̧'a̧ cäecuächina'ado sabana'cuamä.

Hechos 10:28

Jahuätörö pä'inödo Pedro: —Ucututä huo̧juä̧tö̧jä̧ hueähuä huȩnȩ judíos ttö̧ja̧rö̧ huea'a korotö ttö̧ja̧cu̧ cuettächö juiya pä'ö, ja̧'hua̧ta̧nö̧ korotö ttojusodenä dottächö juiya pä'ö. Ja̧'hua̧nö̧ ja̧'a̧nä̧ Dios ttörö ji'ähuäji ya̧tȩrö̧'i̧nä̧ “Ucumä su̧ro̧pa̧jä̧. I̧di̧cua̧jä̧”, pädö juiya pä'ö.

Hechos 11:9

Ja̧'hua̧ ja̧'a̧ pä'äji ta'anö mo̧ro̧jä̧ra̧'a̧ttö̧ ucuocuina'a: “Idicu päcuhuä' Dios aditinömä.”

Hechos 15:20

—Ji̧yȩä̧cuȩtä̧ ti̧huȩnȩ huȩyu̧tu̧ huetö'a̧nö̧ ja̧'a̧ jahuätörö korotö ttä̧do̧ ä̧cua̧ a̧'u̧cuä̧ ä'ca jo̧mȩ iyähuämä ttȩmö̧ juiyö'a̧nö̧ ja̧'a̧. Ja̧'hua̧ta̧nö̧ ya̧tȩ chutä irecua pocojucu suronä jȩä̧'chö̧ juiyö'a̧nö̧ ja̧'a̧. Ja̧'hua̧ta̧nö̧ nu̧'ä̧hua̧rö̧'i̧nä̧, a̧'ä̧u̧ru̧'i̧nä̧ ttucu juiyö'a̧nö̧ ja̧'a̧. Isotö ttucuoja'inä ttucu juiyö'a̧nö̧ ja̧'a̧.

Hechos 15:29

Koro juäi cuäcuähuä, korotö Dios a̧'u̧cuä̧ ä'ca jo̧mȩ iyähuämä, cucuätucuä'. Isotö ttucuoja'inä, nu̧'ä̧hua̧rö̧'i̧nä̧ cucuätucuä'. Ucutu cuirecua pocojucu suronä jȩcu̧'ä̧tu̧cu̧ä̧'. Ja̧u̧ jȩä̧cuä̧huä̧ jȩcu̧'ä̧tu̧cu̧ juiyöttömä, adiu jȩpä̧tö̧jä̧. Täcö pi̧yȩtä̧ hue'ätöjä ucuturu.”

Hechos 15:9

Dios judíos huocotö ttami iso'quittö suronä jȩtti̧nö̧ jȩpö̧ icuinö, ujutu judíos ttö̧ja̧rö̧ jȩpö̧ icuinö ta'anö, Jesucristorö tesetomenä. Ja̧'hua̧nö̧ jahuätö'inä, ujutu'inä yoräteunä tö̧ja̧ pä'ö i̧jȩpi̧nö̧.

Romanos 14:14

Ttö huo̧jua̧sä̧ koro juäi yoröiso juiya'a iditö icumä. Ttö Chu̧ru̧hua̧ Jesucristorö cheseta'attö, ja̧'hua̧nö̧ huo̧jua̧sä̧. Ja̧'hua̧nö̧ ja̧'a̧nä̧ korotömä pi̧yȩmä̧ iditö icudo pä'ö ttamöcuädöttömä, jahuätörö surojö ja̧'a̧.

Romanos 14:20

Surojuocuhue'ätucuä' Dios aditähuämä cu̧cuȩtu̧cu̧nä̧. Iso päi'önä cuäcuähuämä o'ca juiyönä adihua'a. Ja̧'hua̧nö̧ ja̧'a̧nä̧ koro juäi tucuomenä, korotö ujuturu topö surojuottepöttömä suroja'a.

1 Corintios 10:25

O'ca juiyönä idepä ttiyomettö, ȩmö̧ cuätucui, koro amöcuädö jäcuhue'ätucuoca'a.

Tito 1:15

Iso päi'önä adiu amöcuädätörömä, o'ca juiyönä adihua'ado. Ja̧'hua̧nö̧ ja̧'a̧nä̧ suronä amöcuädö esetocotörömä, o'ca juiyönä suroja'ado. Jitötä ttamönä ttamöcuädömä surojödo.

Apocalipsis 14:20

Ja̧u̧ juäi uvas ötahuiyä abocuttu ya̧'i̧nä̧tö̧. Juhuodettö, ya̧tti̧nodettö, ttucuoja rö̧ȩnä̧, caballo u̧ru̧pä̧'quȩ jubö päi'önä täcunä räopina'a. Ja̧'hua̧ta̧nö̧ trescientos kilómetros jo̧mȩnä̧ ja̧'hua̧nö̧ acuina'a.